السلام عليكم ورحمة الله وبركاتة

الحمدلله اليوم خلاصة من اجراءات المقابلة المبدئية في أمن المنشات

صحيت الساعة خمس الفجر تقريبا وكنت متردد اروح ولا لا

اولا: لاني على وظيفة في شركة فكنت محتار انتظر الوظيفة الحكومية ولا اروح العسكرية

وثانيا : بسبب الاحوال الجوية .

صليت استخارة و الحمدلله توكلت على الله ومشيت تقريبا الساعة 7.30 والطريق كان

صعب لان الريح قوية و الغبار ما تقدر تشوف زين وطبعا انا من الحسا لاكن الحمدلله وصلت

9.45 تقريبا و اول ما تبي تدخل الى مبنى امن المنشاة يفتشونك ويقولون اذا عندك جوال ولا

دخان ممنوع تدخله داخل بعد التفتيش يتاكدون ان اوراقك كامل ثم تركب باص صغير

يوصلك الى داخل المبنى للمقابلة اول ما تدخل يقسون لك الطول و الوزن اذا مشت امورك

يقولون لك روح عند الضباط تروح عند الضباط يشوف اوراقك ويختمها ويرسلك لليدققون

على الاوراق ويعبون باقي الاستمارة ويشيكون على اوراقك ثم يحولونك الى قسم الحاسب

يا خذون اورقك يقولون خلاص انت كل اجراتك تمام تقدر تمشي وراح تجيك رسالة على الجوال

و تابع موقع امن المنشات .

والحمدلله انا خلاصة وكل اموري تمام وبانتظار الرد .

بصراحة اشكر كل اللي موجودين هناك بصراحة الاجراءات مشت بشكل سريع يمكن ما

اخذت الا عشر دقايق و متعاونين تسالهم عن اي شي يجاوبونك.

اسف على الاطاله بس حبيت اوضح للاخوان اللي عندهم مقابلة يعرفون الاجراءات .

تقبلوا تحياتي ..

طيب النظر ماسوى لك فحص عليه

الله يوفقك ياارب


ان شاء الله عقبال قبول النهاائي

موفق بإذن الله ... لك مني أجمل تحية .

الله يوفقك

وان شاء الله من المقبوووولين نهائيا

الله يوفقك يارب

وعقباااااال التدوره يارب

وبالتوفيق لك يالغالي

يارب يطلع اسمي من اسامي الفرز الامن العام