بسم الله الرحمن الرحيم
السلام عليكم ورحمة الله وبركاته
الله يوفقكم ويسعدكم ..

عرض علي شخص قريب عدد 50 رأس ماعز .. واحتمال الزياده الى 90 راس والسداد على الحول

وحالتها ممتازه جدا وكان يعتني فيها عنايه فاائقه .. حسب معلوماته يقول ان فيها مايعطي من بطن الى 3 بطون .. يعني متنوعه ..

وش رايكم ياجماعة الخير ؟؟

احب المشاركه بالرأي والمنفعه

واذا فيه احد عنده مزرعه وخصوصا ( اعلاف ) او عنده حلال ويحب نتشارك ماعندي مشكله
طبعا بعد شوركم لي ..

لاتنسونا من اقتراحاتكم ودعواتكم عسى الله يكتب لكم الخير اجمعين
الله يبعد عني وعنكم النصابين ويقرب لنا اهل الخير والامانه

[align=center]
ماشاء الله شيئ طيب تبدأ بهذا العدد وارى إنه كثير عليك لأنك لم تمارس هذي المهنة من قبل ( وللمعلومية ) الحلال ترى فيه خير كثير ( وإنت وشطارتك ) ,,



وبالتوفيق للجميع
[/align]

خذهااااا ولا تستشير ابد اذا هي سليمه

واحسب كم تكلف عليك بالشهر اول اذا تقدر عليه خذهاا
والغنم اذا اكرمتها تكرمك بالحيل

مشاءالله بس انتبه لايموت شي منها

فيه واحد ربى خروووووف شاريه قبل عيد الضحيه ولما قرب العيد مات الخروووف ههههههههههههههه

ممتازة جداً .....أهم شي العناية بالحلال
فيه خير كثير

اهم شي تحسب التكاليف مزبوط

الله يوفقك فلوس ذهب وكل ماتزيد افضل ودخل فلوس أكثر وللمعلومية ماتجيب للا توام يعني طلع راس

مالك با اول بيعه تبيعه

اخوي بس لازم تعرف وش نوعها وكم اعمارها يمكن تكون عويد ولاتستفيد منها يعني ولدتين وتروح عليك
واحسب اللي تحتها كم لأنك راح تبيع منهم عشان تجيب حق العلف وحاول انك تاخذ الصبي اللي عنده لأنه ابخص بالحلال اكثر منك يعرف يعتنيبه ويعرف خوافيه ولو تتفق معاه انه يتنازلك عن المراح كامل باللي فيه افضل لأن اغلب الغنم اذا انتقلت من مراحها تضعف وصدقني العدد اللي قلت عليه حلو بس يبغالك تفضي نفسك لها على الاقل شهر تعتنيبها زين ومثل ما قلتلك تصرف عليها من عيالها يعني تبيع تيوس وتاخذ العلف

موفق بإذن الله ... لك مني أجمل تحية .

انصحك انحش من المعزززى وبخاصه بهالوووقت لو غنم صح
وغير كذا العلف غالي