10-11-2007, 11:24 PM
|
 |
|
|
تاريخ التسجيل: Jul 2007
المشاركات: 6,655
معدل تقييم المستوى: 1046658
|
|
يـــاكــــثر ما نسمــــــــــع....
بسم الله الرحمن الرحيم
[GRADE="FF4500 FFA500 008000 FFA500 FF0000"]
ياكثر مانسمع من النـاس بالنـاس ...
وياقـل مانلقـى الحقيقـة مشـدة
نسمع سوالف تنحكى مالها سـاس ...
هرج يقال ويثبـت الحـال ضـده
ناس تحد لبعضها روس الامـواس ...
بالهـرج بنيـان المـودة تـهـده
كل يقيس النـاس منهـم بمقيـاس ...
على المصالح بغضهـم والمـوده
اجسام ناس بلا ضماير ولااحساس ...
عن كل خير من الفعايـل مصـده
بنوا تعاملهم على غـش وادنـاس ...
من الوحـوش اخلاقهـم مستمـده
اللي يجاملهم على العين والـراس ...
غالي ولا احد عن لزومـه يـرده
واللي يعارضهم له السـم بالكـاس ...
والم ويلقـى عندهـم كـل شـده
ومن قال كلمة حق يحقر وينـداس ...
كـل علـى المكـروه وده يحـده
ما للصريح بمجلس القوم مجـلاس ...
الكـل دونـه بـاب بيتـه يـرده
حتى القريب بصدته مايرى بـاس ...
لو هو ولد عمـه شريكـه بجـده
ولولا بقايا ناس للطيـب حـراس ...
لقول مـاش اليـوم خيـر نعـده
وقت طغى فيه التنك واختفى الماس ...
والتيس ياخذ له على الذيـب هـده
حكم من اللي قسم النـاس لجنـاس ...
والامــر لله مبـتـداه ومــرده
يا رب عدلها قبـل ياقـع الفـاس ...
بالراس والشيطـان حبلـه يمـده
[/GRADE]
التعديل الأخير تم بواسطة الفله ; 10-11-2007 الساعة 11:29 PM
|
العرض الشجري
