السلام عليكم ورحمته الله وبركاته

صباحكم عسل

ياريت احد يفيدني من اهل الخبره
زوجي كان مسجل في الضمان لوجود اعاقه بصريه
في البدايه كان ياخذ حوالي 2300 ريال لمدة سنتين ثم نحدث البيانات علما اننا خمسة افراد
فبعدها بسنتين نزل لنا راتب تقاعد 1700 ريال فاصبح راتب الضمان 1200 ريال
ولوجود اعاقه بصريه بزوجي ووجود اعاقه لدي انا كذالك فلقد سجلنا في التاهيل الشامل
والحمدلله تم صرفها لنا في بشهر 3-1432
سوالي هو هل يحق لي التسجيل بالضمان الاجتماعي باسم انا فقط ؟؟؟
وهل يحق لزوجي التسجيل بالضمان الاجتماعي باسمه هو فقط ؟؟
يعني هل كل واحد مننا يصرف له راتب لوحده او راتب واحد لكلينا ؟؟
اوهل سبيقى راتب الضمان 1200 هكذا او يزدااد لوجود اعاقتنا وتسجيلنا في الشامل ؟؟
وهل يحق لنا اخذ مقطوعه من الضمان مع وجود راتب شهري ؟؟
وكيف احصل على تخفيض التاهيل وعلى ماذا تشمل تلك التخفيضات؟؟؟
ارجو افادتي شاكره لكم وجزالكم الله الف خير واعانكم الله

أهلين يالغلا بخصوص التخفيظ يالغلا يعطون بطاقه ومادري تشملكم او لا على حسب الاعاقه ويجي ان شاءالله من يفيدك والتخفيظ على جوال يكون باسم المعاق وتخفيظ على اركاب الطائره والنقل الجماعي او اي وسيله اخرآ ويكون التخفيظ 50% وتخفيظ للمعاق ومعه مرافق..

والاعانه قدمو وشوفو يقبلونكم او لا بس اتوقع يقبلون مالها دخل بظمان لانكم تستلمون مايعطونكم الكل الي قدم عليها استلمها عادي روحو قدمو وإن شاءالله يقبلونكم باذن الله

والاسائله الثانيه يجي من يفيدك عليها انا ادليت بالي عندي هذآ إذا استفدي شي من ردي

بس نقول إن شاءالله استفدي لو شي على الاقل وهذي دعوه مني لك لو ماستفدي من ردي تستفيدي منها

اسائل الله العظيم ان يشفيك انتي وزوجك ويرزقكم ويفتحها عليكم الارزاق وماتدرون من وين جاتكم ويسعدكم ويزقكم الجنه يارب وبتوفيق لك اختي

ياهلا والله فيك اختي المخلصة لله

اسعدني تواجدك وردك علي وجزاك الله عنا كل خير
حبيبتي الحمدلله اعانة التاهيل اخذتها انا وزوجي هذا الشهر
وخصوص التخفيضات افدتيني ويعطيك العافيه
وتسلمين على دعواتك والله لا يحرمنا من امثالك

اختك دموع وامل

وينكم ياهل الخبره تكفون ردو على اسئلتي

يفيدك الاخصائي ناصر

مشكور اخوي خالد السلمان وانا بنتظار الرد من الاخصائي ناصر
مشكوره مره ثانيه اختي المخلصة لله وراح اسال بقسم الضمان ان شالله
يعطيكم الف عافيه

العفو اختي والله يعافيك وحياك الرحمن