كل شخص فيكم يعمل بالأسباب ويجتهد في التقديم ويحااااااول ويعمل اللي عليه
والتوفيق بيد رب العباد

لا تسمعون لأحد
يا أم جووود لو حابه تقدمين وفي نيتك لا تترددين في الذهاب للجامعه
ما تدرين وش بيصير بعدين
قدموا وتوكلوا على الله وفي نفس الوقت أنسوا انكم قدمتوا
الوظايف الحكوميه مشوارها طويل

طيب البنات لازم صور شخصيه ؟؟ ولا الشرط للشباب بس

شباب علمونا الان وين مقر الجامعه
بحكم اني خارج الجامعه وابي اقدم عليها

ياليت تعطونا الوصف

العام الماضي أنا قدمت في الجامعة وترشحت
وأختبرت وفي النهاية يطلعوا كل اللي اختاروهم
من الجامعة ..
طيب وليه هجولة الناس ؟؟
وليه يجيبون الناس من خارج الدمام اللي طيران واللي بر وإلخ وفي النهاية
وااااااااااااااااااااااااااااااااااااااااااااااااو ومنهم وفيهم

بالنسبة للوظائف الرجالية

أنا رحت أمس ولكم خارطة الطريق..

أول شيء وصلنا للبوابة وسألنا عن ( صالة الفهد الرياضية ) اللي فيها التقديم وتجهنا لها ,
ووقفنا السيارة ونزلنا وأول ماوصلنا لباب الصالة قابلنا حراس أمن أعطونا أرقام تسلسليه,
وقالوا لنا شوفوا الوظائف على الجدار لازم تعرف الوظيفة اللي تبي تتقدم عليها قبل ماتوصل للجنة اللي تستلم الأوراق ,
أهم شيء كان رقمي 57 . وكانت اللجان تقريباً 5 للجان إلى 6 , أهم شيء جاء دوري وأتجهت للموظف وأخذ أوراقي
وسألني هل تعرف الوظيفه اللي تتقدم عليها , قلت له حسب خبراتي بتقدم على كاتب المرتبه السادسة, قال وكم خبراتك ..؟
قلت له 9 سنوات . قال لي ستكون على المرتبة التاسعة لأن كل 3 سنوات تعادل مرتبة ,>> هذي مافهمتها
وقلت له أبي أتوظف والمراتب هذي ما أبيها أهم شيء ( آمآآآآآن وظيفي ) وأعطني أوراق أعبيها ,
معلومات ووين كنت شغال ووخبراتك ودراساتك وأشياء روتينيه,

وبعدها تروح خلف اللجنة هناك للجنة مستقله تستلم الأوراق كلها بما فيها شهاداتك وخبراتك وإيضاً الأوراق اللي أنت معبيها,
وقالوا نتابع موقع الجامعة وراح تظهر الأسماء خلال الأسبوعين الجاية أو ثلاثة أسابيع ,

وللمعلومية جانا رجل الظاهر أنه دكتور لأنه ( أحمرررررر "يعني أبيضاني بحمّره" ) وجلس يسولف معنا تبغون شيء أو حاجه
وطالبناه بالمفاضلة وعدم أعتماد الواسطة في الوظايف وأكد لنا أن الوظائف بدون واسطة وسيكون لها آليه معتمده على النحو التالي:

بعد ظهور الأسماء يأتي المتقدمون للأختبار التحريري وبعد الأختبار تقوم اللجنة بتصحيح الأوراق وأول خمسة متقدمين على وظيفة
هم اللي يدخلون المقابلة . يعني أذا كانت نسبتك في الأختبار التحريري عالية وجاوبت صح راح تدخل المقابلة ,
وفي المقابلة تبدأ المفاضلة يعني الخبرات وتقديرك في المؤهل العلمي والدورات التدريبيه وأسلوبك في الحوار مع اللجنة
ومن خلال هذا كله تختار اللجنة الموظف الذي سينتسب للجامعة وللوظيفة,

وأكد لنا هالدكتور الأحمر اللون أن لجنة المقابلة ستتكون من عميد الجامعة ومدير العلاقات وعدد لي وظائف نسيتها
أهم شيء حدود 5 إلى 7 مقابلين , ( البنتاقون مثلاً) وبعدها عاد سلمنا الأوراق وضفينا وجيهنا للبيت

ولاتنسون أفتحوا موقع الجامعة وحطوه في المفضلة عشان يكون قريب لكم .

آسف على الإطالة وبالتوفيق للجميع

سوينا اللي علينا والباقي على باريها

يااخوان التقديم اخر يوم يوم 28 السبت ؟؟ والا لا

الله يجزاكم خير . . مانبي نصك مشوار

تكفون جاوبوني اللي عنده خبر

نمشي والا والا ؟؟ < ترى الدمام مشوار

ايوا اخوي السبت اخر يوم تقديم

انا قبل شوي راجعه من الجامعه

والله العظيم تحطيييييييييييييييييم

انا يوم شفت الوظائف 99 شلت قشي ورحت

وبالاخير سبع وظائف نسائيه فقططططططططط والباقي كلها لذكور

لا ومسوين زحمه وطوابير وترتيب وش كثر المتقدمات ويوم نتاكد من عدد الوظائف الكل يطالع بوجه بعض

المهم اللي مخترع من الخبرات ترا على حسب الوظيفه وحسب تخصصك انت

يعني مثال مساعد اداري حاطيلنا احنا البنات الموهلات كذا خيار اللي متوسط لازم 12 خبره
واللي ثنوي لازم 3 سنوات خبره الظاهر واذا دبلوم سكرتاريه تنفيذيه مايحتاج خبره
يعني انت ومؤهلك وكل وظيفه وغير وبس تقديم كله مافي اختباار بنفس يوم التقديم

المهم انتوا روحوا قدموو ا وربي يوفقكم
بس احنا يالبنات واضحه انها محجوزه من العدد القليل اللي حاطينه