اخوي ابن الهيلا خذ معك ورقه وقلم واكتب كل شي يخطر ببالك او من الانترنت من مشاريع

وخذ لفه على الحاره والحي وانظر وش اكثر شي محتاجه الحاره او الحي وان مانفعت حاول تشوف المحلات النادره وكيف دخلها وتسوي دراسه جدوى وان شاء الله تفلح

وش رايك تخليه محل تصليح مكيفات
او تبيع بطاطس مقلية وعصير توت

مساء الخير أخوي ابن الهيلا

إقتراحي إليك إنك تعمل محل تسجيلات إسلامية أشرطة وسيديهات إسلامية قرآن، أناشيد، شعر ،كتيبات أذكار ومواعظ

مميزات المحل
التكلفة ليست عالية
ممكن تعمل فيه أنت أو أحد أبناءك مناسب للسعوديين
لا يحتاج إلى خبرة كبيرة

السلبيات

حتى ينجح بشكل كبير يجب أن يكون على شارع رئيسي أو شبه رئيسي


وبالتوفيق

العضو الذهبي وينك مختفي لقيت لك نقيل لك رساله على الخاص

الله يوفقك اخوي .
.
شوف اذا عيال حارتكم الصغار كثير .
سويلك محل بيع فيه بطاطس . وجيب بلاي ستيشن 3 يتحمسون اكثر . ومعاها فرفيرة .
.
وسوي معاها طريقة مثلا اللي يلعب ب10 ريال في اليوم له لعبة مجانا اوكل بعد 3 العاب لعبة مجانا .
.
والمشروع مومكلف .
والايجار رخيص . يعني ماراح تكون فيه خسارات . والبلاي ستيشن . والفرفيرة اخذها من الحراج . عشان اذا المشروع مامشي تمام تبيعها . وسوي كمان عصير جي صدقني مشروعك بينجح . وعشان المساحة صغيرة قلاية البطاطس . والفرفيرة خليها بالخارج . وكمان جيب معاها تسالي . قمبريات . بسكوتات .
.
توكل ع ربك .

محل قرطاسية
وخاصه انها داخل الحي
يعني اي بزر يقول لابوه ابي دفتر ابي قلم ابي مسطره
ع طول يقول خلنا نروح للمكتبه القريبه
وحط فيها الات تصوير
والعامل لازم يكون خطاط او دربه
عشان تستفيد منه زياده باللوحات المدرسيه
طبعا غير الشنط الي تشتريها بالجمله وتبيعها بمربح كل بداية سنه

ومافيه مانع تحط بالمكتبه اشرطه اسلاميه وافلام كرتون اسلاميه وتوزع بروشور للاهالي بالحي بأنواع الاشرطه الموجوده

واذا الله رزقك تسوي جرد للقرطاسيه وكل الي فيها وتحطها في بروشور باسعارها
وتوزعها على الحي وتجيب عامل يوصل يعني بس يطلبون والعامل الثاني يوصل

طبعا اذا فيه قرطاسيه قريبه خلاص هون عن الفكره
نصيحتي لك تسوي بالبدايه مشروع بسيط مايخسرك عشان اذا ماصار توفيق تفتح شي ثاني باقل الخسائر وبكذا تكون جربت شيئين


الرد الي فوقي مقنع خاصه اذا زودت عليها شغلات يحبونها الحريم مثل كنافه بسبوسه فطار بسيطه مثل الي بالمخابز يصيرون كل عصريه يسيرون على محلك