السلام عليكم ورحمة الله وبركاته
ابشركم ياشباب اليوم مع اذان العشاء دقو علي امن السفارات وقالولي عندك مقابله يوم الثلاثاء الساعه 6.30 الصباح تكون موجود عندنا حلاقه مكينه 1 ولبس رياضي واصل الهوية
وحبيت افيد بعد المقابله واستفيد قبل المقابله من الاخوان الي خلصو من المقابله
موفقين بإذن الله ... لكم مني أجمل تحية .

اللهم لك الحمد حتى ترضى
ولك الحمد اذا رضيت ولك الحمد بعد الرضى


ابشركم دقو عليه الساعه 12:00

قالولي تحضر يوم الثلاثاء من الساعه 6:00

مع الحلاقه نمره (1)

ولبس رياضي وبطاقة الاحوال الاصليه

وبالتوفيق للجميع

أتمنى من الأخوان الي مقابلاتهم اليوم يعطونا علومهم
وش صار معهم ؟
مع أطيب طمنياتي للجميع بالتوفيق

متعب الف شكر لك على الخبرية الحلوه ياقمر والف مبرووووووووك الاتصال وجهز نفسك للدورة انت ادرى مني بالامن الدبلوماسي وتدري ان مابعد اتصال المقابله غير الدورة ان شاء الله
ونفس الكلام للشباب الي قدمو
الله يوفقكم وانتم السابقون ونحن اللحقون يقصد الدورة ترا هههههه باي

لا شكر على واجب اخوي عريف السفارات
والله يوفق الجميع
وحلوة (انتم السابقون ونحن بكم لاحقون ) هههههههه

[align=center]
بسم الله الرحمن الرحيم

من طقطق الى السلام عليكم في المقابله بأمن السفارات

تحبوون العلوم ********> وبعدين معك تطولها وهي قصيره <<<<<< المهم ....

طلعت من الشقه الساعه 6:00 ووصلت يمكن الساعه 6:40 ولما وصلت نزلت وحصلت حدود 100 شخص سألت واحد قلت هنا مقابلات امن السفارات قل يس ، ولما جاء الساعه 7:30 فتحوا الباب ودخلنا صف بالساحه الداخليه وبدأ يسأل من اللي بطاقته الاصل مو معاه ويفتش على الشعر واللي مو محلق على 1 يقول روح حلق وتعال ، وبدينا ندخل واحد واحد جوات مبنى القبول والتسجيل وبدأ ينادي بالاسماء ولما جاء اسمي اخذ بطاقتي وتأكد من الاسم واعطاني رقم قال تحفظه حتى يسألك عبود العصيمي رحت لعبود العصيمي واعطاني ملفي وقال لا تنسى تحفظ رقم الطلب اللي على دفتر طلب الالتحاق ، وبعدين عند باب المقابله جندي يأخذ مقاس الطول ويسجلها بالملف ، وبعدها بدينا ندخل المقابله وابشركم جيت عند مطوع فله للاخر تدرون وش سألني ^ قال اقرأما تيسر من القران ؟ ولما قريت سوره القارعه قال خلاص اطلع وانتظر برا وانتظرت حدود ربع ساعه وبدأ ينادي عبود بالاسماء كل خمسه لوحدهم المهم جاء دوري ومن سوء الحظ انا الاول من بين هالخمسه ولما دخلنا بالمكتب صكو الباب وتدرون منو اللي جالس الدكتور السحيباني لا وانا عند الكرسي حقه وبدأ يسأل هل تعرفون طبيعه العمل وضغوطاته وما في الدوره من تعب ومدري شنو ومن هالكلام طبعا تبون الصراحه انا خفت من كلامه بس بالاخر اهم شيء وظيفه تضمن مستقبلك ، ولما خلص كلامه السحيباني قال خلاص انتظرو الارقام من تاريخ 1/7 الى 15/7 اللي يطلع رقمه راح يجيه اتصال ويعلمونه شنو الطلبات .

وشكرا واعذروني اذا طولت بكلامي بس من حبي لكم جيت وعلمتكم
ودعواتكم ان الهلال يفوز الليله
[/align]

ابشركم سويت المقابله اليوم والامور سهالات

ابقول لكم وش صار معي بالتفصيل

حركت من البيت الساعه 5 ونص وصلت هناك الساعه 6 ولا دخلونا الا الساعه 7 ونص

المهم ويصفونا في الساحه الداخليه بعدين دخلونا للصاله حقت القبول وبعدين قاموا ينادون ب

الاسامي والي يطلع اسمه يروح ياخذ طولك انا طلع طولي 177 بعدين تدخل

المقابله طبعاااا المقابله سهله انا سئلني

من وزير الخارجيه
اقراء ما تيسر من القران الكريم
عدد اركان الايمان
من مفتي المملكه
اذكر بعض المذاهب الاسلاميه

بعد ما تخلص ترجع الصاله تنتظر بعدين ينادون اسمك ويعطونك ملفك وتدخل على قائد القوات

السيبحاني يسئلك كم نسبتك وكم نسبه القدارت وش اسمك بعدين يجلس يتكلم عن القطاع

يقول ترا مافيه نقل للقطاعات الثانيه وترا دورتنا صعبه الي مايقدر يتحمل يقول لنا ومن ذا الكلام

بعدين قال لنا ترا كلكم مقبولين وانتظروا النتائج من 1/7 الى 15/7 والدوره في 1/8

بعض النصائح

1_ اذا دخلت على حقين المقابله حاول انك تسلم عليهم وتقول لهم صباح الخير ومن ذا الكلام

2_ اذا عطاك عبود العصيمي ملفك على شان تدخل على القائد نصيحه لا تفتحه على شان فيه واحد

فتح ملفه يبي يشوف وش عطوه درجه في المقابله شافه عبود وخذا ملفه وطرده

3_ لا تتكلم في الصاله لانهم يقيمونك من اول ما تدخل الين من تطلع

وهذا والعلم و سلامتكم

واي سؤال لا يردكم الا الكيبورد

بالتوفيق