السلام عليكم ورحمة الله وبركاته



اسبوع عصيب جدا ومر بصعوبة بالغة وحصلت فيه احداث شيبت راسي




يوم السبت الماضي جاري وولد خاله كانوا في سيارة وصدموا تريلا من الخلف بسرعة عالية

السائق توفي في الحال والراكب اصيب بوفاة دماغية....والحمدلله على كل حال

تنوم في مستشفى الملك عبدالعزيز وكانت حالته ميئوس منها

دخلت عليه وكان جزء من الدماغ خارج من راسه والضغط غير مستقر وعايش على التنفس الصناعي وحالته (full risk) يعني اعلى درجات الخطورة يعني احتمال كبير جدا انه ما يعيش وما احد يقدر يسوي له شي الا الدعاء....اما الروح فعلمها عند الله

صلينا ودعينا ان الله يقومه بالسلامة وكلنا عارفين انه ما راح يعيش ابدا


يوم الاحد دخلت للدكتور في حالة يئس قلت له ما في امل...قال لا.......قالي تعال معاي

دخلت معه وقالي بسوي له اختبار يمكن يكون في استجابة ونقدر نقرر اذا كان بيعيش والا لا...

اول شي سلط الضوء بقوة على عيونه ولا حصل أي تغيير على حواجبه
وخزه بإبرة في رجله ولا في أي ردة فعل
رفع اجهزة التنفس الصناعي وقال اذا قدر يتنفس بعد 10 دقايق لوحده هذا يعني انه في امل بسيط جدا انه يعيش...رفعها وماقدر يتنفس

يوم الخميس في الليل رحت لابوه قلت الله ياعم خل اكون صريح وواقعي جدا معاك...ومافي وقت خلنا نلحق

قلت له ياعم ولدك ميئوس منه
قال عارف وفاته مسألة وقت
قلت ياعم ليش ماتتبرع بأعضائه قبل ما يموت
قال حرام
قلت لا
قال عندك دليل انه حلال
قلت لا ولا عندي دليل انه حرام وهذا مسأله محل خلاف من العلماء والرسول يقول استفت قلبك ولو افتاك الناس
قال وشلون
قلت فيه ناس يستفيدون من اعضائه وشوف كم شخص بيستفيد الكبد والكلى والقلب ويمكن تكون صدقة جارية هل تعتقد انه هذا شي فيه معصية لله؟
قال ما ادري انا مشوش ..
قلت له تقدر تسأل ...بس استعجل مافيه وقت ...
بعد نص ساعة قالي سألت شيخ يقول هي موب ملكه عشان يتبرع بها بعد وفاته
قلت له احترمك واحترم اللي سألته....لكن هل هي ملكه يوم انه كان على قيد الحياة ؟؟ اكيد لا...لكن يقدر يتبرع بها لك والا لاخوانه اذا كانوا في حاجتها ...

ما رد علي سكت

قلت له ياعم وافق الله يرضى عليك خل ننقل اعضائه ...وترى كل كم ساعة يتلف جزء من اعضائه
وافق وابشر باللي تبيه ان كان تبي فلوس والا أي شي بس وافق وافق وجلست احاول واترجاه ...كم مريض ياعم حولك لو توافق صدقني بيواصلوا حياتهم بشكل طبيعي وتكون انت سبب سعادتهم

قالي خلني ارد عليك بكرة بعد الجمعه


والولد توفي الساعة 10 صباحا رحمة الله عليه والاب ما وافق على نقل اعضاء ابنه

قابلته في المقبرة وهو يبكي من قلبه لانه ماوافق وكان يحظني بقوة الى ان اختلطت دموعه بدموعي

والحمدلله على كل حال

ما اخفيكم ان هالاسبوع كان اصعب اسبوع مر علي واحس ان نص شعر راسي صار ابيض من الضغط النفسي وكنت بين الخوف والرجاء من الاب انه ما يوافق

الموضوع مو محل استفتاء

ولكن


سبب الوفاة الدماغية هو عدم ربط الحزام

والله ان القلب يحزن والجرح كبير والمفارق عظيم لكن الحياة تستمر ومانقدر نسوي شي الا اننا ندعي له في كل صلاة وكل سجدة ونحاول نسوي له صدقة جارية

وصلنا للنهاية ....وكان المفترض ان تكون ملكته يوم امس الخميس....

ان شاء الله يكون الان في الجنة

لا اله الا الله ...


الله يرحمه برحمته ,,,



والله ما تركوووناااا ولكن هم السااابقوون ونحن اللاحقووون ...

لا حول ولا قوة الا بالله ~ الله يرحمهم ويغفر لهم ويسكن أرواحهم الجنّة ,,
مسألة التبرع بالاعضاء صحيح انو انسانية ,, وفيها أجر عظييييييم ,, وتفريج كرب نآس ,,
لكن الاهل مايهون عليهم انو يبهذلون ذويهم ويستخرجون اعضاءهم ,, ويدفنونهم شبه مشرحين .

أختي موقعة على أوراق انو لا سمح الله صآر شيء لها ,, أنو ياخذون أعضاءهآ ~ ويوم درت الوالدة زعلت عليهآ حيل حيييل .. بنفس السبب فوق !!

والله خبر مؤلم صراحة ,, الله يصبر أهاليهم ,,
يعطيك العافية أبو فجر ~

لا حول ولا قوة الا بالله
الله يرحمهم

لاحول ولاقوة الا بالله ..
الله يرحمهم ويغفر لهم ويسكنهم فسيح جناته ..

والله السيارات ماترحم ..
الله يكفينا شرها ..

انا لله وانا اليه راجعون
نسال الله ان يرحمهم برحمته ويغفرلهم
وجعل جنه الفردوس مثواهم

لا حول ولا قوة الا بالله
عظم الله اجرك
ورحمهم الله رحمة واسعه وجميع موتى المسلمين الله
الله يعين

الله يرحمه برحمته

الله المستعان ... الله يرحمهم ويغفرلهم ويسكنهم فسيح جناتة ...

والله يربط على قلب اهله ... بو فجر .. لا تلوم ابوه صدمه عايشها

الله يغفر له ويرحمه ويجعله من يدخلون الجنه بغير حسااااب

يااعمري عليه ابوه ماايهون عليه يعطي اعضااء ولده لشخص ثااني

الله يصبركم ياااارب