المشاركة الأصلية كتبت بواسطة هندسة عطالة

الحب مو عن الأماكن والدول
حتى بلندن شفت حبايب انفصلوا عن بعض

الحب مو بمعنى انو نتقابل ونشوف بعض

انا حبيت بنت خالتي وبديت احبها من 9 سنوات وهي تبادلني نفس الشعور
والحمدلله ملكنا قبل 3 شهور وعايشين احلى حياة

وحالياً بالسعودية تغير الحال وتغير التخلف اللي كنا عايشين فيه
الواحد كان مايقدر يجلس ويكلم زوجته اذا ملك عليها
وهذا خطأ للأسف , فيه حواجز وحياء بين المتزوجين تبدأ مع بداية زواجهم
مما قد يصعب الحياة بينهم او تستمر الحواجز لمدة اطول ..
وماأقصد هنا اعطائهم الضوء الأخضر لعمل أي شئ , بالعامي ياخذوا راحتهم ع الآخر
هذا من الممكن ان يؤثر بعائد سلبي لبعض علاقات المتزوجين وخاصة اذا كانت بداية حياة بينهم
ممكن يحصل سوء فهم بينهم او غلطة او شك ويحصل طلاق لاسمح الله قبل إتمام الزواج !

وممكن يبدأ الحب بين الطرفين بعد الخطبة
اذا كان حب صادق , راح يخفي جميع سلبيات وعيوب الطرفين
عشان كذا سموه الحب أعمى

شكلك طايحة في أفلام دراما ورومانسية ولا مسلسلات تركية وعايشة بمخيلات ماتصير عندهم

هذي مشكلة الأفلام , تحقي قصة تختلف عن الواقع تماماً وهذا اللي شفته وعشته ببريطانيا

الحب له تعاريف ومعاني كثيرة وخاصة اذا كان حب صادق أبدي ينتهي بزواج ولايتكلم عنه الا شخص عايشه

ممكن تتغير حالات الحب , يختفي الشعور تدريجياً بين المتزوجين مع مرور الأيام وهذا اللي حاصل حالياً مع كثير من المتزوجين , السبب يعود للروتين والحياة اليومية بينهم وعدم التجديد في حياتهم اليومية , اقصد بالتجديد هنا , تغيير الروتين اليومي , بلغتنا العامية , تغيير جو , سفرة , طلعة بحر أو بر , مطعم او كوفي شوب وغيرها الكثير من الطرق اللي تساعد في تغيير الروتين والتجديد بالحياة اليومية .. وهذي نقطة لصالح الأجانب , لأنهم يحبو تغيير اجوائهم بطرق كثيرة

في الأخير , الأطباع والتفكير يختلفو بين المرأه والرجل
لاتنتظر او لاتفكر بأن الطرف الآخر يفكر بنفس تفكيرك
وأكيد راح يكون هناك اختلاف في وجهات النظر بين الطرفين حتى لو كان الحب واصل أعلى درجاته
العلاقة تحتاج لمداراة في بداية الأمر وعدم تصعيب الامور وتكبير المشاكل حتى لو كانت صغيرة
لأن كل شخص وله وجهة نظر تختلف عن الآخر


ولنتذكر بان قدوتنا حبيبنا محمد صلى الله عليه وسلم
معاملته عليه الصلاة والسلام لأزواجه رضي الله عنهن فيها من الدروس والحكم والفائدة لنا بحياتنا
اذا اتبعنا سنته , لن تكون هناك مشاكل بحياتنا الزوجية بإذن الله


عبرت وطولت بكلامي
يحقلي , عريس جديد

-

شكراً منتهى الذوق على مشاركة الموضوع المفيد

المشاركة الأصلية كتبت بواسطة [منتهى الذوق]

مين قال لكم روحوا حبوا .. لا أنا ولا الكاتب ذكرنا الكلام هذا

فاهمين غلط الظاهر ..

مري خذيني اذا بتروحي باريس ..بغينا نغير جو

المشاركة الأصلية كتبت بواسطة الملاك الحالم

المشاركة الأصلية كتبت بواسطة تباشيرالصباح

اي حب نشأ عن طرق ملتويه هذا بدأ من قمامه وينتهي طبيعيا امره لامحاله في القمامه
رساله لمن وقع في حب كهذا
الذي سقط في الحب بطريقة لاترضي الله يحاول يطلع منه كيف ؟؟
يشغل نفسه بعيدا عن ذلك الذي اشغله بشتى الطرق ...
سواء فتاة او فتى ...
وسبحان الله الحين بزماننا هذا صايرين اللي يتكلمون في الحب غرضهم غريب عجيب امره ماادري وين يبون يوصلون
للعلاقات الشاذه ولاوين بالضبط..؟؟؟

يعني اللي يتكلمون في الحب ماتقدرون شوي تخففون عن هؤلاء المساكين اللي لاليلهم ليل ولا نهارهم نهار
غرقى في بحر العشق ..والحمدلله الذي عافانا مما بلاهم
ماابي اتكلم كثير ..لكن اذا ولا بد من حب قبل الزواج مثل مايبون يعني كيف بيكون ؟؟؟
نلتقي مع غريب في الشارع او نحادث شخصا في الهاتف او عن طريق النت فنعشق ؟؟؟؟
فعلا امر غريب ....في احد بيرضى بشغله كذا ...
مثلا اذا وقع ...الامر كهذا ...وبقي ذلك الحب مسجونا سنين من الطرفين فلماذا لا يكلل بالزواج ؟؟؟
والواقع يقول عكس ذلك تماما نهايته الفشل الذريع لانه ليس بحب ...سبحان الله
شيلو عن افكاركم حب مزيف ومشاعر خداعه واشغلو قلوبكم بااشياء كثيرة تحبونها في الدنيا الحياة مليئه بالمحبوبات
واهجروا الافلام والمسلسلات اللي تحرك الغرائز قبل الشهوات ...
امر طبيعي كلانا يحتاج للاخر ولا ننكر كلانا يحتاج للحب ...
ولكن العاقل ينتظر حبا صادقا يظهر في النور
ويبدأ بعلاقه شرعيه ..تنتهي بالزواج حتما ...
حفظنا الله واياكم ونعوذ بالله من شرور انفسنا وسيئات اعمالنا ...

المشاركة الأصلية كتبت بواسطة ملاهيب نجد

يقولون تراه موب أنا


الحب قطع قلوب البعارين

المشاركة الأصلية كتبت بواسطة فرفوشي

الله الله موضوع جدا روعه

المشاركة الأصلية كتبت بواسطة وزير البطالة

أنا اشوف مشاعر الانثى في الحب أصدق من مشاعر الذكر ...

البنت لو تعلقت بشخص مستحيل تنساهـ بسهولة ..
لكن الولد عندهـ الف قلب كل قلب لوحدهـ ..

بس انا اشوف اغلب الأشخاص اللي يدعون الحب
بالاساس هم مايحبون ..
فقط معجبون بشخصية وعقلية فلان وفلانة ..
وبسرعه يمحى من ذاكرته هالشخص بمجرد يشوف شخص احسن منه ..

لكن اللي يحب والله ماينام الليل ..
يصير بالضبط مثل حالة قيس ..

في مجتمعنا مايعترف بشئ اسمه حب ..
والدليل كثر المشاكل العائلية ..
لو كان الزوجين يحبون بعض ماخلوا توافه الامور تأثر على علاقتهم ..!

يعطيك العافية يامنتهى ..

المشاركة الأصلية كتبت بواسطة عبق القرنفل