استفسار عن التسجيل في التأمينات لوظيفيتين هل فيها مشكله؟

ابو رعد · #1 (**permalink**) 18-03-2011, 07:05 PM

السلام عليكم ورحمة الله وبركاته

عندي استفسار عن بعض الانظمه

انا موظف في شركة براتب 1300 ريال ومسجليني في التأمينات وفي مكتب العمل

وانا ناوي بأذن الله ادور وظيفه ثانيه مع وظيفتي هذي

لكن هل فيه تضارب لو توظفت في شركة اخرى او في حكومه ؟؟يعني نظام التأمينات والتقاعد يقبل بهالشي او لا ؟

طبعا فيه بعضهم بيقول اتركها ماتسوا

لكن هي ميزتها ان عملها وايامها بسيطه جدا وبأمكاني اتوظف وظيفه ثانيه ولا راح يكون فيه اي تأثير

لكن مشكلتي في نظام التأمينات والتقاعد ما اعرف عنه شي

انتظر ردودكم لاني والله محتار ؟

ابو رعد · #2 (**permalink**) 18-03-2011, 11:00 PM

افيدوني جزاكم الله خير

اممم عاطل · #3 (**permalink**) 18-03-2011, 11:55 PM

اي نعم حبيبي ابو رعد .. فيه مشكله اكيد ماتقدر تتوظف

مثل الوظائف الحكوميه مثلا تقدر تتوظف في المرور والشرطه ؟
هذي نفس الكلام لأن اسمك مسجل تبع المنشأه هذي وخلاص مايمديك تتوظف بغيرها ، لكن عندك حل انك تبقى في الشركه حقتك بس تكلم مديرك او اي شخص وتقوله ابغى انزل اسمي او انت ضبط وضعك عاد
انا توظفت في شركه زي قلتها وقالي بدون عقد قلت اوك ، دخلت الوظيفه الراتب 2600 والدوام شفتين 10 ساعات 3 ساعات الصباح و 7 ساعات المساء من غير الضغط الرهيب في العمل ، طبعا انا وقعت عقد على ورق بس عشان الشركه يضمنون اذا سرقت او اي شي لاسمح الله يجيبوني
طبعا استقلت بالتلفون اتصلت على المدير قلت انا مستقيل قالي خلاص ..
والله بعدها بإسبوع يمكن او اسبوعين ارسل اسمي للتأمينات و نكبني حسبي الله عليه عاد بنزل اسمي واخاف يحرمني من وظيفه انا متقدم عليها من قبل ... مدري احس اني شطحت عليك بس اعلمك انك لو تضبط وضعك عادي تتوظف بدون تأمينات وبدون اي شي عادي ..

بالتوفيق اخوووي

خـــآرج النـــص · #4 (**permalink**) 19-03-2011, 12:03 AM

في التأمينات يجب ان تكون لشركة واحدة او جهة حكومية واحدة ولايمكن الجمع بين جهتين (وظفيتين في نفس الوقت ابداً)

طبعاً تقدر تشتغل في وظفتين وتطلب من احدها التغاضي عن التسجيل في التأمينات على حسب طريقة تعامل شؤون الموظفين معك وتقديرهم لوضعك .

وبالتوفيق لكـ

المازن ا · #5 (**permalink**) 19-03-2011, 02:40 AM

يجمـــــــــــــــــــــاعه لاتردون على الرجال بدون علم حرام عليكم والله

أخي مافيه مشكله تسجل في التأمينات في أكثر من منشأه

أخي هناك محامين ومستشارين مسجلين في أكثر من شركه

أخي ماتضرك في التقاعد بالعكس تحسب ضمن خدمتك يعني الي في التأمينات تحسب أضافه

الى خدمتك أذا تقاعدت

وهذا رقم التأمينات المجاني وتأكد بنفسك 8001243344فترة الدوام من 8صباحا الى 8 مساء

يدور الوظيفه · #6 (**permalink**) 19-03-2011, 02:41 AM

موفق بإذن الله ... لك مني أجمل تحية .

خـــآرج النـــص · #7 (**permalink**) 19-03-2011, 04:24 AM

اقتباس:

المشاركة الأصلية كتبت بواسطة المازن ا

يجمـــــــــــــــــــــاعه لاتردون على الرجال بدون علم حرام عليكم والله

أخي مافيه مشكله تسجل في التأمينات في أكثر من منشأه

اخي الكريم ردك استفزني في بادي الأمر
بعد زيارة موقع التأمينات الاجتماعية والبحث في الموقع اتضح التالي..
السؤال:

هل يجيز النظام عمل المشترك لدى أكثر من صاحب عمل ؟
الجواب:

نعم يجيز النظام عمل المشترك لـدى أكثـر من صـاحب عمــل ، وهذا مــا يـعـرف بـالازدواج التأميني

ويحسب له شهر اشتراك واحد بمجموع الأجور التي يتقاضاها من أصحاب العمل.

ومن خلال الرابط التالي , تجد الاجابة على كل الاسئلة المتعلقة في هذا الموضوع
http://www.gosi.gov.sa/portal/web/guest/faq

أشكرك استاذي المازن على التنبيه , واعتذر من الاستاذ ابو رعد , كان المقصد هو خدمتك وليس تظليلك لاسمح الله .

الهلآلي · #8 (**permalink**) 19-03-2011, 12:19 PM

تعقيباً على كلام اخوي الفيصل حبيت افصلكم الموضوع
اخوي التامينات تاخذ 20% من الراتب الاساسي 9% يتحملها الموظف و 11% تتحمله المؤسسه
واذا الله اكرمك وتوظفت في شركتين مثلاً تستلم في الاولى 1300 والثانيه 1600 يجمعون الراتبين
ويخصمون منه النسبه اللي يتحملها الموظف 18% وتخصم من راتب واحد اما الاول او الثاني
هذا اللي اعرفه وسامحوني اذا كان كلامي فيه خطأ
يعني اخوي ابو رعد قدم على الوظيفه الثانيه والله يوفقك

موفقين بإذن الله ... لكم مني أجمل تحية .

ابو رعد · #9 (**permalink**) 19-03-2011, 03:01 PM

الله يوفقكم ويرزقكم الوظائف للي ماتوظف ويرزق المتوظف الترقيه

ردودكم اثلجت صدري الله يجزاكم خير

طيب لو حصلت وظيقه حكوميه تبع التقاعد وانا مسجل في ا لتأمينات هل بيكون فيه تعارض ؟