[align=center]
بسم الله الرحمن الرحيم
[/align]

مرحبا ..
انا عضوة جديدة و سجلت هنا ابا منكم تنصحوني ..

انا اخدت الثنوية في سنتين و نص .. و معدلي التراكمي مرة حلو و يدخلني الجامعة اللي اباها انشالله ..

الترم اللي فات من دي السنة انا اتخرجت ..
و المشكلة اللي عندي دحين

اني فاضية هادا الترم و انا ما احب اقعد كدا فاضية زهق ..

محتارة بين 3 اشياء ..
يا إني اسافر اطور الانقلش تبعي ..
ملاحظة : ازا سافرت حضطر اني ارجع بدري عشان اختبار القدرات و التحصيلي..
أو اني ادور لي على وظيفة اشتغلها دي الفترة الين ما يفتح التقديم عالجامعة ..
أو اني اسوي لي مشروع صغير براس مال صغير كمان يعني بحدود 10 آلاف بس مع العلم انا مني حقت مشاريع و دي الأشياء فلازم معايا شريك لأني مرررة مني خبرة و ازا عملت مشروع همي الوحيد هوا اني اشغل وقتي و بس يعني حتى الربح ما يهمني

افيدوني بالله لأني مرة محتااارة ..

و كمان بليز شي تاني

انا محتارة لو فتح تقديم الجامعات ..

محتارة بين أرامكو برنامج الابتعاث و بين برنامج خادم الحرمين للابتعاث ..

و القسم اللي اباه هوا هندسة كيميائية ..

انصحووني بليييز لأني مرة محتارة ..

بليز لحد يدخل ياخد نظرة من غير ما يعلق

و شكرا..ً

انتي من اي بلد اماراتيه او مصريه؟

اللهجه مو مبينه
عموما انصحك تشتغلي

خخخخ انا سعودية من جدة
طيب الله يعطيكي العافية ..

امم اتوقع افضلك تاخذي دورات تطوري بنفسك شوي دورات كـ ثلاث -اربع اشهر بتفيدك
لان بالنسبة للمشروع لازم تكوني طول الوقت فاضيه له وتراقبيه فاذا رحتي الجامعه ايش بيكون مصيره
وبالنسبة لللغة فالخارج كمان اعتقد ماتنفع لان مامعاك فترة كبيرة !
والقرار بالاخير لك
امم كمان نقطه مهمه انصحك لاتعتمدي على ارامكو والابتعاث بل سجلي بالجامعه حتى في حالة لاسمح الله ماتم قبولك فيهم تقدري تروحي عالجامعه وماتضيع عليك سنة او ترم
وبالتوفيق لك ان شاءالله

بالنسبه للمشروع ماانصحكي فيه
افضلك تاخذي دورة انجلش ومو شرط برى ممكن هنا

أختي أول شي أنسي موضوع المشروع من أساسه .. لأن المشاريع مو تسليه .. المشاريع يبغالها جهد .. وكمان يبغالك خلفيه عن عمل مشروع وإدارته .. يعني لابد أنك تكون على دراية تماما بكل تفاصيل إدارته .. وهذا لا يتأتى لك إلا من خلال دخول دورات تتناول إدارة المشاريع الصغيره.. وكذلك قراءة الكتب الإداريه التي تتناول مثل هذا الموضوع .. ( وثلاثة شهور ما راح تقدري تنجزي فيها شي فيما يتعلق بهذا الموضوع) لذلك انسيــه ..

ثاني شي الثلاث شهور هاذي تقدري تاخذيها فترة لتطوير الذات.. فرصه جاتك من رب العالمين لا تضيعيهـا ..

مثلا :

1- تاخذي دورة لغه إنجليزيه تطويريه للغتك.. ( حتحتاجي اللغه في دراستك وكمان لمن تروحي إبتعاث .. ركزي ع هذاي النقطه إذا كانت لغتك موش ولا بد ) وإذا لغتك تمام صلى الله وبارك ..

2- تركزي على المرحله الجايه ( اختبار القدرات) + ( التحضير للدراسه الجامعيه): بمعنى تدرسي لإختبار القدرات في هاذي الفتره علشان تجيبي معدل عالي في القدرات اللي هوا أهم في وقتنا الحالي من معدل الثانويه .. وبنفس الوقت تحضري للجامعه.. تطلعي على ماهية تخصصك.. متطلباته.. تفاصيله.. وتتعقمي بهذا الموضوع من حيث قراءة الكتب التي تتناول هذا التخصص.. وهذا حيساعدك في إنجاز دراستك الجامعيه ع اكمل وجه وبمعدل مشرف .. وصدقيني حتسهل عليك دراستك كثيـــر إذا عرفتي الطبخه ومحتوياتها قبل الشروع بهـا ..


لا تضيعي هالمرحله لتطوير ذاتك .. نصيحه ..


وبالتوفيق خيتو ..

الحل الوحييد عندي

عطيني 5 الالف .. وخذي خمس الالف وادخلي دوره حاسب وانقلش

دوعـآبه نصيحتي لك

الحمد لله المملكه فيهأ خير يعني بتحصلين لك كم معهد يعلمونك الانقلـش تصيرين ( بلبل )

ولا انصحك تتغربين عن اهلك برا السعوديه ..

روحي نيوهرايزن .. والبريطآنيه .....الخ وفي اشياء كثيرهٍ

ولآ انصحك تفتحين مشروع لآن لو تقدمتي في المشروع راح تلهين نفسك عن دراستك الجآمعيه

اسمعي مني ادخلي اي دوره انقليزي من ثلاث اشهر الي اربع اشهرر

ارجوا الرد < ابي رايك فيني عشآن اي احد من العيال يبي نصيحه اتفلسف عليه مثلك

وثكراَ

[align=center]أدرسي القدرات والتحصيلي وأدخلي دورات ليها .. وبالتوفيق .[/align]

ماقصرو الاعضاء ماشاء الله ,,

ردي مثل مثل ماقالو لك مازيد ولا انقص ’’

الله يوفقك ان شاء الله والجميع ,,

p.fragrance
مشكووور ما قصرت و بالنسبة اني أقدم عالجامعة هنا دا شي أكيد حقدم على عزوز احتياط لو لا قدر الله ما انقبلت في برنامج الابتعاث .. الله يعطيك العافية


"فاتنة"
الله يعطيكي العافية مرررة شكرا حعمل بنصيحتك و انسى المشروع D:


"يا عساني ما أفقدك "
بالنسبة اني احضر لاختبار القدرات .. أنا سبق و اخدت دورة و صح اني استفدت و اتعلمت استراتيجيات الحل و كدا بس وقت الامتحاان مع الربكة و التوتر كل شي ضاع و الله يستر من النتيجة فعشان كدا فرصتي التانية في القدرات حدخلها كدا من غير تحضير لأنو بجد دا الامتحان الدرجات فيه تجي بالحظ .. و مرررة شكرا حعمل بنصيحتك بالنسبة اني اقرا عن التخصص .. مرة يبغالي لأني ما اعرف عنو ولا شي .. الله يعطيك العافية


" الجرح العميق "
خخخخخخ لا حكيم ماشالله يجي منك و انصحك تاخد راحتك و تتفلسف عالعيال D:


"شيخ العرب عناد"
جزاك الله خير .. والله يوفقني في القدرات و التحصيل .. ادعيلي )":


"كابتشينو جامعي "
شكررررا على مرورك ..