الله يكتب اللي فيه الخير

الله يجزاك خير يا شاعر الهلال
وانا ما يقهرني اللي هاللي يقولون ملينا من يقول ويقولون
ياخي الناس تجتهد وتروح تسأل ومب ذنبها اذا الموظف ما عطاهم العلم الصحيح
وبعدين وش احسن ان الواحد جالس كذا ما يدري وش الطبخه والا انه توصل له علوم واخبار من هنا وهناك
اتركوا عنكم التناقض وتحميل اللوم على الغير

تعيين 52 ألف معلم ومعلمة خلال الشهرين المقبلين، مع بدء العام الدراسي الجديد،


تعتقدون هالرقم خاص بقوائم الانتظار ؟؟؟؟؟؟؟؟؟

بالبداية كنت متوجه للوزير وكنت بأشتكي على الموظفين وأقوله أنهم يكذبون علينا ومتحمس
لكن للأسف مو مداوم( يمكن أنه بباريس أو بلندن) وقال مدير مكتبه والله لو أنه بمكتبه ماراح يفيدك لأن ماعنده خبر عن جدارة

فرجعت لقسم الحاسب الألي وطبعا ماتقدر تفتح الباب ألا برقم سري بس سبحان الله طلع واحد من عندهم وأسغليت الفرصة ودخلت
فدخلت على مديرهم وقال والله نشتغل ليل نهار عشان نعالج البيانات
لأن المقدمين وأكتمل بياناتهم أكثر من نصف مليون وللأسف فيه كثير منهم هم سبب التأخير
لأن البعض الله يهديه كاتب تقديره ممتاز وهو أصلا مامعه ألا دورة لكن أتوقع بتكون بعد منتصف هذا الشهر
وهذا سبب تأخيرنا
فقلت مشكور على سعة صدرك وطلعت لعند علي الغامدي(مدير الإعلانات الوظيفية) لأنه حبيب وروحه رياضية
فدخلت عليه وسألته عن الخطة الزمنية اللي شفتها عنده وأن 4/7 تطلع الأسماء
قال صحيح اللي شفته لكن هذه خطة مبدئية وبأذن الله الاسماء قريب تطلع
قلت تكفى وأصريت عليه يعطيني شي يفيدني فقال تعال بجنبي
وفتح صفحة على كمبيوتره وعطيته رقم السجل المدني (لايوجد معلومات متوفرة)
قال هاه شفت بعينك وأني والله لو أعرف شي كان أفدتك
قلت مشكور ويعطيك العافية وطلعت

هذا ماحصل بالتفصيل وبصراحة من الأن أعلن أنسحابي من هذا الموضوع
لأن حسيت أن فيه كثير كان معتمد على الله ثم على كلامي وأني خيبت ظنهم
لكن يالغوالي أقسم بالله العظيم أن كل شي قلته كان أما شفته بعيني
أو سمعته من موظفين الوزارة ولاقلت اي حرف من راسي

وبالنسبة لي خلاص ماعاد أروح للوزارة وبأحط براسي أن الأسماء بنهاية 7 عشان ماأنتظر وأحرق نفسي بتواريخ كاذبة

واللي يبي يروح من الأخوان للوزارة بأعطيكم العنوان
العنوان مع طريق الملك فهد بأتجاه الجنوب مع تقاطع طريق الوشم يجيك على اليمين
طبعا أذا دخلت المبنى على يسارك بيكون الحاسب الالي لكن ماتقدر تدخله لأن برقم سري يفتح الباب
أطلع للدور الثاني أول مكتب على يسارك مدير التوظيف (عطا السبيتي)
وأول مكتب على يمينك مدير إعلانات التوظيف (علي الغامدي)
واذا تبي الوزير بالدور الرابع

وأعذروني على القصور
حاولت أجتهد واساعدكم لكن ماقدرت
وربي يسعدكم وأن شاءالله أذا طلعت اسماءكم بأرجع أبارك لكم
أخوكم ماهرالخالدي