السلام عليكم ورحمة الله وبركاته

كلمة شكر أبعثها إلى الاخوان كلهم ، وخاصة يا أخي شاعر الهلال ، يا أخي تصريحاتك التي نقلتها عن المسؤول ليست صحيحة بسبب أنه يريد تصريفك لا غير ، والله والله والله العظيم لقد جتني أخبار من ولد خالتي في وزارة الخدمة في الدمام ، أنه عندهم تعميم جاء من الرياض من الوزارة الخدمة تقول فيه ، تجهيز للمفاضلة التعليمية والتي سوف تظهر في تاريخ 29 / 6 / 1432 ، وهذا الخبر يا شاعر الهلال ، ويا أيها الأخوان من قريب لي ، والذي فطر السماء بغير عمد ويخلي لي أهلي جميعاً أني لم اصدق ولد خالتي ، ذهبت إلى مدير التوظيف في فرع وزارة الخدمة ، وقلت له هل صحيح أنه التاريخ في هذا اليوم ، قال لي بالحرف الواحد تقريباً شبه مؤكد ثم سكت وقال مؤكد ، فإن يوم القيامة الله يسألني يوم العرض والحساب أمامكم جميعاً ،

ويوم العرض والحساب أمام الملأ ، سوف نقف أنا وأخي شاعر الهلال ، وسوف تتبين الحق بإذن الله ، فأسأل الله العظيم أن يرزقنا وإياكم التعيين ..........

موفق بإذن الله ... لك مني أجمل تحية .

لو سمحتم اسدحوا رقم ديوان الخدمه في ذا الي بجده لاني خلاص بتهور ولو تبون اسجلكم المكالمه ماعندي اشكاليه ههههههههههههه بس الي يعرف رقمهم بالله يعطيني هوه

ربيع الأماني ..كلامك تقريبا صحيح بس ليش منفعل

اللي يبي يعرف التفاصيل...
الصباح رحت لمقر الفرع الرئيسي لوزارة الخدمة المدنية وقلت أن شاءالله ماراح أطلع من عندهم ألا بنتيجة
طبعا مافي مكتب وألا دخلته وماغير طالع للدور الرابع ونازل للدور الأول وبعضهم من جد مايعرف وش جدارة وأيش القصة لأن عليها تعتيم كبير
طبعا ماخليت قسم وألا دخلته قلت يمكن أحد منهم يهمه موضوع جدارة ويعرف تاريخ إعلان النتائج
طبعا هم صادقين لأن بعضهم حلف لي أن ماأحد يدري متى تاريخ إعلان النتائج...ودخلت مكتب الوزير لكن ماكان مداوم وقابلت مدير مكتبه وقال بالحرف الواحد (والله العظيم الوزير بنفسه مايعرف التاريخ وأن فيه لجنة هي المسؤولة عن جدارة)>>>طبعا هذا يدل على أن الوزير مو مهتم ب660 ألف عاطل وعاطلة تقدموا لجدارة
وبعض المكاتب ترددت عليهم أكثر مرة عشان أذا عندهم شي يعطوني وأفكهم من شري ههههههها

المهم جاء الشخص اللي أقترح برنامج جدارة وهو مدير كل صغيرة وكبيرة بجدارة
ونفسيته جدا سيئة وكل ماسألته شي قال ماأدري وأخر شي قلتله بالعربي ماراح أطلع من الوزارة ألا بنتيجة
وقال ماراح أعطيك تاريخ محدد لكن الأكيد أن مافي شي قبل 15/7
وأنا طالع مسكني السكرتير(شكلي كسرت خاطره) وقال رح لهذاك المكتب تراه يعرف كل شي بهالوزارة وبالفعل رحت يمه وقال بالحرف الواحد وبأختصار (لاتتعب نفسك ياولدي وأنتظر الأخبار على موقعنا...قلت يالغالي والله النظر راح فيها وأنا مسنتر 24 ساعة مقابل موقعكم...قال لا مو الحين ومستحيل يكون فيه شي قبل شهر من الأن
....يعني أنتظر نهاية شهر 7 أو بالكثير بداية شهر 8 ولاتروح لاأحد ثاني لأن ماحد راح يفيدك كثري...قلت جزاك الله خير وأنتهت المحادثة)
طبعا خلال تنقلي بين المكاتب فهمت أشياء كثيرة منها:
*أن أي شخص يبي يسجل بجدارة للوظائف التعليمية معاه مجال إلى تاريخ 22/6 لأن شفت موظف جاه شخص من أقاربه ويبيه يتوسط له بالتسجيل وقال مايحتاج واسطة ومعك لين الاربعاء وبعدها أي تعديل راح تنتقل لمفاظلة العام القادم (وطبعا مدري هي تصريفة للرجال ولاهذا العلم الأكيد)

*أن النتائج ماراح تنزل ألا بعد أعلان وزارة التربية والتعليم لأحتياج السنة الدراسية القادمة بأسبوعين

*أنه تم أستبعاد أكثر من 160 ألف مرشح لعدم أكتمال بياناتهم

*أن نسبة التوظيف هذه السنة راح تكون كبيرة

*ملاحظة هذه التواريخ منهم هم يعني أذا صار أي تأخير للحد يقول أنا اللي قلت

وبالنهاية أنا والله ماتعبت نفسي ألا عشان مو كل من هب ودب يسدح تاريخ من راسه وكلنا نصدقه وأخر شي يطلع تخمين
وماأبي منك ألا الدعاء وأتمنى أكون أفدتكم وتقبلوا تحياتي

وبالنسبة للأشخاص اللي جالسين يتغامزون من بعيد لاتكثروا من كتابة أسمي بمشاركاتكم لان ماراح أرد عليكم والطيور على أشكالها تقع

الحين بتتضاربون على تاريخ معقوله حطوا براسكم شي واحد متى ماجات الوظيفه اشبنا بنداوم على طول يالله عالسنه الجديده وان شا الله بكثر الدعاء والاستغفار مايضيع تعب احد والله يوفقنا جميع ياااااااااااارب

يااااااليل مطولللللللللللللللللللللك العلم انتفخ