أيام وسط الأسبوع

أقوم الفجر الساعه 5 بالضبط وأتسنع وأتزهب وأفطر وأصلي إلين تجي الساعه 6 إلا أنا رايحه مع النقل لم مدرستي .

أرجع لبيتنا الساعه وحده وربع أريح وأقوم بواجباتي الدينيه همن أكل لي لقمة أحياناً مالي بالغدا وأمزمز على اللي معي من المدرسه إن تسان بقايا الحلا وإلا فطاير

أسنتر على المنتديات على أذان العصر إلا انا مزهبه القهوه والقدوع ومسيره على البطاله أشقر عليهم إن تسان عندي شغل من غسيل أو كوي ملابس أنهجته
وإلا مذاكرة دروسي ومتابعة الجديد مع الأساتذه

إن تسان به شغل من الدوام قعدت عليه إلين أخلص

على أذان المغرب سيرت بذا وجلست إلين العشاء همن سكرت النت وقعدت على أشغالي الخاصه
وأزهب كل قراشيعي لليوم اللي بعده وأمرح حدود الساعه 10 ونص وإلا بالتسثير 11 .

وعلى هالحال ..

طبعاً يومي الخميس والجمعه يختلف أقوم الصبح الساعه 8 وأشقرعلى البطاله وألعب شوي
على أذان الظهر إلا أني بمطبخي أكشن غداي
وأحطه أبد الساعه وحده وعشر وش نسوي بالشيبان اللي عندي
همن يقيلون أحياناً أقيل إلين العصر وأحياناً لا

إذا أذن العصر مولمتن القهوه والعزبه حقته وجلسنا مع بعض سواليف
و كلن يروح يشوف اللي عنده من أشغال و على أذان المغرب رايحين لبيت عمنا إلين العشاء عاد موب دايم نسير عليهم على حسب الوقت ..

الجمعه لا وقت خاص وحالة إستنفار مع الغساله وز وز غسيل من الصبح إلين الظهر همن كوي من المغرب إلين العشاء همن إنخماده من غير شر ..

الهوايه النوم النوم

شـكرا لك وبارك الله فيك... لك مني أجمل تحية .

thanks

[align=center]طبعا انام الساعه 3الفجر الى 12 وربع طبعا اروح اجيب الورعان من المدرسه تحت صقيع الشمس
ثم اتغداء طبعا ما عندي فطور بحياتي ما اذكر اني اكلت فطور الا ايام الدراسه ثم اجلس على النت الة اذان العصر ثم يدق علي الصديق المخصص وقت العصر الى المغرب دوران بهشوارع طبعا لين الدورية تطردنا ثم اروح البيت وياالله استلم طلبات البيت هذا يبي شريط بلاي ستيشن وهذا يبي دفتر ابو ابو42 ورقه بشرط يكون بالغلاف صورة سياره وهذا يبي يروح السوق وطبعا الوالد حاله خاصه طلباته غربيه عجيبه الى العشاء اذا فيه مباراة اتابعها واذا مافيه احط اي فلم سامج من افلام الاكشن السامجه الى الساعه9 ثم يدق علي خويي مخصص بالليل دوران لين الساعه 1 طبعا كل يوم تصير معي مشاكل مره واحد انسرقت سيارته واتهمني لاني موقف جنب موتره << اجل انا وش دخلني يامال الشفيفه ومره تجي الى الوالد الله يحفظه شكاوي من شيبان الحاره الموقرين يسمعون تفحيط وكان مافيه بالحاره ماكسيما الا انا ثم ارجع لنت الى الساعه 3وانام

ملاحظه ,,, الصلاة بشكل ثابت , اذا فيه مباراة للريال اجلس بالبيت

بث هذا يوووومي طبعا مع العطاله مش حتقدر تغمض عينيك [/align]

طول يومي يانايم و على النت

ياحلوكم اقرى يومياتكم ومستانسه عليكم
انا كبنت حالتي كانت كارثه بقووووووووووووووووه بس الصلاح من الله وصرت اكوس وحده وجدولي كالتالي:
اصحى الفجر اصلي واجلس مع مامتي في المطبخ نجهز فطور ونجمتع انا واهلي وعقب كل واحد يروح لشغله ومدرسته
وبالنسبه لي من الساعه 8 الى الساعه11 اكون جالسه على النت اقرى بقصص الانجليزي علشان لغتي ومع طالبات عاطلات مثلي وشرواي على الاسكايبي واكون حاطه ماسك على شعري وخشتي المصون
الساعه 12اخذ لي شاور ونصلي وابدء ابدع لهم في الغداء وكل يوم استايل مع الكبسه(عندي واحد من اخواني اذا ماشاف الكبسه ولا شم ريحتها يقلب نيجيري ويعصب ومسكين ينام بجوعه الى وقت العشاء)
عقب دربكة الغداء والظهر اعمل حلى او فطاير او شي بسيط للعصريه وبس اخلص اروح انوم شوي الى الساعه 4 ورجعت بابا من برى
نجتمع على القهوه وجلسه الى المغرب بعدين هجوله في المطبخ للمره الثالثه انا ومام لتحضير العشاء
ومن الساعه 9 الى الساعه 12 هجوله في منتداي الغالي وفرفره في منتديات ثانيه
خميس ويك اند طلعه او زياره ولازم نمر الحبيبه جدتي الله يخليها لي وبرنامجي يكون نوم الى الساعه 1 واقوم خلاص ومواصله الى الساعه 2 علشان بكره جمعه
والجمعه يوم خاص ولانه قصير فتقريبا يكون بين شغل البيت غسيل كوي تدريس اخواني ونروح بنده لازم بنده يوم الجمعه احسه شي مقدس
هذرتي كثيره بس برنامجي بالتفصيل -بس شغله اذا حياتك مافيها نظام وشي مرتب صدقوني نفسيا تتعبون وتملون وتطفشون
نصيحتي نظمو اوقاتكم وخصصو وقت تقرون شي مفيد او كتب حملوها على اجهزتكم
وقود لك للجميع يارب

الحمدالله علي نعمة النوم
نوم +نت +افلام +شغل البيت
النوم اهم شي اذا ماجاء بكيفة يجي غصب عنه اخذحبوب بندول نايت وناااام

نوم من 8 الى10ساعه..

تقريباساعه اساعد امي في شغل البيت..

رياضه المشي ساعه الاربع+ اكل...

نت 12ساعه تقريبا + افلام ..

يعني اكل ومرعى وقلت صنعه ع قولت جدتي+طفش ملل طول الوقت..


الله يتوب علينا من هذي العيشه

شـكرا لك وبارك الله فيك... لك مني أجمل تحية .