[align=center]السلام عليكم ورحمة الله وبركاته


كيف حالكم اخواني واحبابي الاعضاء



انا بكتب موضوعي لكم وابي منكم الحكم وشكواي لله رب العالمين



ارسل صوتي الى

خادم الحرمين الشريفين \ عبد الله بن عبد العزيز آل سعود

والى نائبه وولي عهده \ سلطان بن عبد العزيز آل سعود

والى النائب الثاني ووزير الداخليه \ نايف بن عبد العزيز آل سعود





ياجماعه ياعرب يا اخوان بقولكم قصتي مع قوات الطوارئ الخاصه بالقصيم الله لايبارك فيهم ولايوفقهم

قدمت ملفي على القوة بتاريخ 20\7\1431هـ وبتاريخ 19 \8 \1432هـ اتصلو علي وقالوا تعال كمل الاجراءات للقبول


طريقة القبول فيها ( يتم القبول قبل الدوره بمسمى جندي عسكري يعني مافيها طالب على طول عسكري )




رحت لهم واخذت الاوراق وانا فرح وامي وابوي يدعون لي وفرحين ان ابنهم الوحيد بيتوظف بعد ماخلص الثانويه وبيكون عسكري يصرف عليهم ويعزهم باذن الله


اخذت الاوراق من شدة الهمة والحماس الي فيني خلصت الاوراق جميعها خلال اسبوع واحد فقط

من كشف وبصمات وملف وبرنت مرور واحوال مدنيه كلها تمت والحمد لله


وبتاريخ 26\8\1431 هـ تم تسليم الاوراق انا ومعي بعض (( المتقدمين ))


بتاريخ 15-16\ 9 \ 1431 تم الاتصال على المتقدمين ولم يتم الاتصال علي انا ( كنت اتواصل معهم عن طريق الجوال لأعلم من تم قبوله ومن لم يتم قبوله )


آآآآآآآآخ لم يتم قبولي لماذا ؟؟



ذهبت لأستعلم لماذا لم يتم قبولي مع انني انهيت جميع الاجراءات ولدي شهادة تفضلني عن البقيه (كاراتيه 10 سنوات خبره )



منعت من ا لدخول من قبل الشرطه العسكريه بحجه انه لم يتم الاتصال بك يعني لاتستطيع الدخول


حاولت وحاولت وحاولت وحاولت


لكن ...!



دون جدوى



وبصعوبه بالغه استطعت ان احصل على رقم احد الرقباء والخاصين بالشؤون الرياضيه واتصلت به واستفسرت لماذا لم يتم قبولي


قال لي وبالحرف الواحد : اصبر فيه ارقام خاصه بتنزلك انت وواحد لانكم مميزين عن البقيه واحنا كلمنا القايد ووعدنا خير



قلت له : يا اخي المقبولين حاليا عندكم كلهم متقدمين معي كيف يتم قبولهم



قال لي : الدنيا ارزاق انت تحسدهم ( ثم قال لي لحظه شوي ورد قال : يالله انا مشغول الحين كلمني بعدين واقفل الخط )



وفي الساعه الـ 6 مساءا اتصلت عليه وتجادلت معه بالحق وازهقت باطله فقال لي ( بكره تعال المركز ونتفاهم )


في الغد أتيت الى المركز ولم يتم ادخالي الا بصعوبه بالغه (كنت جالس بالشمس مايقارب الـ 5 ساعات لاني ما أملك سياره وجيت لهم بـ تاكسي )



دخلت عليه وقال لي :احنا نتصل عليك اذا وصلتنا ارقام لاتتصل علينا طلبت منه ان اقابل القائد فرفض بحجه انه لايستطيع


أفقلت فمي ورضيت مرغما


وجلست في الانتظار وأعين الناس تترقبني ... متى يتوظف .. متى يتم قبوله .... هل هو كاذب .؟؟؟


في تاريخ 10-12 \ 11 \ 1431 هـ اتصلت على قسم القبول والتسجيل وقالو لي اتصل علينا الساعه 12

(اتصلت الساعه 9 )


فقال لي الموظف لا يحضرني اسمه على ما اظن الهليل رجل ونعم الرجل تعال جدد الكشف الطبي والبصمات




فررررررررررررررررررحت ... جاء الفرج سيتم قبولي قريبا ...........!!@



جددت الكشف الطبي والبصمات وسلمتها لهم ( المره الثانيه )


وطلبت مقابلة القائد ورفضو وبالصدفه قابلت الرائد \ القرني .................أأخ هذا وانت رائد



شرحت له القصه والموضوع وطلبت منه مساعدتي لكن رد علي برد بارد قال : اذا انت محتاج الوظيفه روح للرياض جيب خطاب مشروح من قائد قوات المملكه واحنا نقبلك ولا انتظر لحد ماتجينا ارقام



اقسم بالله العظيم ورب العزة والجلال بأنهم جاتهم اكثر من 50 رقم خلال فترة تقديمي وتم قفز اسمي لأعطائها اناس قاموا بالتسجيل بعدي لأنهم من معارف قائد المركز \ الساااااابح





مرت الايام وقمت بتجديد الكشف الطبي الثالث بتاريخ 12 \ 2\1432



وفي كل مره اتصل عليهم يقولون لي



الارزاق بيد الله



حتى اني قلت للرقيب انا اذا انتم تتلاعبون راح اشكيكم لديوان المظالم قال عيب مو هذا كلام الرجال.ّ!!



الرجال يالي ماتعرفون الرجال لا اعطت كلمه توفيها لو على موتها




اقسم بالله اني الان اعاني امراض نفسيه مايعلم بها الا الله




أِشيروا علي يا اصحابي يا احبابي يا اخواني


ايش اسوي معهم الكل طموح اني ادخل هاذي الوظيفه الكل ينظر لي اني رجل طوارئ




ليش هذا الظلم انا احق من الي الان داخلينها


والله العظيم اني رحت وقت الزياره في يوم الدوره واقسم بالله وجدت طلاب أستحي ان اقول عنهم رجال أمن

قوتهم الاسلام وعزتهم ماقلت شي لكن اشكالهم ماتؤهل انهم يكونون عسكر


الدب والضعيف



طيب انا حزام 3 دان اسود وخبره 10 سنوات بالكاراتيه والدفاع عن النفس




الله يرزقني يارب وياكم وكل مسلم


منتظر حلولكم وكيف اتعامل مع هاؤلاء الهمج الجهله


تحياتي لكم

[/align]

اتمنى ينقل لقسم الفساد والجريمه



والله العظيم انه فساد وجريمه بحق المسلمين


وللمعلوميه ليس انا فقط المتضرر اناس كثير لكن الله اعلم بحالهم

من جدك تتكلم انت ؟؟؟؟؟؟؟؟؟؟؟؟؟؟؟؟؟


أقسم بالله نفس الي حصل معي ونفس تاريخ تقديمي


من انت تكفى ؟؟

========================



عموما اخوي شف انا مثل حالتك بالظبط والله ما انقص عنك ولا ازيد الا باشياء بسيطه ولاعب مثلك بس اقل منك خبره وحزام ونفس القبول لا وازيدك من الشعر بيت مظبط القرني والظباط كلهم والرقباء لكن ماكتب لي الله نصيب



شف مجرى حياتك شف انا الحمد لله قدمت بالامن العام وانقبلت والان اشتغل بشركه راتب 3 الاف ريال وما انتظرتهم


والله العظيم انهم لو اتصلو علي الان وقالو تعال داوم اقول لهم لا والف لا


لانهم الان ماراح يبغوني الا وقت الحرب وينهم يوم الرخاء ماقبلوني




شف حياتك ومجرى دنيا اسلك بالدنيا


افتح محل ومشروع واطلع من على وجش الددنيا على قولت المصريين




بلا طوارئ بلا بطيخ




واعيد واكرر اقولك الكلام هذا لاني واقسم لك بالله العظيم اني مثل قصتك بالضبط مع بعض فروق بسيطه جدا



والحين الحمدلله مادريت عنهم قبلوني ولا لا




لا وابشرك انا الكشوفات الطبيه 4 مو 3 ومع ذالك مادريت عنهم




وانا معك من ناحية الله لايوفقهم ولا يبارك فيهم





الله يكون في عونك ويوفقك ويكتب لك الي فيه الخير لك ولغيرك





تحياتي لك




((كلمني خاص وقلي اسمك تكفى شكلي اعرفك ))

وش أقول
بصراحه
والله كلامك حز بالخاطر
ولو بيدي شيء يمين الله مابخلت عليك

لكن بشور لك بالرأي من وجهة نظري

في مواضيع تطرح بهالقسم
تتكلم عن الطوارئ وكيف التقديم فيها بالملفات


اللحين اللي بشوره عليك
تغير منطقة التقديم
جرب في مكه
اغلب الشباب المقدمين في مكة
يمدحون الظباط وأن أخلاقهم عونيه<<<يعني يساعدون
إذا تقدر تنزل لمكة خذ كل اوراقك ورتبها بالشكل هذا

اول شيء
ورقة فيها معاناتك اشرح فيها كل اللي حصل من تخاذل وأهمال
بعدين جيب اوراقك شهاداتك وخبراتك
بعدها اوراق المستشفى والبصمات والبرنت
وبعدها
توكل على الله وسلمها

وبأذن الله ماتندم
وإذا ماتقدر تنزل لمكة
فحاول تخاطب أمير المنطقه
واشرحله اسلوبهم في التخاذل
وبأذن الله حقك بيجيك واتعابك بتتعوض

واهم شيء خلك راضي امك وابوك

يا عيال الحل عند الامير / محمد بن نايف

ونصيحه لاتدورون غيره

هي ولله ثم ولله لوواسطتك قويه ونشمي انك لتخش من اول كشف بس واسطتك زيي هرسك ابوبس لاكن شوف ماشاله ولدخالتي تدري كم قعدعاطل شهرين بس وخش الطواري هاذا الواسطات الي ينشدبها الضهر موهرسك

الله لايبارك فيهم ان كانهم مرمطوك زي كذا
ياخوي الحل انك تقدم معروض الى الامير محمد بن نائف وتشرحله معاناتك وبإذن الله ماراح يخيب ظنك

انت مرره مستعجل ورزقك بتاخذه يا اخي في ناس من سنين يدورا العسكريه ومافي امل

اذا انت مصمم تشكيهم وتخربها ترا حقك ضايع واذا تبي تجازف في شي اسمه هيئة الفساد جديدها اشكيهم ولا في موضوع اسمه بيان من وزارة الداخليه فيه رقم للمباحث الاداريه. دق عليهم وخربها وعلي وعلى اعدائي

نصيحتي لك اصبر *

!
ينقل للقسم المناسب