اشوفها صعبه طالعتك لحالك
لكن استخيري وربي ييسرلك
ممكن تتساعدين انتي واخوانك وتشترون بيت كبير
ويكون فيه شقه مستقله

موفقه

وعليكم السلام ورحمة الله وبركاته
غاليتي من الصعب انك تعيشين لوحدك انتي فتاة واهم شيء سمعتك
انتي فيك الخير والبركه لكن السن الناس ماترحم ..اذا كان ولا بد يكون
معك والديك ولا تبيعون البيت وتشترون فلة ترتاحون فيها وتتعاونون في
تسديدها واهلك مستحيل يخلون بنتهم تعيش لحالها والمفروض المقتدر
من اخوانك يطلع يوسع عليكم هذا رأي اختي وربي يسهل امرك ..

__________________
"لله دُر أمي إذا ابتسمت
تهادت جروح قلبي والتئمت"

جزاكم الله خير على التفاعل بس انا ماهمني كلام الناس هما متكلمين متكلمين واكيد ماخلوني بحالي من تطلقت وهما جايبين سيرتي يعني اخر همي الناس همي رضا ربي ثم نفسي وراحة عيالي وبالنسبه للمجتمع انه ذكوري بصراحه شبابنا وشعبنا ناس طيبين وفيهم الخير بشكل مفرط ومااظن بشيل هم من هالناحيه يعني وش بيصير بابي مسكر عليا ولارح اسوي علاقات مع الجيران ولابيكون لي حس في العماره ابدا ويومي ضايع بين الدوام برى وشغل البيت والعيال والله ماودي اعيش الوحده والهم لحالي ودي ابقى وسط عيلتي نفرح سوا ونبكي سوا ونجتمع بس للاسف الوضع ببيتنا حدني اطلع وانا خوفي بس من الوحده اخاف احس بفراغ كبير بعد جلسة امي وابوي وقهوتهم وانا اساسا احب العيله والجمعه والناس بس الظروف تحكم ونظرة الانكسار في عين ولدي الكبير تكسرني من داخلي ودي احطله غرفه يركز فيها في دروسه ويهتم بهواياته ويبدع احسه صاير منطوي على نفسه كل واحد من اخواني يعطيه نصايح شكل والي يضربه والي يصرخ عليه مطلعينه داشر وهو لسى ماعرف الشارع الشكوى لله يااخواني والله ماحدني على هالشي الا الشديد القوي والي قاهرني اني مقتدره ومرتاحه ماديا صعب اجلس اضيق على نفسي وعيالي وش فايدة الفلوس اذا بجلس اكدسها !!!
مشكورين على النصايح وان شاء ربي ببحث عن شقه هالايام ادعولي اتوفق

طيب مافكرتي لو طلعتي ببيت لحالك وصار عليك شئ في نص الليل
فرضا انتي تعبتي او وحد من عيالك تعب او حريقه بعيد الشر عنكم من بيسعفكي لاتقولين جيران اليوم الجار مايدري عن اللي ساكن بجنبه الا من رحم ربي
لكن لمن تكونيين بين اهلك او على الاقل شقه مقابل شقه هنا ماراح تحسين بالفراغ ولو صار عليك شئ لاسمح الله يكونون اهلك بجنبك

نو والله ليه تعيشين لحالك ...!!
دامك قادره تدفعين أجار ليه ما تاخذين أمك وأبوك معك ..!!

هم طول حياتك شايلينك ويوم صارت لك ظروف شالوك أنتي وعيالك
الحين وضعك يسمح تطلعين خلاص هم لهم حقوق عليك وهم أعظم حقوق ترى
وأهم من عيالك بالواجب والحق

أي شقه بتكون على الأقل 3 غرف يعني تكفيكم إن شاء الله
والله بيطرح البركه في رزقكم وأعماركم

بسس تخلين أغلى أثنين عشان تحسنين وضعك وخلاص لااا
وترى مو مهم أخوانك آسفه يوم هم يلمحون بهالطريقه ويتمنون هالشي
ترى الأولى يطلع هم مو أنتي
يعني ما عليك من أخوانك هم الطالعين وأنتي الداخله

والله عزك بأهلك لو راحوا أهلك راح عزك

الله يديمهم عليك ويطول أعمارهم بصحه وعااافيه آآمين

اختي الكريمة

اسكني قريب من اهلك او في منطقة وسط بين أهلك وعملك

مادام الله مكرمك لية تضيقي على روحك ولا اولادك !
اما إذا لديكي المقدرة تأخذي والديكي معكي في البيت الجديد خير وبركة .

اما اللي يفكر في الناس قسم بالله ماادري وش اقول عنه ... يااخواني الناس ماتركوك في حالك لو مرابط في الحرم المكي سواء ذكر او انثى قاعدين يأكلوا في لحمك , وبعضهم حتى ماعاشرك وعرف معدنك يعني الناس بالنسبة لي لايعوني بشيئ إطلاقاً .. مادام مراعي حدود الله ومرضي ضميري الحمدلله والشكر لله . والناس الطيبة راح ترضي عليكي وماتذكرك إلا بالخير , لان من علامات الصلاح في الارض انتشار محبتك بين الناس , اما النوع الاخر من البشر لو تبسط لهم قلبك ومالك وصحتك مارضوا عنك ولافكروا فيك .

نصيحة ادعي الله في سجودك وفي طرف الليل ان يريك الحق حقاً ويرزقكي إتباعه ويريكي الباطل باطلاً ويرزقكي إجتنابه.

ومن تجربة ومن معرفة الأنثى القوية التي تعرف حدود الله لاتخافوا عليها ولو بين ملايين الذئاب , لان معها الخالق عزوجل بإذن الله مادامت تراعي حدود الله في السر والعلن والكلام ينطبق على الرجل .

المعذرة على الإطاله .

السلام عليكم .... اختي فراشه ملونه احييك على شجاعتك وقدرتك على التحمل ...بس ابدا (طبعاًمن وجهه نظري) لاتفكري تطلعي بر ببيت اهلك ابوك امك اخوانك عزوتك بصراحه مااابغى اخوفك بس فيه عاااالم برى مااااترحم (الا من رحم الله ) نصيحه من اخت محبه لك شيل الفكره هذي من راااااسك ااصبري بكره ان شاء الله يكبروا عيياالك وتعتمدي عليهم وتاخذي ان شاء الله عماااره مو شقه تحياتي لك ....

الأخوآن و الأخوات ما قصروآ مآ شآء الله..
فرآشة ملونة
أتمنى لك التوفيـــــــــق و السدآد
الله يفتح عليك و يكتب لك كل الخيــــــــــــر و يشرح صدرك و ييسر لك أمرك و يفرجهآ عليك
آميــــــــن

بسم الله الرحمن الرحيم
لاياأختي لاتخرجي من بيت أهلك بتخليه لمين فكري مزبوط بكل إلي حوليك
ثم الصبر والصبر أنا أعرف وحده عايشه بغرفه مع أولادها الخمسه وأزيدك من الشعر بيت ماهي غرفه إلا مجاس ضيوف أذا جائو أخواتها زوار أو باتوعندهم كلهم ينامون مع بعض وتخيلي أولادها أذا كانو بأختبارات أو ولدة عندهم وحده من خواتها برغم أنها موظفه وأبنها الكبير يبلغ من العمر 19 سنه وأحيانا" تفكر أنها بتاأخذ لهم بيت بس تقول الدنيا مالها أمان وأولادها في بيت أهلها خاصه رغم الضيق الشديد مطمنه عليهم نوعا" ما الله ييسر أمورها
نصيحتي لكي دراسة الموضوع من كل الجوانب أنتي أدرى بحالك وظروفك
أسأل الله أن يفرجها عليك ويسددك خطاك

بدون حتي تفكري وتتعبي حالك خذي ابوك وأمك معك وستاجري لك شقه
بس انتبهي تقول لابوك ابخرج بشقة والله حرام راح تكسري بخاطره
لاتفكري بالناس فكري بابوك وامك كيف راح يكون موقفهم اعتقد انه صعب عليهم كثير تخرج بنتهم من البيت
صدقيني مراح تريحينهم بالعكس راح يشيلوا همك
او حاولوا تبيعوا بيت العائله وتشتروا عماره تسكنوا فيها انتي وخوانك
هذا وجهة نظري