قصيدة معاق

الياسمين · #1 (**permalink**) 19-11-2006, 07:09 AM

قصيدة معاق

هذي قصيده تحكي قصه معاق لشاعر للأسف ما اعرف اسمه
اتمنى انها تعجبكم وتحملوا طول القصيده لانها جدا رائعه

الطفولة احلى مافي هالحياة

مرحلة من غير هم

كنا دايم نبتسم .....كنا حتى لو بكينا ....

وجارت الدنيا علينا ..

بعد لحظات وثواني .....بسمه فينا ترتسم...

كنا نركض خلف كوره .... لا أنا ما كنت معهم

وحدي بس بعيد عنهم...

كنت اضحك من ضحكهم..

جالس اهذري......

جالس احسب كم كوبري

صلحه أحمد في ماجد.......والله واجد

وقبل ما يحل الظلام....للبيوت نروح نجري..

لا ...لا أنا ما كنت معهم...

كنت امشي وحدي بعيد عنهم ...

امشي واعدد أثرهم..

وهم عني يبعدون ويبعدون

الا ماجد كان مثلي حيل ضايق

بس حزني كان حارق

كان يسألني ببراءة ...ليش تعرج؟

قلت ما ادري بإستياء

ليش تبكي؟؟

قلت ما أبكي......بكبرياء

ضاق مني ...ثم سألني في غباء

قال (وش رايك نتسابق)

وراح عني!!

كنت أسأل دوم نفسي ...

ليش ما أركض معاهم؟؟

وش بلاي او وش بلاهم؟

ليه أنا غير الانام؟؟

زاحمتني الأسئلة

كل شيء اجهله
وإن تعبت من الاجابه أحضن الحيره وأنام

مرت سنين وكبرت

صار همي اليوم أكبر

حتى دمعي صار أكثر

للأسف توي قدرت ..
أفهم اني شخص عاجز

يعني بيني وبينكم مليون حاجز

صدقوني ذي حقيقة

لاطلعت السوق..!

كل ما أمشي دقيقة ألقى كل شوي أبله

يمشي ويناظر صديقه ويغمز له ويقول ناظر ..

وش تناظر ؟1 واتفجر في خفوقي ألف ضيقه..

ومره وحده في وسط الزحام

طالعتني بإهتمام

بنت ؛؛ في عمر الزهور ..أي رشاقه ,اي أناقه وأي عطور

قلت في نفسي يا هوووووووه

هي تناظرني بغرام؟؟ أو هي نظره والسلام!!

بس أكيد تعرفني.... شايفتني

شايفتني بجريدة .. وعجبتها لي قصيدة

اييييه أنا توي افتكرت....

لي قصيدة كنت ناشر معها صوره

وفاجأتني لما صارت لي قريبة...

كانت تتمتم بطيبة...يكسر الخاطر حرااااام

وتركت دمعه غريبه ....دمعه كانت تحكي وضعي...زلزلتني

ارتطم قلبي بضلعي....دمرتني

صدقوني اصعب اللحظات وأقسى....

لاغدا الرجال يكسر خاطر انثى

كيف بنسى جاوبوني...

وزاد همي يوم فكرت بوظيفة...ثم زواج

أي وظيفة وأي زواج ؟!!

اللي مثلي مهما طالب

لو يلف ولو يدور

زين لو حطوه كاتب...

لا وبعد على بند الأجور

ماهو رسمي.....صدقوني لو تدرج ...

وصار راتبه يتصاعد وابتدا وضعه يزين...

ما أظنه بيتزوج......
الا من بعد التقاعد

من سنه الى سنتين

وفي النهايه..

يا بلدنا...مهما كانت تسميتنا
عاجزين ...معوقين

لك عهدنا وذا قسمنا

أقسم بالله العظيم

منزل الذكر الحكيم

أن نصونك يا بلادي من شرور العابثين

من مطامع كل حاسد من نوايا كل فاسد

واني لك حصن حصين

انتي ناديني وشوفي

لانويتي بالجهاد

والله لأقهر لك ظروفي

دامك انتي لي بلاد

وبسم كل العاجزين

دامنا نطول الزناد

لا يهمك يا بلادي

وازهليها

وسلامتكم

أبو عزوز · #2 (**permalink**) 19-11-2006, 07:57 AM

صح لسان الشاعر

ومشكوره الياسمين

الووووووووف · #3 (**permalink**) 19-11-2006, 09:38 AM

الله الله علييييييييك

خاطره تغني عن مليون صوره

خاطره ترسم الف معنى ومعنى

خاطره تحسسنا بمعانات اخواننا

يااااااااااالله

كيف يعانون؟

ياسبحان الله

كيف يصبرون؟

من أجمل ماقرأت للمعاقين

الله لايعوقنا عن ذكره وعن طاعته

اشكر لك اختي

الياسمين

هذي الخاطره وتمنيت لو كتبتي اسم قائلها

اخوك
الووووووف

الياسمين · #4 (**permalink**) 19-11-2006, 10:08 AM

لقيت لك ابيات ان شاء الله تعجبك

حدود الصعب

تجهز و انطلق و أثبت وجودك وأهجر الخذلان[IMG]http://www.*******.com/vb/images/smilies/saudia3d.gif[/IMG] تخلَّص من حواجز ضعفك الكاذب ودمرها

على نار الطموح اشرب من دلال الأمل فنجان[IMG]http://www.*******.com/vb/images/smilies/saudia3d.gif[/IMG] ومن هيل التحدي .. قِمْ.. وعود العزم بَهِّرها

أبيك تفصّل بنفسك ثياب الصبر والإيمان[IMG]http://www.*******.com/vb/images/smilies/saudia3d.gif[/IMG]وحاذر من (مقص الياس) حاذر لا يقَصّرها

أنا ما أبيك تحبس نفسك بنفسك ورى الجدران[IMG]http://www.*******.com/vb/images/smilies/saudia3d.gif[/IMG]و باسم (إنك معاق) تحطم أحلامك و تهجرها

إذا عجزك (عمى) كوّن من أسماعك صور وألوان[IMG]http://www.*******.com/vb/images/smilies/saudia3d.gif[/IMG]ترى نور البصيره ظلمة الدنيا ينوّرها

و إذا عجزك(شلل) فالروح ما تنشل عند إنسان[IMG]http://www.*******.com/vb/images/smilies/saudia3d.gif[/IMG]تَحَرَّك.. سافر بفكرك و لفّ الأرض و اعبرها

وإذا عجزك (بَكَم) خَطّك لسانك... والعيون أحيان[IMG]http://www.*******.com/vb/images/smilies/saudia3d.gif[/IMG]هي أبلغ حرف يحكي عن أحاسيسك وينشرها

وإذا عجزك (صمم)سمعك كتابك... والفؤاد أحيان[IMG]http://www.*******.com/vb/images/smilies/saudia3d.gif[/IMG]يسَمّعك الحقيقه قبل ما غيرك يصوّرها

ألا يا صاحبي دام إن لك عقلٍ و لك وجدان[IMG]http://www.*******.com/vb/images/smilies/saudia3d.gif[/IMG]معك نعمه حرام بعالم الإحباط تقبرها

وإذا بك نقص صدق صاحبي ممكن ترى ما يبان[IMG]http://www.*******.com/vb/images/smilies/saudia3d.gif[/IMG]إذا تبرز مواهب نفسك الحره وتِظْهرها

تأمل نفسك وحاول تعدّل كفة الميزان[IMG]http://www.*******.com/vb/images/smilies/saudia3d.gif[/IMG]و دَوّر داخلك عن موهبه تقدر تفجّرها

تخلي الناس عن نقصك و عجزك صاحبي عميان[IMG]http://www.*******.com/vb/images/smilies/saudia3d.gif[/IMG]و بِك مايذكرون إلا فعالٍ طاب مَخْبَرْها

لا تَبْني في خيالك سجن فيه المجتمع سَجَّان[IMG]http://www.*******.com/vb/images/smilies/saudia3d.gif[/IMG]و تجلس خلف قضبانه دموع الضعف تنثرها

و لا تحزن إذا ما انفض عنك الأهل و الخِلان[IMG]http://www.*******.com/vb/images/smilies/saudia3d.gif[/IMG]ما دام الله معك عينك بشوف السعد بَشّرها

أنا ما أبيك يوم تقول أنا عاجز و لا لي شان[IMG]http://www.*******.com/vb/images/smilies/saudia3d.gif[/IMG]و لا أبغيّك تزجر ذاتك بعجزك و تأسرها

أبيّك أقوى و أصلب من جنود الضعف و الشيطان[IMG]http://www.*******.com/vb/images/smilies/saudia3d.gif[/IMG]تِقَوِّي نفسك بنفسك على العجز و تِصبّرها

تحرّر من قيودك ما نبي (لخيل الطموح) عنان[IMG]http://www.*******.com/vb/images/smilies/saudia3d.gif[/IMG]و زيّن صفحة التاريخ بأمجادك و سطّرها

و عمِّر لك سفينه و أنت لهْ يا صاحبي ربان[IMG]http://www.*******.com/vb/images/smilies/saudia3d.gif[/IMG]و بسم الله تشق أمواج حزنك به و تَكْسِرها

أبد ما هو معاق اللي تحدى العجز مهماً كان[IMG]http://www.*******.com/vb/images/smilies/saudia3d.gif[/IMG] إذا بالله تحدى إعاقته لابد يقهرها

أبد ما هو معاق اللي يحاول يفتح البيبان[IMG]http://www.*******.com/vb/images/smilies/saudia3d.gif[/IMG]و يكْسر قيد عجزه لجلْ ما روحه يحرِّرها

تأكد إن لا الوحده /و لا الغربه /و لا الخذلان[IMG]http://www.*******.com/vb/images/smilies/saudia3d.gif[/IMG]تِعَكِّر صفو روحٍ دوم ذكر الله يعطّرها

ما دام اليأس ما يعرف لقلبك صاحبي عنوان[IMG]http://www.*******.com/vb/images/smilies/saudia3d.gif[/IMG](حدود الصعب) بالله ثم بالتصميم تَعْبرها