اااااه بس اااااه وما يقول الاااه الا اللي في قلبة حره
والله في القرارات اللي انزلت في ناس كثير انظلموا بس نشتكي للي ما تنام عينه الواحد الاحد
يعني من ظمن القرارات اللي صارت الناس فيها مظلومه راتب شهرين للحكوميين يعني تحصل مدير مدرسة ولا غيره يستلم راتب 30,000 ريال مع الراتب المكرم راح يستلم 60,000 ريال واللي 15,000 ريال راح يستلم 30,000 ريال وهكذا ..الخ
طيب ياخادم الحرمين ياجعلك ذخر الأمة الاسلامية ما فكرت في المساكين اللي بالقطاعات الخاصة !؟
اللي يستلم 1500 واللي 1200 ويعينون اهاليهم والله ادرى بحالتهم !! ومصاريف إجارات يعني مايمر عليه يومين من يستلم الراتب الا خلص راتبه ما عنده شي !!
والله في جامعيين يشتغلون في قطاعات خاصة براتب 1800 ريال ولا استفادوا بشيء من القرارات مو هذا ظلم ؟ !
انا واحد من اللي يشتغلون بالقطاع الخاص وراتبي 1800 ريال ومتزوج والحمد الله والله رزقني بولد وبنت وقسم اني ما استفدت بشيء افرح فيه وافرح اهلي اللي مقصر عليهم غصب عني مو بيدي والله ،
ولو رحت للضمان الاجتماعي عشان المساعدة السنوية قالوا لي ما تشملك المساعدة لانك تستلم راتب 1800 ريال والمعنيين بالمساعدة لازم راتبهم لا يزيد عن 1745 ريال !! ياخي لايكون راتب ال1800 ريال باني فيه بيت ولا متهني فيه ؟؟ انا راس مالي هالراتب لا غير والله , حتى سيارة ما املك !! واعيالي لاقالوا يبون حاجة من السوق ولا شي وانا جيبي فاضي وربي تضيق بي الدنيا ، والله يامسلمين ان خبز ما اقدر اشتري الا بالسلف حياتي صارت سلف وديون بسبب ضيق العيش اللي انا فيه طبعاً لا تسألوني عن اجار السكن لان ولله الحمد اهل زوجتي جزاهم الله الف خير مسكنيني معاهم في البيت ومعطيني شقه بدون اجار بس ياوجه استح لمتى ؟ وانا عايش في بلد خيرها تحت رجلي مو من حقي استقر في بيت لحالي مع اهلي ؟؟ بصفتي مواطن سعودي !!
طبعاً انا كنت شغال في شركة كبيرة واخذت منهم قرض بقصد الزواج والشركة افصلوني بعد ما استلمت القرض بشهر والحين البنك يطالبني اما بسداد المبلغ كامل او تحال للشؤون القانونية لإتخاذ اللازم وتهديداتهم لي يومياً بالسجن !!
مو انا وغيري من الناس اللي بحالتي واردى احوج بهالمكرمات ؟؟!
لكن اشكي وشكواي لرب العالمين ويشهد علي الله اني ماراح اذل نفسي كثر ما انذليت عند الشؤون الاجتماعية او بوابات قصور بدون اي فايدة !!
انا اشتغل الحين تدرون وين ؟؟
في مطعم للوجبات السريعة !! لكن مو عيب لاني بغني نفسي مو جيبي ولله الحمد
وانا سعودي اصل وفصل من اب وجد
و يابومتعب ترى صدورنا درع لك ولحماية الوطن ضد من يحاول زعزعة امن البلد ونحن معك قلباً وقالباً وتحت ظل رايتك والله يديم عليك الصحة والعافية ,
واقول للي استفادوا من المكرمات وبدون حسد الله يهنيكم ويزيدكم
واخر كلامي لاني طولت عليكم من جد من حر مافيني اقول لكم ...( تعالوا نحلم )
والله يوفقك يامحتاجة وتستبشرين بالفرح يارب اَمين انتي وكل محتاج ومحتاجة
تحياتي >>> تجي نحلم

واقسم بالله يأ أختي ان الإستغفار سبب للرزق
والله وتالله وبالله
أني كنت أدور على الريال ما القاه
والآن بدأت أستغفر ( لا أعلم كم مرة )
ولكن ربما مائة او مائتين او الف او أكثر ( لا أعلم)
صحيح انني لم أجد إلى الآن وظيفة
ولكن بدأ الله يرزقني شيًا فشيء
والحمدلله أفضل من السابق

الله يعينا جميعا اصبري ياأختي
ادري ان الصبر مل من وجيهنا
بس مالنا غير الصبر والله وعدنا (وبشر الصابرين)
الله يصبرنا ببلدنا ولا لنا مستقبل حسبنا الله ونعم الوكيل
على من حدنا على الناس وحسبي الله ونعم الوكيل على
على من حطنا بمواقف مايرضونها عللى انفسهم
حسبي الله ونعم الوكيل على من جعلنا اضحوكه لمن لاعقل وقلب له
الله لايوفق كل مسؤل هو السبب في اللي حنا فيه...
يااااااااااناااااااااااس وش هالجرأة اللي مابعمري شفتها اوامر ملك
يعدلون عليها ويمشونها على كيفهم ...ولكن وش نقول اذا ماعليهم رقيب
الله هوالرقيييييييييييب اللي مايخفى عليه شي ...شكيناهم عليك يارب
اللهم خذ حقنا منهم ومن ذريتهم....

اصبرك ولا اصبر نفسي
انا ماستفدت ولا زوجي العاطل وربي انقهر واقلبها على راسه لما اتخيل لو باقي على وظيفته العسكريه الي قام سوقها الحين
اااااااااااااااااااه بس
اللهم فررررج من عندك قررررررررررررريب

الله يفرج همومنا

الله يرزقنا من حيث لانحتسب
شكرآ لك

ااااااااااامين
ااااااااااااامين يارب

الله المستعان الله يفزع لكم ولنا

الصبر مفتاح الفرج وكل تاأخيرة فيها خيرة
الحمد لله على كل حال