في الوقت الذي يفرح فيه المواطنون بأوامر الملك حفظه الله ,وفي الوقت الذي يتباشر فيه جميع الموظفين الحكوميين (وبعض شركات القطاع الخاص) وطلاب الجامعات والطلاب المبتعثين بتحسين معيشتهم , وذلك بصرف راتب شهرين لكل واحد منهم, لايعم الفرح العاطل المسكين مع اخوانه المواطنين , وذلك لأن صرف اعانته ستكون بعد 8 شهور .

الكل فرحان ومبتهج الا العاطل المسكين يزداد أسفه بعدم كونه موظفا من قبل حتى يشمله القرار , هذا من جهة . والجهة الأخرى هي ان اعانته ستكون بعد 8 شهور !

العاطل أحق من جميع الموظفين بالأموال , الموظف له راتب كل شهر والعاطل لا , الموظف الذي راتبه 5 آلاف ستأتيه 10 آلاف , ومن راتبه 10 آ لاف ستأتيه 20 ألف , والعاطل ستأتيه ألفين ريال بعد 8 شهور !

ماذا سيفعل العاطلون في هذه الشهور الثمانية ؟؟ سيأخذ من أهله اعانة أو ( يشحذ) من هذا أو ذاك ويندب حظه وستدور عليه الساعات بلا مصدر للمال !

ربما يقال انه خلال الثمانية شهور سيبحثوا لكم عن عمل ! طيب أين كان دور مكتب العمل ووزارة الخدمة الاجتماعية من قبل ؟! وما هذا البرنامج (جدارة) ؟هل هو لإسكات العاطلين ؟ ألم تكن الوزارة من اهدافها توظيف المتقدمين لها ولهذا انشئت؟ أم الدعوى (زبرقة) أسامي ؟؟

نعم افرح يا موظف ويا طالب جامعة وخلي العاطل ينقهر ويزود غيظه , افرح فأنت يحق لك المال الوفير واخوانك العاطلين لا يحق لهم , خلي العاطل يندب حظه وربما يصاب بحالات نفسية سيئة سواء مزمنة أو مستديمة !


يا اخوان لنتكاتف لتعجيل الاعانة ولنضع حملات لذلك , فخادم الحرمين تهمه هموم المواطنين كافة

(جدارة) برنامج فاشل ويلتيهم ما حطوه>>> ثانوى مافيه ويبون مؤهلات وحنا عاطلين

والله العظيم انك صادددق في كل كلمة

الناس فرحانه من حولي وانا اقول في نفسي والله اني عالة عليكم



تقولون المراة لها ولي يصرف عليها
وهذا الولي بياخذ ضعفين لراتبه الكبير

لكن مايدرون اذا كان هذا الولي بخيل علينا بحقنا اللي لنا عنده فكيف بنفرح معه بهالزيادة ؟؟؟؟؟

يالله تغنينا عن خلقك يااااااااااااااااااااارب العالمين

شكرا على الردود

مادري شقول مالنا إلا الصبر والتفائل

ترى ما يقدرون يلعبون علينا مو بكيفهم في شي أسمه مكافحة فساد وصحف وغيره تفضحهم

بصراحه أتمنى تغير وزارء الخدمه المدنيه والعمل

لازم الفاشل يبدل ليه للحين جالسين مدري

بكل صراحة اعطكيها ع البلاطة العاطل او العاطلة في زماننا مالهم اي قيمة
ياهل ترى هل هو ذنبنا او ذنب الجهات المسؤلة عن التوظيف ؟

قلنالكم ارسلو برقيات كل واحد يستنى الملك يجيه يقول وش تبي امر بس

دقايق انزل موضوع ان شاء الله يعجل بصرف اعانات العاطلين

العاطلين يستاهلون كل خير والمفروض صرف الاعانات لهم فورا

ان شاء الله قادم الأيام تكون اجمل وبدون بطالة..تقبل مروري

احدهم نزل موضوع وقال انتم ماتبون تفرحون
ورديت عليه بهذا ورايت موضوعك فاكرر ردي هذا********
تدعونا الى الفرح
طيب خل الدوله تهتم بالطبقه الفقيره حتى يفرحون مو الخير يصب عليكم ياهل الكراسي والفقير يقلب قدره ويطق ويرقص لفرحكم باي عقل تدعونا للفرح ومشاركتك فرحتك بالخيرات الي صبت في جيبك وحنا ماشفنا شي
القرارات الي اصدرت كلها مالتفتت الى الطبقات الفقيرة الي هم يشكلون اكثر من نص المملكه
عندكم العاطلين ماستفادو شي وهم احوج من الموظفين في القطاع الحكومي
عندكم المتقاعدين مالتفتو لهم ولا احد اهتم فيهم ورواتبهم ماتكفي وعندهم اطفال واقساط وراتب التقاعد مايتعدا 2000 ريال
عندكم اهل الضمان واليتامى والارامل والمطلقات والمعاقين الي يستلمون من الضمان 850 ريال ماتكفيهم مع غلااا المعيشه ومالتفتو لهم ولا اهتمو فيهم
عندكم موظفين القطاع الخاص رواتبهم اقل من 2500 ريال محد اهتم فيهم ولا احد أمر بزيادة رواتبهم وجعل حد ادنى لرواتبهم
يعني القرارات بينتفع منها كالعاده اصحاب المراكز والكراسي والوظائف الحكوميه
وبعدين قرار بصرف راتبين؟؟؟ وش فايدتها بعد شهر يرجع الحال الى ماهو عليه راتبهم الضعيف الي لا يسمن ولا يغني من جوع

ويوم السبت اجازه ؟؟؟
ملينا لانها مجانيه ماتكلف افلوس مكثرين منها
وبرضه مايفرح بها غير الموظفين في الدوائر الحكوميه والطلاب 00القطاع الخاص مداومين والعاطلين ايامهم وحده نوم مايعرفون السبت من الخميس والمتقاعدين مثلهم مثل العاطلين مضيعين الايام

يعني قرارات مهمشه المستحقين للاهتمام الي هم الفقراء والعاطلين

ياخووووووووووووواني شددددددوا الهمه انشروا بالبريد الالكتروني لاكبر عدد ممكن بتعجيل الاعانه للعاطلين وانهم محتتتاجين لها لعلها تصل لاحد مسئول ويوصل صوتنا

وكذلك بالفيس بوك الاخ بزنس مان ماقصر يقول افتحوا صفحه الكل يدخلها

وارسلوا برقيات اللي يقدر وتويتر اللي يعرف له وابشروا بالفرج ان شاءالله