الدعم التجاري الاجتماعي (المسمى تركيب وتعريف من عندي وليس بالضرورة يكون موائم )

بسم الله والحمدلله والصلاة والسلام على سيد الانام

السلام عليكم ورحمة الله وبركاته ..

اخواني واخواتي

*كلنا نعرف معنى كلمة دعم وتتردد علينا في كثير من الاحيان وابغى ان اخصص هنا مفهوم معين وهو الدعم التجاري الاجتماعي حسب وجهة نظري . وسموه ما شئتم*

يحز في نفسي اني اشوف كثير وليس الكل من شعبنا الحبيب لا يدعم اخوه المواطن السعودي بالشراء منه واذا شرا تلقاه يكاسره وينشف دمة ويقول ما ينزل السعودي ( تعود على الوافد يسلخه بقيمة عالية ويخلية يكاسر براحته ويحسب انه انتصر عليه وهو مغلوب على امره)


نكته

حتى من باب الطرفة ان زميل لي مسوق سلع واتصل عليه عميل ولما رد زميلي عليه بلهجته عرف العميل انه سعودي قال سعودي مع السلامه ههههههههه فضطر انه يتقمص بلهجته اللهجة اليمنيه .. ومشى حاله ( من له حيلة فليحتال )


بينما انه يشتري من الوافد وان كان غالي في سعر بيعه بحجه انه مسكين وجاي يترزق الله .. والسعودي ما يترزق الله ؟؟


فالدعم التجاري الاجتماعي بمنضوري الخاص انه دعم شباب المجتمع بالشراء منهم لكي يعود الدخل للبلد متوزعا على جميع الشعب شلون؟ خلها بالبلدي اذا اشتريت مني كسعودي دخل بجيبي 100 ريال رحت وشريت من اخونا زيد محل لخضرة سعودي وزيد راح وشراء مقاضي من ناصر سعودي . يعني الفلوس قعدت بالبلد مهوب مثل الوافد ياخذ 100ريال ويصرفها كمثال نصها هنا او اقل والباقي يحولها ؟؟ يعني ما استفدنا منه. ترا عرفته بطريقة اقتصادية مغايره ..خلطه سريه

طبعا اذا مافيه سعودي مو مشكلة نضطر ناخذ من وافد

بس اذا صرنا ندعم بعضنا راح يكثرون الشباب بفتح المحلات ويغطون كل الاحتياجات لانهم لقوا حافز مغري ..وهو الشعب ودعمه وتكافله معهم

وهذه الطريقة ليس تقلل البطالة بل تعدمها..

ومن تتطلعي لهذا العزوف عن السعودي انها اسباب ثقافية متخلفة
****ومنها الشخص الي معه عائله ما يدخل على محل سعودي يروح لوافد ****

مهما كانت الاعذار والتبريرات لن تكون مقنعه في العزوف عن المواطن السعودي في المحلات التجارية او في البيع والشراء كمندوب تسويق

واتمنى ان نقلد طالما اننا مقلدون الوافدين وتلاحمهم وتعاونهم ودعمهم التجاري لبعضهم

موضوع رائع ويستحق الوقف امامة كثيراً

دعوة عامة ولجميع أعضاء منتدى البطالة نبغى نسوي حملة خليها بالبلد لكي نجد حل للبطالة
نشتري أي بضاعة من إبن البلد والله ثم والله لو نتعاون لنجد خيررررررر
وأطلب من مراقبين و مشرفين و مؤسسة منتدى بفتح مواضيع وتثبيتها

والله ولي التوفيق عاطل الثانوية

فعلا كلام في الصميم

والله يقويكم يلا الهمه الهمه ياشباب يدا بيد نحو القمه

للرفع

موضـــــــوع راااائع , وكــلام مهــــم جــــــداً , وهالــشي ناقصناا من زمـــأن

اذكر كنت جاالس مع موظفين , وكاان يتكلم واحد من الشباب عن محل سوبر ماركت صغيرر , ويمدح العمالة اللي فيها , وانه يشتري منهم هو ومعااه كثير من زملاءه في العمل , يعني بيسجلوا عنده وااخر الشهر بيحااسبوه المهم سألته كم تطلع عليك الفاتورة بنهاية الشهر قال 800ريال والثاني قال 1000 واللي بعدهم 500 المهم هذولا 3 موظفين فقط اخبروني من بين 50 موظف من دائرة حكومية واحدة , من بين ما يقارب 50 دائرة حكومية ومدرسة موجودة بمحافظتنا , ولو كلهم اشتروا فضلا من السوبر ماركت اللي صاحبه الشااب السعودي (( نواف البطل )) , كم تتوقعون النتايج , ولو شروا بعد من محل الخضروات اللي صاحبه الشاب السعودي (( همسات محب )) , كم بيطلع لهم , وكم بتكون فيه فايدة لعيالنا واخواناا وعيال عمنا وجيراننا والاقربون وعيال الوطن , وقس مثل ذلك لمحل القرطاسية اللي صاحبة (( ياسر الكاسر )) , وبعد محل الجوالات اللي صاحبة (( اسامة عبدالله )) , ومحل االاكسسوارات النسائية اللي صاحبته (( بنت الرجال )) ومحل الازياء الراقية اللي صاحبته (( ام سعود )) , وفي النهاية محـــــــــــــــــــل ابورياليــــــــــــــن (( اللي انــا راعيـــــــــه )) , الفلوس بتدور عندنا وحوالينا , بينشط اقتصادنا , وبنتزين احوالنا , وبتصير الحملات الخيرية , والاوقاف , وبتبارك المستودعات الخيرية , وبنعف الفقير , وبنكسو المسكين , وبنعطي اليتيم , ونقوم ع الارملة , ونعاون المطلقة ,

اطاااااااااااااااااااااااااااااااااالب بحملــــــــــــــــــــــــــــــــــــــــــــــ ــــــــــة (( اشتري من ولد البلـــــــــــــــــــــــــد ))

اخوي تاجر جامعي
وهمسات محب

اشكركم على مروركم ودعمكم ولا خلا ولا عدم منكم ولا من تواصلكم ولكم مني وافر الامتنان

انا مع الحملة وياليت نسوي حملة في قروبات الايميلات والفيس بوك والتويتر :
نبي السعودة في كل القطاعات الممكن شغلها ب شباب سعودي "

فالنا التوفيق"