المشاركة الأصلية كتبت بواسطة السوويدي

بسم الله الرحمن الرحيم
السلام عليكم ورحمة الله وبركاته
انا طبعا مثلي مثل كثير غيري .. متابعين بصمت ..

و ........ <<<< مافيني حيل اكمل المقدمه .. دوبي واصل ومهدود

الحمد لله اليوم كانت مقابلتي الشخصيه ..
بعد اخذ الملف و الطول .. ادخل اول مكتب يسار فيه 5 رؤساء رقباء .. كل متقدم يروح لواحد فيهم

طبيت في رئيس رقباء اسمه عيد العتيبي
اول سؤال .. متى فرضت الصلاه ؟ ( في ليلة الاسراء و المعراج ) ..و اين ؟( في السماء ).. و كم كانت ؟ (خمسين وكان الرسول صلى الله عليه وسلم يسأل الله ان يخفف عن امته بطلب من موسى عليه السلام ) .. وكم اصبحت ؟ خمس صلوات اجرها يعادل خمسين صلاه

ثاني سؤال .. كم اركان الاسلام ؟ ( 5 )
ثالث سؤال .. كم اركان الايمان ؟ ( 6 ) .. ويسألك .. متأكد ؟

اقرأ سورة الناس ..

رابع سؤال .. وين شهادتك ؟ ههههههههههه ما ادري وش يبي بالضبط ( بالملف صورة منها )
خامس سؤال .. كم نسبتك ؟ ......... خير وش تبون ههههههه

* سؤال اللي جنبي .. ماهي اول غزوه في الاسلام وسنة كم كانت ؟

خلاص خذ بطاقتك و اطلع انتظر نناديك

بعدها دخلنا على العميد .. السحيباني ..
تكلم عن القطاع .. و ركز وشدد على ان التعيين في المدن الرئيسيه الثلاث .. وان مافيه امل للنقل قبل 10 سنوات .. ولا تفكر تداقش احد في اي من قطاعات الامن العام .. وان الدوره صعبه .. و الشغل صعب .. و اللي يبي يحول يتكلم قبل الدوره .. اذا ابتدت الدوره انسى تغير شي .. ومن هالكلام ..
وبعدها ..
اسمك ؟
عندك اخوان عسكر ؟ وفي اي قطاع ؟
وين درست الثانويه ؟
من وين انت ؟
وين قضيت آخر سنتين ؟ وايش كنت تسوي ؟
عندك استعداد تباشر العمل في المدينه الفلانيه ؟ .. ( غير مدينتك )
انت اكبر اخوانك ؟ فيه اكبر منك ؟ ..
فيه احد يرعى اهلك ؟
وش تشجع ؟ <<<<< هالسؤال جاني انا .. ههههههههههههه عاد انا مالي في الكوره .. قلت ما اشجع .. فيه نقيب يغششني يقولي ..قول اتحااد .. اتحاااد .. الظاهر العميد اتحادي .. او ان النقيب يبي يوهقني

وبعدها اكد على ان الدوره في السلي ( من ضمن الكلام اللي قاله .. كلكم مقبولين ) في 1 /8 ..
و ان الارقام بتطلع في الجرايد الرسميه ( الرياض /عكاظ/ المدينه ) من 7/1 الى 7/15

و بعدها .. توكل على الله

سمعت من الرقيب علي ان المقابلات بتنتهي يوم الثلاثاء الاسبوع الجاي

و شغلت موتري و على جده

وهذا علمي و سلامتكم

متعب .. ترا لي خاطر اتعلم البلوت .. ههههههههههههههههه

المشاركة الأصلية كتبت بواسطة دندن غن

يالربع ترا في رمضان في مكه ان شاء الله اذا نظامهم مثل الامن العام رمضان والحج

يالبيه لو نروح لمكه لان الامن العام يسمونها نقااهه يعني فله

المشاركة الأصلية كتبت بواسطة دندن غن

يالربع ترا في رمضان في مكه ان شاء الله اذا نظامهم مثل الامن العام رمضان والحج

يالبيه لو نروح لمكه لان الامن العام يسمونها نقااهه يعني فله

المشاركة الأصلية كتبت بواسطة المعطي الله

اتوقع 100% فيه لا ن يوم دخلنا على السحيباني على كتفه اليمين سبته الصاعقه
وتحتها مكتوب الامن الدبلماسي
بس ترى الصاعقه ماتجي ضمن الدورة على طول
الصاعقه ماتجي الا ولها شروط مثل بعد الخدمه بسنه او اكثر
وتراها اختياريه مو اجباريه