ابدأ كلامي واقول والله العظيم اني احبك ياحبيب الشعب حتى لوماتعطينا شي بس ياملك القلوب وياحبيب الشعب لم تكن عادلا بقراراتك وفرقت بين المواطنين وانامتأكد مليون بالميه انك ماكنت تقصد هالشي بس حسبي الله على من كان يعلم ولم يخبرك بهذا الظلم بين شعبك الوفي الطيب واقصد بصرف راتبين للموظفين والمتقاعدين والضمان الاجتماعي فعلى سبيل المثال مواطن متقاعد او من يشمله االضمان راتبه بحدود 2000 ريال راح ينزل له راتبين يعني 4000الاف ريال واخر موظف راتبه 30000 الف ريال راح يستلم راتبين مكرمه يعني 60000الف ريال والله يزيده من فضله واللهم لاحسد يعني بحسبه بسيطه 60000-4000= 54 الف ريال الفرق بينه وبين الفقير المتقاعد او اللي يشمله الضمان بصراحه هالشي المفروض مايغيب عن مستشارين يخافون ربهم ويعدلون بين الناس وبالختام الله يطول بعمرك ياخادم الحرمين ويصلح كل صاحب قرار او مشوره

والله ماندري وش اللي يرضينا

افروضوا مافي زياده كيف بيكون الحال

الحين هذا اللي يستلم 30 الف اللي تقولي عنه اكيد صاحب مكانه وشهاده
اما انتم يجيكم رواتبكم للبيت وانتم لا شغل ولا مشعله والله عالم غريبة الواحد يبي رصيد مايخلص ويبي سياره ويبي كل شئ وهو جالس

هذي ارزاق وكل واحد ياخذ رزقه

الله يرزقنا من فضله

ريال الفسحه اتوقع لو كلتي التراب ماراح يكفيك ومو انتي اللي تتكلمين عن ظلم ابو متعب واحمدي ربك انه زادنا واحنا متسدحين في بيوتنا لاشغل ولامشغله وبعد تعارضين عجبي والله ولاتقارنين نفسك بموظف متقاعد افنى عمره وهو يخدم في بلده -

ام بدر لاتعليق انا مستواي ارفع من كلامك _ انا ماقلت ان ملكنا مايعدل بس الناس اللي بندو القرارات ولم يعملو حساب المساواه بين المواطنين هم اللي يتحملون المسؤليه وبالنسبه للي ينسدح هذا امر من الله لوبكيفه مانسدح يمكن مريض والا عاجز ومن واجب الدوله وماهي منه منها تعيشه عيش كريم وبلدنا غني ولله الحمد بس ماااقول الا الله يكبر عقولكم وترتقون بتفكيركم شوي ولو فرضنا كنت صاحب قرار اصرف لك مواطن مبلغ الف ريال اوحتى عشر الاف ريال فوق راتبه حتى نكون شعب متساوين بالحقوق واللي مايعجبه كلامي مولازم يرد واقصد ام بدر وامثالها لانها عينه من ناس كثير مخهم بركبهم مايميزوون بين الصح والغلط

لا حول ولا قوة الا بالله الناس ايش فيها بدل ما يقولون الحمد لله هذا رزق جانا يقولون ليش يعطون فلان وعلان

يا ناس اذكرو الله ان جاء كثير وله قليل يعني بيدوم هو طاير طاير وكمان زياده حسد ان اخذ وله ما اخذ ماهو من جيب احد

عيشو حياتكم خلي عندكم قناعه مالك ومال غيرك

كل واحد ياخذ رزقه والي مكتوب له

الان لو ما جات الزياده ايش بيكون الوضع

استغفر الله من جد حسيت اني اتنرفزت اليوم اكثر من موضوع بنفس الاسلوب

ليش الي الراتبه كذا يا خذ زياده المفروض ما تنصرف لهم

في ناس رواتبهم 10 و15 الف لكن اخر الشهر ما عنده ريال

الي يصرف على عائلتين او عنده مريض او ديون او او او او او مافي احد خالي من الهموم في هذي الدنيا

ليش نطالع لغيرنا خلي نظرتنا لاصلاح انفسنا


علما اني عاطله عن العمل وانا والدتي عايشيين على الضمان ومستور حالنا وشفت جميع الطبقات لكن عمري ما

اتمنيت اعيش مثل احد لان محد ياخذ الا الي مكتوب له في الدنيا

اهم نعمه الصحه والعافيه هذي كنز لا ينباع ولا ينشرى اصحاب الملايين يتمنون يصرفون الي وراهم وقدامهم بس يتمتعون بصحه وعافيه




من راقب الناس مات هما

للاسف ولا واحد فهم وش اقصدمن كلامي معقوله انا غلط وانتم صح بس مااقول الا الله يهنيكم << ابتلش بعالم ماتستوعب على فكره جتني عدوة الدلاخه طلعت حسبتي غلط 60000-4000=56000 كنت كاتبها 54000 ظلمت ابو ثلاثين الف طيحت منه الفين ريال من غير قصد هههههه

عبير الورد افهم من كلامك ان اللي راتبه 10 الاف او 15 الف او اكثر يكون مديون او عنده مريض والخ والمسكين ابو الفين ريال خالي من الهموم ماعليه ديون بالعكس تلقينه عاض الارض من عسر الحال ماشالله عليك شكلك تفهمين اكثر من غيرك ههههههههه

خلاصة الكلام خلك في حالك

وحاولي تردين باحترام سوى كنت افهم او ما افهم هذي مشكلتي مو مشكلتك

لو قراتي الي كتبته بفهم اكثر فهمتي قصدي

الله يعينك على نفسك