(الحب قبل وبعد ومتعة التعمق وفقدان ما نملك)

[منتهى الذوق] · #11 (**permalink**) 14-03-2011, 03:12 AM

اقتباس:

المشاركة الأصلية كتبت بواسطة لولو المنسيه

^^^

كلامك صحيح بس ينبان الفرق بين الحب والاعجاب

ويعطيك العافيه منتهى

يعافيك ربي

نورتي ^_^

[منتهى الذوق] · #12 (**permalink**) 14-03-2011, 03:34 AM

اقتباس:

المشاركة الأصلية كتبت بواسطة كحل الورق

يعطيك العافيه منتهى ..

ربي يعافيك يا غاليه ^_^

اقتباس:

بالنسبة للحب وخصوصا النسبة اللي ذكرها الاخ سمير 1% من اللي ينتهي علاقتهم بالزواج طبعا

هذا مايسمى حب ..مجرد شغل الفراغ العاطفي بالنسبة للولد او البنت

ليه ما يعتبر حب ؟؟

الكاتب ذكر ان 1% من اللي عاشوا الحب قبل الزواج كانت علاقتهم ناجحة
يعني انتهى حبهم إلى الزوآج ..

اقتباس:

وانا اشوف ان فترة الجيل الحالي يعرفون معنى الحب الحقيقي بعد الزواج

ما أظن الكل .. والدليل حالات الطلاق اللي كل سنه تكون أضعاف ماقبلها ..

اقتباس:

طبعا مو الكل لان بعضهم يكون بينهم علاقة حب قبل الزواج خصوصا لو كانوا قرايب ~

في هذي ممكن ..
حب الصغر .. هند لـ محمد ومحمد لـ هند ..

اقتباس:

ولو نشوف الحب الحقيقي بنظرة الولد من الصعب انه ينسى البنت اللي يحبها حتى لو تزوج غيرها

اما البنت صح انها تتأثر بس ربي انعم عليها بالنسيان اكثر من الولد ~

تحيتي

صحيح الشاب اذا حب من قلب مستحيل ينسى اللي حبها حتى لو تزوج وممكن توصل ويسمي
وحده من بناته على اسم حبيبته ..

والبنت نفس الشي .. اللي يخليها تنسى انشغالها بتربية أطفالها وزوجها ولو كان زوجها
مقصر معها مستحيل تنمحي ذكرى المآضي الجميل ..

نورتي يآغاليه وأسعدتيني بروعة الحضور والمشاركة

[منتهى الذوق] · #13 (**permalink**) 14-03-2011, 03:51 AM

اقتباس:

المشاركة الأصلية كتبت بواسطة خفوقي عاف دقاته

الحب جميل بس اذا كان صادق مو لغايه يعطيك العافيه

ربي يعافيك

نورت

مليت ابي وظيفة · #14 (**permalink**) 14-03-2011, 03:59 AM

شـكرا لك وبارك الله فيك... لك مني أجمل تحية .

أحساس مترف · #15 (**permalink**) 14-03-2011, 04:19 AM

تكفون وين نحب بالسعوديه ..!!

بالحدائق الغناء
أو عند الغدير ..!!

يااااااسلام لو أنني بباريس أو مو بالسعوديه
قسمااات وقتها بقول للحب يس
بس عسااني ما أحب كل يوم واحد
أحيانا مو أحيانا وربي خاطري أحب بس أحسه بياخه

خصوصا أني أدخل جو مع الشعر وأتمنى فارس أحلامي شاعر وطويل وعيونه زرق

عاد النهايه تعرس الوحده وتنصدم بزوج ما شفته
وأطباع وكل شي ياربي يعني حتى بعد الزواج مافي حب
أف ملل

الملاك الحالم · #16 (**permalink**) 14-03-2011, 10:40 AM

طرح رائع وموضوع قابل للنقاش
اول شي معروف بمجتمعنا ان البنت اوفى من الشاب طبعا مب كل الحالات بس الغالبيه
لان تأصل بفكر الشباب ان دا شي عيب مع انه مب عيب دام كل واحد يبي الحلال
بعهد الرسول صلى الله عليه وسلم كان صحابي يحب وحده امره الرسول ان يتزوجها ردعا للفتنه بس كان حبهم عفيف وطاهر
فصارت ثقافة مجتمع يعني افكار متأصله ونادرا مانلقى شخص واعي وتفكير منطقي
ثانيأ
الكاتب قال ان1% هالنسبه مره قليله وماتوقع كدا لان الي يحب صح مايفرط بحبه الا ادا كان يلعب مايحب اقول كلامه صحيح
وبالاصح ان اغلب حالات الطلاق بسبب غلاء المهور وهناك حالات طلاق من بعض العلاقات وليس بأكملها

لان الشخص يدفع مهر فوق طاقته وماهي الا ايام وبالاصح اول شهر بعد الزواج بعدها تتراكم ديونه وتبدا مشاكل ماتنهي باغلب الحالات الى طلاق
واخيرا اقولكم
الحب مافي عقل لان الشخص العاشق يفقد السيطره ع مشاعره لان صار من يشاركه قلبه وحياته وفكره
ولو مكان يهيم بمحبوبه
لانسميه حبأاوعشقا صادقآ
ربي يرزقكم الحب الصادق له اولا ومن ثم لخلقه
موفقين

انت بعيوني · #17 (**permalink**) 14-03-2011, 12:56 PM

اقتباس:

المشاركة الأصلية كتبت بواسطة أحساس مترف

تكفون وين نحب بالسعوديه ..!!

بالحدائق الغناء
أو عند الغدير ..!!

يااااااسلام لو أنني بباريس أو مو بالسعوديه
قسمااات وقتها بقول للحب يس

بس عسااني ما أحب كل يوم واحد

أحيانا مو أحيانا وربي خاطري أحب بس أحسه بياخه

خصوصا أني أدخل جو مع الشعر وأتمنى فارس أحلامي شاعر وطويل وعيونه زرق

عاد النهايه تعرس الوحده وتنصدم بزوج ما شفته

وأطباع وكل شي ياربي يعني حتى بعد الزواج مافي حب
أف ملل

هههههههههههههههه
لارحتي باريس خوذيني معتس

نغير جو

هندسة عطالة · #18 (**permalink**) 14-03-2011, 02:02 PM

اقتباس:

المشاركة الأصلية كتبت بواسطة أحساس مترف

تكفون وين نحب بالسعوديه ..!!

بالحدائق الغناء
أو عند الغدير ..!!

يااااااسلام لو أنني بباريس أو مو بالسعوديه
قسمااات وقتها بقول للحب يس

بس عسااني ما أحب كل يوم واحد

أحيانا مو أحيانا وربي خاطري أحب بس أحسه بياخه

خصوصا أني أدخل جو مع الشعر وأتمنى فارس أحلامي شاعر وطويل وعيونه زرق

عاد النهايه تعرس الوحده وتنصدم بزوج ما شفته

وأطباع وكل شي ياربي يعني حتى بعد الزواج مافي حب
أف ملل

الحب مو عن الأماكن والدول
حتى بلندن شفت حبايب انفصلوا عن بعض

الحب مو بمعنى انو نتقابل ونشوف بعض

انا حبيت بنت خالتي وبديت احبها من 9 سنوات وهي تبادلني نفس الشعور
والحمدلله ملكنا قبل 3 شهور وعايشين احلى حياة

وحالياً بالسعودية تغير الحال وتغير التخلف اللي كنا عايشين فيه
الواحد كان مايقدر يجلس ويكلم زوجته اذا ملك عليها

وهذا خطأ للأسف , فيه حواجز وحياء بين المتزوجين تبدأ مع بداية زواجهم
مما قد يصعب الحياة بينهم او تستمر الحواجز لمدة اطول ..
وماأقصد هنا اعطائهم الضوء الأخضر لعمل أي شئ , بالعامي ياخذوا راحتهم ع الآخر
هذا من الممكن ان يؤثر بعائد سلبي لبعض علاقات المتزوجين وخاصة اذا كانت بداية حياة بينهم
ممكن يحصل سوء فهم بينهم او غلطة او شك ويحصل طلاق لاسمح الله قبل إتمام الزواج !

وممكن يبدأ الحب بين الطرفين بعد الخطبة
اذا كان حب صادق , راح يخفي جميع سلبيات وعيوب الطرفين
عشان كذا سموه الحب أعمى

شكلك طايحة في أفلام دراما ورومانسية ولا مسلسلات تركية وعايشة بمخيلات ماتصير عندهم

هذي مشكلة الأفلام , تحقي قصة تختلف عن الواقع تماماً وهذا اللي شفته وعشته ببريطانيا

الحب له تعاريف ومعاني كثيرة وخاصة اذا كان حب صادق أبدي ينتهي بزواج ولايتكلم عنه الا شخص عايشه

ممكن تتغير حالات الحب , يختفي الشعور تدريجياً بين المتزوجين مع مرور الأيام وهذا اللي حاصل حالياً مع كثير من المتزوجين , السبب يعود للروتين والحياة اليومية بينهم وعدم التجديد في حياتهم اليومية , اقصد بالتجديد هنا , تغيير الروتين اليومي , بلغتنا العامية , تغيير جو , سفرة , طلعة بحر أو بر , مطعم او كوفي شوب وغيرها الكثير من الطرق اللي تساعد في تغيير الروتين والتجديد بالحياة اليومية .. وهذي نقطة لصالح الأجانب , لأنهم يحبو تغيير اجوائهم بطرق كثيرة

في الأخير , الأطباع والتفكير يختلفو بين المرأه والرجل
لاتنتظر او لاتفكر بأن الطرف الآخر يفكر بنفس تفكيرك
وأكيد راح يكون هناك اختلاف في وجهات النظر بين الطرفين حتى لو كان الحب واصل أعلى درجاته
العلاقة تحتاج لمداراة في بداية الأمر وعدم تصعيب الامور وتكبير المشاكل حتى لو كانت صغيرة
لأن كل شخص وله وجهة نظر تختلف عن الآخر

ولنتذكر بان قدوتنا حبيبنا محمد صلى الله عليه وسلم
معاملته عليه الصلاة والسلام لأزواجه رضي الله عنهن فيها من الدروس والحكم والفائدة لنا بحياتنا
اذا اتبعنا سنته , لن تكون هناك مشاكل بحياتنا الزوجية بإذن الله

عبرت وطولت بكلامي
يحقلي , عريس جديد

-

شكراً منتهى الذوق على مشاركة الموضوع المفيد

تباشيرالصباح · #19 (**permalink**) 14-03-2011, 03:03 PM

^^^^
الله يسعدكم يارب ...وعقبال الفرحه الكبيره ...

خلونا نتكلم عن حب هاليومين هاهاها ....حتى ياحياتي الصغار اللي بالابتدائي جوالاتهم بالبلاك بيري مليئه بااشعار غزليه وصور غراميه والله اترحم على حالهم وش ذنب الطفوله تستباح براءتها حرام هذول اللي جالسين يكتبون في الغزل ويصممون صور قبيحه مثل وجيههم وبالنهايه توصل لتخترق براءة الاطفال مانبغى اطفالنا يتربون على كذا ...

اي حب نشأ عن طرق ملتويه هذا بدأ من قمامه وينتهي طبيعيا امره لامحاله في القمامه
رساله لمن وقع في حب كهذا
الذي سقط في الحب بطريقة لاترضي الله يحاول يطلع منه كيف ؟؟
يشغل نفسه بعيدا عن ذلك الذي اشغله بشتى الطرق ...
سواء فتاة او فتى ...
وسبحان الله الحين بزماننا هذا صايرين اللي يتكلمون في الحب غرضهم غريب عجيب امره ماادري وين يبون يوصلون
للعلاقات الشاذه ولاوين بالضبط..؟؟؟

يعني اللي يتكلمون في الحب ماتقدرون شوي تخففون عن هؤلاء المساكين اللي لاليلهم ليل ولا نهارهم نهار
غرقى في بحر العشق ..والحمدلله الذي عافانا مما بلاهم
ماابي اتكلم كثير ..لكن اذا ولا بد من حب قبل الزواج مثل مايبون يعني كيف بيكون ؟؟؟
نلتقي مع غريب في الشارع او نحادث شخصا في الهاتف او عن طريق النت فنعشق ؟؟؟؟
فعلا امر غريب ....في احد بيرضى بشغله كذا ...
مثلا اذا وقع ...الامر كهذا ...وبقي ذلك الحب مسجونا سنين من الطرفين فلماذا لا يكلل بالزواج ؟؟؟
والواقع يقول عكس ذلك تماما نهايته الفشل الذريع لانه ليس بحب ...سبحان الله
شيلو عن افكاركم حب مزيف ومشاعر خداعه واشغلو قلوبكم بااشياء كثيرة تحبونها في الدنيا الحياة مليئه بالمحبوبات
واهجروا الافلام والمسلسلات اللي تحرك الغرائز قبل الشهوات ...
امر طبيعي كلانا يحتاج للاخر ولا ننكر كلانا يحتاج للحب ...
ولكن العاقل ينتظر حبا صادقا يظهر في النور
ويبدأ بعلاقه شرعيه ..تنتهي بالزواج حتما ...
حفظنا الله واياكم ونعوذ بالله من شرور انفسنا وسيئات اعمالنا ...