السلام عليكم شباب
والله اليوم كان الكشف الطبي حقي بس للاسف سقط في الدم
بعد طول أنتظار و في الاخير سقطت في تحليل الدم
يقول الممرض ان عندي أنيميا منجلية
و انا قد سبق وسويت كشف طبي للقوات الجوية ونجحت فيه
و رحت مستشفى حكومي ومستشفى خاص ومركز الرعاية وكلهم يقولون أن ما عندي أنيميا
اعطى دمي لشخص ثاني حسب يالله ونعم الوكيل

بس انا طارح هذا الموضوع عشان أستشيركم الظرف إلا اعطوني المستشفى أوديه و إلا اتركه عندي لان في ناس قال لي اني لو وديته بعدين انحرم من كل الوظائف العسكرية

خذ معاك تقارير من مستشفيات ثانيه انك سليم وخذ تقرير الكشف الطبي اللي يقول ان معاك انيميا وروح للقطاع اللي انت مقدم فيه وعلمهم بالسالفه

قولهم انا سليم ووريهم تقارير المستشفيات وياليت تروح لاكبر المستشفيات عشان يتأكدون واطلب كشف جديد

والله يوفقك يالغالي

ياشيخ المشكله انه العقيد قلي انتبه على الملف و ورقة الكشف والتعهدات لو تشخمط فيه لا تجيبه لنا
الممرض قدام يعيوني وضع غير لائق
والممرض يقول لي لا تتعب نفسك لا عد تقدام على الداخلية مره ثانية

حسبي الله ونعم الوكيل

قطع الاعناق ولا قطع الارزاق

بس ياخوي لاتسكت زي ماقال عاطل سوي فحوصات من مستشفى حكومي واذا طلع مامعك شي روح لهم
واطلب تحليل من جديد والاحسن لاتسوي عند نفس الممرض

بالتوفيق وانشاء الله تكون من نصيبك

انا سويت في مستشفى حكومي والحمدلله ما تطلع معاي شيء

يارب يارب انه يعوووضك بالي احسن منها

وابي اقولك لاتسكت عن حقك اذا انك سليم يالغالي روح سوي

بالمستشفيات تحاليل يعني اكثر من تحليل وعطهم التحاليل صدقني راح يعطونك خطاب ثاني

ويسوون لك تحليل وانشا الله تسهل امورررك يارب .....

ياخي المشكله تروح كلهم رتب تتكلم على واحد قلك اقلب وجهك
بس انا با اسوي إلا انتم تشوفونه و إذا ما نفع با اقدم شكوى على ديوان المظالم

ماعليك انت سوي الي تشووفه احسن

وانشا الله تسهل امورك ولا تخاف اذا لك رزق فيها والله انها تجيك

وموفق خير يارب

[align=center]
لا تسكت وحاول بإي طريقه ,, ادري قهـر لكن الله يعوضك بخير منها يارب ,,
ويمكن تكون خيره لك


[mark=#FF9999].[/mark][mark=#FF9999] لا إله إلا الله ,, فدا العسكرية [/mark][mark=#FF9999].[/mark][/align]

اسأل الله العلي العظيم انه يرزقك خير منها وتحسب عليهم ودام حط غير لايق وشو له اجل تروح وتتعب حالك وانت عارف انه ما رح يقبلونك ولاتروح لاديوان مظالم ولا كلام فاضي لاكن لو اسدعاء الامر خذ ابوك او شخص كبير معك وطالبوباعادة الفحص الطبي والله يعوظك خير منها