22-03-2011, 09:33 PM
|
 |
عضو مميز
|
|
تاريخ التسجيل: Jan 2011
الدولة: ديـار الشمــــوخ||~
المشاركات: 940
معدل تقييم المستوى: 8175419
|
|
السلام عليكم ورحمة الله وبركآته
اخوي سعد اول شئ حابه اهنيك تدري ليش لانك مهتم وحريص
واهنيك لانك قبل كنت مطوع وبالعكس هذا شرف وشئ حلو لكن السنت الناس ماترحم
وربي حاسه فيك اخوي تدري ليش لاني كنت في مراهقتي مثلك .. وربي عنيت يمكن لمدة سنه
كان فيني وسواس والله كنت ابكي تعرف ايش يعني ابكي كنت اعاني معانه والله مايحس فيها احد الا
اللي مجربها .. وربي دمعت عيني يوم قريت قصتك .. لاني مريت وعشت نفس المعاناه كان الوسواس
القهري .. معذبني .. كنت مثلك مااصلي الا وعند امي او خالتي او خالي .. كنت الصلاه اعيدها يمكن خمس مرات
والوضوء تقريبا عشر مرات اعيدهـ وكنت احس بخوف واتعذب يوم اصلي والوسواس ماكان يتركني .. وربي
كنت اعاني اعاني .. لدرجه اني في لحظات كنت اتمنى الموت تددري ليش كنت ابي ارتاح وبس وربي عانيت عانيت كثير لكن تدري وش الحل .. طبعا ذاك اليوم طلبت من خالي انه يساعدني تدري ايش صارت اسوي
صرت اصلي ومااهتمت ولالتفت للشيطان اللي هو الوسواس ابدا والضيقه والهم مااهتم لها .. صدقني هذي الضيقه
والالام اللي تحس فيها تراء هي مجرد اوهام واسالني مجرد اوهام انا جربت وصدقني سوي مثل ماقلت لك
طنش ولاتلتفت للوسواس ابدا وماعليك ضيقه وهم والالام تروح وتراها مجرد اوهام ..
انت جرب وتعال بعدها ونشوف .. جرب لمدة اسبوع طنش ولاتهتم ولاتلتفت ابدا طيب .. ولاتنسى الدعاء ..
ادعي الله انه ينصرك على الشيطان .. وقوم وصلي ركعتين في الليل وادعي ربك ..
وتذكر هذا الحديث "عن أبي هريرة أن رسول الله صلى الله عليه وسلم قال :" ينزل ربنا تبارك وتعالى كل ليلة إلى السماء الدنيا حين يبقى ثلث الليل الآخر فيقول: من يدعوني فأستجيب له، ومن يسألني فأعطيه، ومن يستغفرني فأغفر له" متفق عليه.
وصدقني الدعاء وعدم الالتفات والاهتمام للوسواس هو الحل..
وانت جرب ..واذا عندك اي استفسار اسالني وانا والله مريت بنفس حالتك ..
وهذا هو الحل ..واسال المولـى ان ينصرك ويثبتك علـى دينك..
اختك .. فخآمة كبريآء ..
|
العرض العادي
