23-03-2011, 10:47 AM
|
 |
عضو مميز
|
|
تاريخ التسجيل: Oct 2009
الدولة: المدينه المنِوره
المشاركات: 1,387
معدل تقييم المستوى: 115760
|
|
امن المنشات
تعريفه : هو قطاع يختص في حمايه المنشات الحكوميه والخاصه مثل ( الاتصالات السعوديه - الكهرباء السعوديه - ارامكوا وسابك ) .. الخ
طبيعه العمل : حراسات بدوريات كل أثنين بدوريه وتمسك لك .. مكان على منشآه وتحرسها انت والجماعه الي معاك ومدة العمل تختلف من مدينه لاخرى ممكن تكون بالرياض تستلم 12 ساعه وتسلم 48 وممكن تكون بالشرقيه وتستلم 8 وتسلم 12 وهي الأغلب حقيقةً
مكان الدورات : آمن المنشات مالها الا اربع مراكز ( الرياض - الشرقيه - مكه المكرمه - تبوك ) وبنفس المكان الي انت سجلت فيه بالنت عشان المقابله الشخصيه هو نفس المكان الي راح تكون دورتك فيه .
التعيينات : الأغلبيه ( الشرقيه - ينبع ) السبب : وجود الشركات الكبرى فيها مثل سابك وارامكوا .. وغيرها من الشركات النفطيه وقليل جدًا يتوظفون في الرياض وباقي المناطق لانهم ماراح يحرسون الا شركات قليله مثل الكهرباء والأتصالات وبس
الراتب جندي : حاف أول ما تتوظف بجميع بدلإتك 6800 ريال
مميزاته : الترقيات ماشيه فيه هذي الميزه الوحيده الأولى والإخيره فيه
سلبياته :
1- التعيين مو بنفس المنطقه الي انت تبيها لانه غالباً بالشرقيه وينبع
2- الدوام هذا اكبر مشكله مو معقوله تستلم 8 ساعه وتسلم 12 ساعه !! لا وفوق هذا دوامك شفتات يعني اسبوع بالليل واسبوع بالنهار يعني تعب حقيقيّ
3- دورتها تنشف الريق لأن مدربينها باكستانيه مو سعوديين وينشفون الريق بصراحه
واخر شيء
أتمنى للجميع التوفيق لما يحبونه أن شاءالله .
ترى ياشباب .. ما قلت لكم الكلام هذا عشان اكرهكم في الوظيفه لكن أنا أنسان اقول الحقيقه والحقيقه ماهي عيب .
احنا متحمسين للوظايف كلها .. بس تتوظفون بعدين تقولون ليتنا ما توظفنا فيها وشفنا قطاع ثاني أفضل
انا ما اذم فيها هي حلوه وترقياتها ماشيه .. ومن عريف تقريبًا خلاص ماراح تمسك دوريات راح تداوم بنفس المركز وترقياتها ماشيه . لكن اذا انت نسبتك زينه ومعاك شهاده زينه تشوف لك قطاع ثاني أفضل لك .
وانا اقول الكلام هذا . احب لكم كما أحب لنفسي
ولا احد يضحك عليكم ويقول لكم غير الكلام هذا . وانا مستعد أجيب رجال حاليًا ولد خالتي بنفس العماره معاي بأمن المنشات بتبوك يقول لكم الكلإم هذا ويجاوب عليكم
وآن شاءالله أني أفدتك يا صاحب الموضوُع
وكل التوفيق لك في آمن المنشات .
|
العرض العادي
