السلام عليكم ورحمة الله وبركاته
اخواني العاطلين او سبق لهم العطاله والغرض من الموضوع هو حب استطلاع وليس لقافة
نرجو التفاعل مع الموضوع وذكر الروتين اليومي لك من الصباح حتى تذهب للفراش ومع تغير الفصول الأربعة اكيد راح يتغير الروتين نترككم مع الموضوع
بسم الله نبدأ ونشوف اول عضو...........
بس امانه بدون بهارات او زوائد مالها داعي

هو نفس الروتين في حميع الفصول
نوووووووم +فطور الصبح +ونووووووووم +غداء+نادي+فرفره في ذالشوارع لين اخر الليل

اقوم الفجر,,فطور,’نت,,لينـ العصر,,ويطع خويي من الدوام,,نسولف ونلعب’بلاستيشن,,وسوالف,,وعشا,,ونوم اساعه12’’ ماحب الفرفره مره مره ,,

^^^^^^
كني قد شفتك اخر الليل تفرفر بس ماذكر وين

روتين رائع لا يوجد به اوقات فراغ بس فيه ناس روتينه اليومي غريب جدا بنشوف شوي بيجون

من الفجر نوم الى 11 ونص سنة الصباح
الظهر نت
العصر والمغرب مع الاهل
العشاء صلحي العشاء ثم هذرة جوال والا مسن < مافيه سربته
ونوم 1 الليل

بسم الله الرحمن الرحيم
اما انا فغيركم تمامن ابدبكم بالليل انام الساعه 3 يصحوني الساعة 6.34 قوم يله ود الورعان المدرسه اقوم اغسل خشتي وروح احمي موتري ابو عشر دقايق يطلعون اخواني بالتقسيط احطه في الدي ومشي اييييييييييييي
انزل اول واحد طبعن القاه راقد وراء المهم زي كذا لين اخر واحد بعدين اشتريلي مفطره معصوب والبيت اتمفطر لحالي وكمل نوم من الساعة 8 الين الساعة 11.27 يقوموني يله جب الورعين من المدرسه وجيب معك لبن وجريدة وركب سيارتي وهاتك لطعات عند المدارس هذا يطلع بعد الصلاة وهذا الساعة وحده ونص ما ارجع البيت الا الساعة تقريبن 2 وطلع الثوب والبدله لاصقه في جسمي من الحر طبعن انا في مكه مثلكم عارفين هر كتير
اتروش وانطلق الئ الغداء واضرب من نعايم الله الموجودة وبعدين ارجع غريفتي وطق المكيف وشغل لبتبي وتمشي في منتداي المفضل البطاله لين العصر اصلي وتقهوائ وتفرج في القذافي ابو نص ساعة ودق علئ صديقي المفضل وطلع انا وياه لين اذان العشاء ارجع البيت طبعن بعد الصلاه يبون الاهل عشاء اجيهم وش تبون تتعشون
كلهم ما ندري بكيفك جيب اي شي يرتفع ضغطي وبعد هواش يتفقون مثلا قالو جيب مطبق وحركات صعبه معه اركب موتري لحال اجي عند المطعم الناس فوق بعض ادور موقف ما فيه اخذ ثلاث لفات لين القالي موقف وانطل السياره وروح المطعم وصف طابور ابو نص ساعه واخذ العشاء ونا رايح البيت الجوال تررن تررن اطالع الوالد
انا / الووووه الوالد / وينك / انا / عاني جاي / الوالد / اقول مر الصيدليه وجبلي معك حبوب حموضة اسمها اسيلوك / انا / طيب / الوالد/ طين طين قفل في وجهي لا مع السلامه ولاشي وهذي قصتي ولله الحمد مع انه باقي لاكن ما ابا اطول عليكم ومشكور اخوي علئ الموضوع للترفيه عن النفس تحياتي

بسسسسسسسسسسسم الله الرحمن الرحيم

يومي ابدأ من العصر توني صاحي اغسل خشتي اناظر وجهي في المرايه تغير ولا باقي اطلع من البيت افرفر اي مكان اروح له الاخلاق اكيد العصر تكون قافله توني صاحي المهم بعد المغرب في الاستراحه مع الشبان وبعد العشاء اذا فيه مباراه نتابعها ولا اطلع اشوف العيال نطلع للبر ومن الساعه 12 ناخذ صكه وبعدها يمكن افرفر اذا الشارع فيه حد ومن بعدها امسك النت وفرفره في حلول البطاله لدرجه حافظ الاسماء اللي فيه والمشرفين المهم فرفره لين الفجر وادخل اي موقع حتى المواقع ماتتوقعونها لدرجه من الطفش صرت العب بلوت في النت لين الصباح اروح الساعه 6المدرسة اشوف الطلاب المتأخرين ادخلهم ولا عيال عمي الغايبين ادق ع ابوهم <<كذا نذاله المهم يمرني واحد من الزكرت ونفرفر ندور شي عند الثانوي يمكن احد ناسي فستحته يتعذر ههههههههههههههههه
المهم لين الساعه 9الصباح وبعدها نووم للعصر

بدأت الروتينات شبه الغريبة
الله يسعد ايامكم جميعا وعقبال ما يكون روتينكم اليومي قومه الصبح للدوام