تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
09-05-2011, 01:02 PM
|
||||
|
||||
|
بسم الله الرحمن الرحيم وأنا جالس اتمشى في المنتدى  <<< من الفضاوه طبعا لقيت موضع قديم لتجمع امن السفارات حقين الدورات الي راحت وابنقل بعض الردود الي ممكن يستفاد منهاا وهذا رابط الموضع https://www.btalah.com/showthread.php?t=192797 وهذي ردود للعضو سيبويه عاطل ( الف مليون مبروك لزملاء المستقبل وعقبال البقية ان شاء الله من حسن حظكم ان دورتكم حتكون في مركز الاعداد والتدريب بطوارئ الرياض سنة كاملة قضيناها في هذا المركز والحمد لله تخرجنا في 11/7 المركز يعتبر اريح وافضل من مدينة التدريب لا من ناحية التعامل ولا ناحية التعب ميدان التدريب في المركز يعتبر صغير بالنسبة لميدان مدينة التدريب وهذا اريح لكم المدريبن اغلبهم محترمين ..بس ثق ثق تامة انك تبي تقول اعوذ بالله وش هالتعامل من المدربين في البداية وسبب كرفهم لك بالبداية هو زرع هيبة في نفوس الطلاب الجدد تماما مثال تعامل المدرس في اول ايام مباشرتة في مدرسة جديدة الاعاشة جيده جدا لأن ميز افراد قوة الطوارئ والطلاب واحد يعني لا تخافون من ناحية الاعاشة بس طبيعة النفس البشرية تمل من تكرار نفس الاكل وراح تشوفون كلامي آخر الدورة يوجد بقالة بجنب المركز كذلك يوجد بوفية بجوار الميز...يعني فلوها فيه عيبين بالمركز الاول النادي اللي فيه تصلون اغلب مكيفاته خربانه والثاني قلة دورة المياة الله يكرمكم وبعضها يحتاج للتصليح.... ونصيحة اول ما تبدون الدورة طالبوا من قايد المركز اصلاح المكيفات والدورات طبعا اول ما تجون تبي تفتشون تفتيش واللي يقدر يزبن جواله يزبنه تحت الحزام<<<وافهموها والافضل انك تجي للمركز وتحط شريحتك بالمحفظة واذا فتحوا الزيارة بعد اسبوع خل احد اقاربك يعطيك جهاز صغير وزبنه لانك تبي تفتش بعد الزيارة كثر من ملابس الرياضة 3على الاقل حتى ترتاح من الغسل وكثر الملابس الداخلية وجب معك مرهم عضلات ومزيل رائحة...صدقني راح تحتاجها اخيرا: انصح كل الزملاء الصبر الصبر الصبر ثم الصبر تراك اول ايام الدورة تبي تضرب نفسيتك وتحس بالتعب والارهاق والآلام العضلية ..لكن كلها ايام وتتأقلم على الاجواء...ولا احد يفكر بالهرب لأنها وظيفة ورزق وجاك ولا تتركه وحاول اول ما تبدأ الدورة تتعرف على زملائك حتى ترفهون عن بعض. أتمنى اني وفقت بسرد نبذه عن المركز واي استفسار انا حاضر والله يوفقنا وياكم ,,,,, ودعواتكم لنا ) _________________________________________________ حنا بدت دورتنا بشهر7 واول راتب نزل لنا راتب شهر 11..وبداية شهر12 نزلت رواتب شهر8 9 10 ومع راتب شهر 12 نزل راتب الايام ال19 من شهر 7.........وبعدها بدا الراتب كل يوم 25 بالنسبة للخدمة اكيد طبعا تبدا تحسب من بداية الدورة __________________________________________________ _ وهذا رد للعضو حي السفارات صباح الخير ياشباب اول شي الله يوفقكم وكلن يتوظف بأسرع وقت اخوكم عسكري بحي السفارات بالرياض بالقطاع الجديد الى هو القوات الخاصه للامن الدبلوماسي قطاع جديد اول كنا تابعين للشرطه وصرنا قطاع جديد تابع للامن العام وصار احسن بكثير من كل النواحي وبشرحلكم كل شي بالتفصيل واى استفسار تأمرون امر اول شي هالقطاع متواجد بثلاث مناطق الرياض بحي السفارات والشرقيه بالقنصليات وجده القنصليات بس ثاني شي جتنا زياده بالرواتب25% ثالث شي تقدر تطلب اى سفاره خارج المملكه وبكل سهوله وغير كذا تغير الدوام اول كنا نستلم 6 ساعات ونسلم يوم الحين كل 4 ايام يجينا يومين راحه وفوق هذا حتى دوامنا راحه لابعد الحدود وغيرو لابسنا صار جديد وبتشوفونه لاننا راح نلبسه ب15_8 الشهر الجاي طبعا جده للحين دوامه ماتغير بس بيتغير لانه فيه دوره تخرجت من شهر واغلب التعينات لجده وابشركم اغلب الدورات الحين سفارات وطالبين ناس كثيره حتى فيه دوره بتبدا السبت بتاريخ 28_7 بالطواري بالرياض كلهم سفارات تقريبا عددهم 300 هالكلام قاله لى مدرب بالطواري لاني انا حاليا دوره عندهم وقطاعنا الجديد فيه دورات كثيره وعليها اصناف حلوه والاهم من هذا الترقياااااات ماتطوف شهر واحد ولله الحمد اتمنى اني وافيتكم ببعض المعلومات واى استفسار تأمرون امر وانا اخوكم
|
|
09-05-2011, 01:05 PM
|
|||
|
|||
|
في تقديم والا لا ووين مكان امن السفارات
|
|
09-05-2011, 01:17 PM
|
||||
|
||||
|
|
|
09-05-2011, 02:10 PM
|
|||
|
|||
|
الاسطوري يعطيك ربي العافية على مجهودك
|
|
09-05-2011, 03:01 PM
|
|||
|
|||
|
أخوي عمر
|
|
09-05-2011, 03:17 PM
|
||||
|
||||
|
هلا والله
|
| أضف رد |
|
(( لا تنسى ذكر الله )) |
|
|
|
|
العرض العادي
