أين نحن يامعلمي و معلمات المدارس الأهلية من هذه المكرمات ؟؟

معلمات خريجات جامعيات و فوق هذا سعوديات ،، و رواتبنا 1500 ريال ،، و ضغوط حصص ، و كرف لا يحتمل ،، كل هذا و أكثر ،، و في الأخير مالنا نصيب من هذه الزيادات أبد ...
وين الرقابة على ملاك المدارس الأهلية يانااااااااااااس ..
و الله ظلم و اجحاف بحقنا .. و الله بكيت فرحة لما اعلنت هالقرارات ،، بكيت فرحة لما شفت مليكنا يخاطبنا و يقول أبنائي و بناتي ... وفي نفس الوقت بكيت قهر و ألم و مرارة و ظلم لأني اعرف إنه ماراح توصلنا حقوقنا ...
من الأوامر إن الحد الأدنى لرواتب القطاع الخاص يكون 3000 ريال ...
احنا وين و هالثلاثة آلاف وين ؟؟ الله يستر بدال مايصرف لنا مثل غيرنا راتب شهرين شكله راح يخصم مننا راتب شهرين ...
يعني بالعقل العاطلين الباحثين عن العمل راح يصرف لهم 2000ريال كمكافأة شهرية و احنا اللي نكرف بهالمدارس و نتعب و اللي تترك أطفالها الصباح و اللي شغلها ما ينتهي بالمدرسة و تكمله بالبيت و تقصر في حق نفسها و بيتها و زوجها و عيالها 1500 ريال ،،
أنا بصراحة أفكر اترك التعليم و اجلس عاطلة ويصرف لي 2000ريال و أنا مرتاحة و نايمة و ماكلة وشاربة في بيتي و لا أروح أتعب و في الأخير مافيه تقدير ...
احنا طاقات صدقوني و الطاقة إذا ماحصلت دعم و اهتمام و مراعاة صدقوني راح ننتهي ...
يعني لا زيادة راتب و لا مكافآت شهرية ...
يقولون إنه اجباري على ملاك المدارس إدخال الموظفين في الموارد البشرية ،، هذا الكلام سمعناه من سنين وسنين و حفظناه أكثر من أسامينا بس ماشفنا شي ،، لا احنا مسجلين في التأمينات و لا في الموارد ،، لا يكون احنا مو سعوديات ،،،
صدقوني ما نزلت هالموضوع إلا من القهر اللي حسيت فيه ..
الكل بادر و طبق هالأوامر الملكية ماعاد المدارس الأهلية ،، و أنا استثني قلة قليلة من ملاك المدارس طبقوا هالأوامر بارك الله فيهم ...
بس احنا اللي ما أحد شايفنا شي ،، من يوصل كلمتنا ،، من ينظر في أمرنا ،، من يهتم لنا ،،، ما نبي مكافأة و ما نبي شي نبي على الأقل تقدير نبي شوية اهتمام ،،
يعني لا إحنا طايلين وظائف حكومية و لا تعاقد و لا بديلات و كلها بالواسطات و الله واسطات إلا من رحم ربي ،،
يقولون ارسلي برقية للملك الله يحفظه ،، أنا لو قادرة أوصل كان رحت و ماانتظرت ،،
هذا حالنا و حال كثير من موظفي القطاع الخاص ( حراس الأمن ، الكاشير ، و غيرهم و غيرهم الكثير يعانون )
أتمنى كلامي هذه يوصل للمسؤولين و ينظروا في أمرنا ...
أتمنى كلامي ما يوصل وبس و ينتهي أمره ،، لا ،، أبي اجابات شافية لسؤالاتي ،، أبي رد يرد الأمل في نفسي و في نفس كثيبر من المعلمات ...

حسبي الله ونعم الوكيل طيب اذكري اسم المـــدرسه

مدارس صرح المعارف الأهلية بالبديعة

فالحين بس احتفالات و نشاطات و انتقادات ،، و داري خاطر البنات لا تضيق صدورهم و مدري وش ،،،
معلييييييش و احنا مين يداري خاطرنا و يساعد معنا ...
يعني كرف لا يحتمل ،، نفسي مرة أدخل المدرسة و أمسك حصصي بس ،،
عندنا مدرسة غيابها مافيه أكثر منه ،، تداوم في الأسبوع يومين و إذا كلفت على نفسها داومت ثلاث أيام لا ومو كاملة تستأذن بعد ،، و تستلم راتبها كامل ( ليييييييييييييه ) ،، و احنا اللي مانغيب و نكرف انتظارات و أشغال و عروض بوربوينت و أوراق عمل و نشاطات و ترتيبات و نشتغل بذمة و ضمير لو غبنا يوم أشغلونا في حياتنا ...
لا ويبون دروس نموذجية و خرابيط ،، من وين نجيب و من وين نحضر ،،
هالـ 1500 ،، تكفي حق مواصلات ، و اللا مصروف جيب خاص و الا وش ...
و بصراحة بصراحة الادارة مزاجية و كل شي حرام و مايجوز ،،
ليه مو حرام ان هذي رواتبنا ،، و اللا مو حرام ان احنا مالنا زيادات و لا مكافآت و لا حوافزز ....


يارب يارحمن ياكريم ترزقنا بخبر يفرح قلوبنا و قلب كل مسلم يااااااااااااااااااارب ...

والله انك جبتيها قسم بالله بخاطري من فتره .. يعني الحين الي رواتبهم 10وفوق تدبلت وصارت .. 20- والي 15 ثلاثين واحنا يالنتف على الفين والف وخمس محد معبرنا د ويليت اعدادنا قيليل من كم سنه وكل الشباب السعودي متوجه للقطاع الخاص ومنكككككرف ورايح وطي دوامات طويله و .. وراتبه مايجي راتب شغاله قسم بالله اني انقهر واموت قهر يوم اشوف المكرمات كلها تروح لناس اصلا واساسا مهي محتاجه رواتبها عاليه .. شريييحه كبييره من المجتمع صارت قطاع خاص ولا احد مناظرهم ولا وش يحتاجون وبالمكرمه كلن جاه شي .ولا شي شملنيآ حتى جبره الخاطر ..!!!
المدرسه الي انا فيها اهليه مدخولها السنوي 3 ملاييين!! ثلاث ملايييين متخيلين .. .. عالميه انترناشيونال وراتبي نصه يروح خصم .. ليش لبستي ملون ؟؟؟ خصممم ليش تاخرتي على فصلك دقييقه؟ خصصصم .. ويليت خصم معقول يلعبون براتبي لعب على التاخير ميتين !!!! على مخالفه اللبس ميه . من زين راتبهم الحين .. !! والله وش نقول ظلم ظلم . لو بحكي الا بكره ..< خنقتها العبره

جيتووووا على الجرح كرررررف ونشااطات اهم من المنهج وكل شوووووي احد طاب عليك يحضر لك كانك جااااااالسه ماتشرحين تعب نفسي واي غياااااب خصم مايقدرون الاعذار ومسموح لك تغيبين يومين طوووووووووول السنه ليه العافيه والمرض من البشررررر واي اداريه منهم نفاس تخلص شهرين ونص توها تصحى لو وحده منا غابت اسبوع لعذر على طول طررررررررررررررررررررررررررررررررررررررررررررررررد تحداكم تلقووووون تقصير في اي معلمة في قطاع خااااااص تعطي من قلبها وبذمة وضميررررر الله يعينا ويعوضنا بحكومي

الله يكون بعونكم
طيب سووا حملة للقطاع الخاص وان شاء الله تتيسر اموركم انا ودي اتوظف في قطاع خاص بس الرواتب جدا قليلة والكرف كثييييييييييييييييير الله المستعان

ما بأكذب عليك أنا لوتجي لي وظيفه في مدرسه خاصه بأوافق بدون تردد ع الأقل أحسن من جلست البيت خلاااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااص طفشت وإذا ع قولتكـ مشاكل وكرف وقرف بأصبرسنه وآخذ خبره وأروح مدرسه ثانيه وهكذا حتى يجي التعيين الزفت بس وش أقوووووووووووووووووووووووووول محد يبيني عندي كيمياء ززززفت

انا معاكم بهالكلام واتوقع الكل تكلم باللي اقوله..

ياليت يشوفون وضعنا بالمدارس ومع هذا لو تجيك شكوى من بنت تكذب عليك او تتدلع علشانك قلتي اسكتي وهي تتكلم وأنتي تشرحين تجيب امها وكل قبيلتهم اليوم الثاني والمدرسه اكيد مع الطالبه وعلى طول فصل او انذار وهم مايعرفون ان هالطالبه قليلة أدب ومزعجه بالحصه طيب انا كيف اشرح وفيه ازعاج ..> والله قمه الظلم ولا احد يدري عنك..

الله يكون بعون الجميه يارب ويفرجها علينآآ

حسبي الله لا إله إلا هو
عليه توكلت وهو رب العرش العظيم



اللهم يامن أجاب نوحا حين ناداه
يامن سمع يعقوب في شكوا ،، ورد إليه يوسف و أخاه
فرج همومنا ،، و وسع رزقنا ،، و اعطنا و لا تحرمنا ياااااااااااااارب