السلام عليكم ورحمة الله وبركاته

شباب كيفكم طيبين عندي موضوع يمكن البعض يزعل منه ولا شي لاكن ورب الكعبة المشرفة اني ماقصد حسد او شي لاكن هذا

الصحيح الي بقوله لكم

بخصوص تسجيل المنشأت ياشباب الي طوله اقل من168سم لايقدم يترك الفرصة لغيره لان فيه شخص طوله تمام لاكن نسبته قليله

ويجي واحد قصير ونسبته عالية طبعا هم يقبلون ابو نسبه عالية بغض النظر عن الطول وابو نسبه ضعيفة ماينقبل بكذا انت تكون

اخذة فرصة غيرك وانت ظامن انك بتوصل عندهم وفي النهايه مع الباب لاحد يجي يقول قرار ومادري ايش ياشباب القرار حق الطول

دراسة فاهمين وشلون دراسة يعني المقام السامي ماوافق عليه ولا راح يمشون عليه راح يمشون على النظام القديم ومافي داعي
ناخذ فرصة غيرنا

قريبي سجل التسجيل الي راح على رتبة عريف وهو طوله 160 المهم قبلوه ولما وصل عندهم كرشوه جاب واسطة قالو كل شي

تمشي فيه الا الطول وفي الاخير ندم وحلف مايسجل في اي تسجيل الا اذا اعلنو ان الطول المسموح به يخصه

ورجائي لاحد يفهمني خطاء والي يقول ارزاق بقوله عارف انها ارزاق لاكن خذ بالاسباب

وصدقني الواء الماجد مجنن ام الظباط واذا اكتشف واسطة في القبول ست سنوات ترقية مافيه قسم بالله ذا كلام واحد في نفس القطاع

اتمنى التوفيق للجميع ويارب يعدلون شرط الطول قريب يارب ماحد يزعل لاني مانزلة الموضوع عشاني نزلة الموضوع عشان

اخواني العاطلين جميع وصدقوني كل واحد مايخذ غير رزقه ونصيبه

ياليت تكبر خطك شوي . رحت جبت نظارت جدي علشان اقرآء هههه .ياخوك قول كل واحد يسجل طوله الصحيح بالموقع الرسمي , لان الموقع مايقبل اقل من 168 م

صح عليك
طيب الاي طوله ناقص سانتي او سانتيين
يمكن يحصل ولد حلال يمشيه بالطول اذا
كان ع سانتي او سانتيين
وكلامك سليم وانا مؤيد لها

طيب اللي طوله ماشاءالله تبارك الله >> 170 سم
لكن الوزن بحدود الـ 50 وفوق حبتين وشويتين

وش يسوي يقبلوونه ولا لا ؟

اسمع الكلام اللي يجمد على الشارب
الكل يقدم واللي له نصيب بياخذه

بكيفكم والكلام مو موجه لاحد بنفسه الكلام للاعضاء والزوار يمكن بموضوعي ذا وفرة اماكن لناس هم اولى فيها من غيرهم يمكن فيه شخص شاف موضوعي سوا زائر او عضو وقال كلامي صح وبطل يسجل وساب الفرصه لغيره الي هو احق فيها ومناسب طوله وفي الاخير يعلم ربي مانزلة الموضوع الا اني ابي اكسب اجر باي ياحلوين ونفسي اعرف ليه دايم الكلام الصحيح لو مازعلو الناس منه لازم يتضايقون