19-04-2011, 02:38 PM
|
عضو جديد
|
|
تاريخ التسجيل: Mar 2011
المشاركات: 7
معدل تقييم المستوى: 0
|
|
اقتباس:
المشاركة الأصلية كتبت بواسطة راحت امانينا
ممكن تعطينا نبذه عن المقابلة الي اجريتها العام الماضي
|
كانت مقابلتي الشخصية في ادارة التربية و التعليم بجدة وعند التقديم على المقابلة الشخصية لازم تطبع استمارة التسجيل من النت محدد بها موعد حضورك باليوم والساعة وأعتقد كان موعدي الساعة عشر ونص صباحا طبعا رحت قبل الموعد علشان ما أتأخر . دخلت الادارة ولقيت مشرفين يوزعون الطلاب الى قاعات كبيرة المهم عطيتهم اسمي ووجهني المشرف الى القاعة , دخلت القاعة وجلست وداخل القاعة يوجد لجان ينادون بأسماء الطلاب واللي يسمع اسمه يذهب للجنة اللي نادت عليه ويعطيهم استمارة التسجيل أقصد اللي طبعتها من النت , و قبل ما أدخل على المقابلة سألت الشباب ايش الأسئلة وكيف المقابلة طلع كل واحد يختلف عن الثاني , دخلت على لجنة المقابلة وكانوا أربعة مدرسين جالسين جنب بعض وقدامهم طاولة كبيرة وفي كرسي , قلت السلام عليكم , واحد بس رد علي السلام  والباقيين ساكتين اللي يكتب واللي ماسك جواله  :  كأنه مافي أحد قدامهم ,
المهم ما جلست لأنه محد أذنلي بالجلوس خلوني واقف شوية وبعدين واحد فيهم قلي تفضل اجلس 
أول شي سألوني وش اسمك ومن اي مدينة و سألني واحد مطوع قلي تلعب كورة قلت ايه قال ايش تشجع , قلت الهلال , قال ليش الاتحاد أقوى قلتله أصلا أنا مالي فالكورة بس أفضل الهلال منذ الصغر ولا أعلم من فيهم الأقوى , قال مين الخلفاء الراشدين , عددتهم , قال بماذا يلقب أبي بكر , قلت الصديق , وسألني اسئلة سهلة لم أتذكرها, بعدين سألني حق التخصص قال ليش تخصصت انجليزي طبعا بالانجليزي , جاوبته , قال ايش المواد اللي درستها ,جاوبت أثناء إجابتي قطع كلامي المطوع ورمى عليه ورقة وقال وقع هنا رماها بقوة لدرجة طارت فوق وطاحت بوسط الطاولة بعيدة عني , ناظرت فيه لقيته مكشر  , ماتكلمت شوية قمت قلت اوقع هنا وباخذ الورقة إلا قام المطوع وأخذها قبلي وقالي أنا اسف تفضل  ( عرفت انه بيشوف ردة فعلي ) , بعدين سألني حق التخصص قال تعرف شكسبير , قلت يس قال تكلم عنه , تكلمت شوية بعدين قال خلاص روح . وانتهت المقابلة .
أهم شي في المقابلة لا تجلس على طول و انتبه من ردة فعلك و لازم يكون بالك طويل و صدرك رحب , يعني مو أي شي ينرفزك أنا قبل ما أجيهم عرفت انهم يركزون على ردة الفعل لأنك انت مدرس وما ينفع تكون عصبي على الطلاب . والمقابلة روتين وبعض الشباب ماسئلوهم عن تخصصهم , وبعضهم ماكمل خمس دقايق , والبعض جلس ربع ساعة ,وكثير اجتازوا المقابلة لكن استغربت انه في طلاب ما اجتازوا . توقعت كل الطلاب راح ينجحوا, على العموم الله يوفق الجميع لما يحبه ويرضاه
|
العرض العادي
