اريد مساعدتكم الحمد لله حصلت معجزة واعطوني بالبوفيه بالكلية بعد جهد وعناء
ابي تقولوا لي اكثر شي عليه اقبال من ناحيه البنات واي شي تحسون انه تفتقدونه وتتمنونه بالكلية ؟؟؟؟؟؟

اول خطوة إسئلي إدارة الكلية ماهي الأشياء التي يتم منعها في البوفية حتى لاتتعرضين للخسارة

الخطوة الثانية تقومين بطبع إستمارة إستبيان يتم توزيعها على طالبات الكلية ماهي الأشياء التي يطالبن بتوفيرها في البوفية وعلى ضوء هذا الأستبيان تستطيعين تحديد نوع المشتروات للبوفية

شكرا لكن حابه اسئل البنات ايش اهي اهم الاشياء اللي يعتبرونها ضروره يشروها بشكل يومي سندويش نوعه عصير نوعه شوكولاتات نوعها ووووو

مبروووووووووك
الله يرزقك ويوفقك

شوفي الكلاب سندوش - بيتزا - تورتيا دجاج - الكبب - الورق عنب الاشياء المشبعه هذي ماشيه سوقها بالنسبه للحلى مثل الدونات المحشي كراميل او نستله برضوه ماشي سوقه بالنسبه للمشروبات سوي شئ مثل الكباتشينو البارد كوفي مع ايس وكراميل يعني الـ cold drinks يحبوها البنات خاصه بالحر وان شاء الله اني افدتك

جزاكم الله خير جميعا
واخي ابن الهيلا فعلا الاستبيان ضروري لكن انا الكليه حاليا مو فيها وحابه ابدأ باشياء معينه دارجه مع البنات وبعده انزل استبيان يضيفوا ارائهم بس انا قصدي بالبداية ..بس في اشياء بيكون الاقبال عليها من جميع البنات متشابه
وشكرا لكم

الله يوفقك يالغلا

اهم شي تكون الاسعار في متناول الجميع لان عندنا بجامعة الامام اسعار نار والله ان الساندوتشات تجلس الى نهاية الدوام

لان سعرها مو معقول سعر وجبة متكاملة يعني عندك ساندوتش بالدجاج سعرها 13 ريال وميزانية الاهالي تختلف مو كل الطالبات بيشترونها

حبيبتي عندك بالرياض العثيم الي عند كبري عتيقه
في محل من المحلات الي برى في نفس مبنى العثيم
محل اسمه مخابز الراشد ( تورتيلا ) مكتوب على اللوحه كذا
تلاقين عنده خبز تورتيلا هو طبعا يبيع بالجمله
اذا حنا نشتري كيس خبز التورتيلا الوسط ب 10 ريال فيه تقريبا 12 خبزه
وتباع في البوفيهات الخبزه الوحده ب 6 ريال طبعا انتي هنا
لازم تسوين حركة الشركات الكبيره وهالحركه تحبب البنات ايضا
هي حركة الوجبات ياهم يكسبون منها مكاسب بالهبل
مثلا
عندك هرفي عنده وجبة تورتيلا سمك
1-خبز تورتيلا المعروف قطع سمك مجمد ( ممكن تزورين احد المحلات الكبيره مثل العثيم وتشوفين الشركه تاخذين رقمها وتتعاملين معهم بالجمله ارخص لك بعد ماتجربين طعمها )
2- بطاطس مقلي
3- مشروب غازي واذا ممنوع ( عصير ) على حسب الطلب ممكن طازج او جاهز
وكل هالوجبه ماتكلف 20 ريال جملتها وانتي تبيعينها ب 10 ريال بس
وممكن تغيرين قطع السمك بالدجاج ( افكار هرفي خخخخخخخ)

ولا تنسين ورق العنب ترى البنات يمووووووووووووتووووووووووووووووووون فيه
عندك العلب الجاهزه طعمها يجنن مثل قريلاند الي لونه ابيض وايضا فرشلي
خذي العلبه الكبيره ووزعيها على صحون ورق يتم تغليفها في نفس اليوم او عند الطلب
العلبه ب 27 ريال تقريبا مره تزيد ومره تنقص واغلى شي ب27 واحيانا تنزل ل 25
حطي كل 3 حبات في صحن وبيعيه ب 3 ريال راح يمشي

والكبه المجمده ايضا عندك العلبه فيها 12 حبه وتباع ب 10 ريال وانتي تبيعين الحبه ب 2 ريال

اممممممم هذا الي ببالي
طبعا غير الهمبرجر

وبالتوفيق

دعواتك لي بان الله يتمم لي مشروعي وينجح غي خطواته الاخيره