السلام عليكم ورحمة الله وبركاته

اخواني انا سجلت ولدي بالتاهيل الشامل بالملز عنده توحد وعطونا رقم مستفيد ومن يومها ما راجعتهم وسمعت وقرأت ان البطاقات توزعت لكل المستفيدين الحين انا من وين أخذ بطاقة ولدي وايش المطلوب احضاره معي وهل يلزم يجي الطفل او امه معاي لاستلام البطاقة وكم راح الاقي رصيد بالبطاقة وهل يسحب الرصيد اذا طول اكثر من شهرواخيرآ هل فيه زحمة على تسليم البطاقات وجزاه الله خير كل من يجاوبني

[align=center]
اختي روحي راجعي المكتب الي سجلتيه فيه
واخذي معك رقم المستفيد وراح يعطونك البطاقه اكيد
عن الي في الرصيد مايروح ابد

واذا انتي مطوله في تسجيله اكيد فيه مبلغ متجمع كثير

انا عندي طفله توحديه نفس ولدك وعطوني اول دفعه 10000

لقيتها في رصيدها

واسئل الله ان يشفي ابنائنا ولا نبغى هالمبلغ العافيه لاتقدر بثمن

اتمنى افدتك عزيزتي

[/align]

اي صح لا مو لازم تحضرين الطفل رقم المستفيد فقط وكرت العائله الي هو فيه

شكرآ اختي الامل المفقود انا رحت اليوم لهم بالملز اتضح ان الشروط هي اربع صور للطفل وبطاقة العائلة الاصل وحضور الطفل المعاق مع الام وايام المراجعة هي السبت والاحد والثلاثاء فقط
بصراحة تعقيد للمعاقين وخصوصآ الاطفال حسبنا الله ونعم الوكيل فيهم وفي موظفاتهم

الله يكون بعونك

ماراح تحصل/ي في البطاقه غير راتب شهر هذا حصل مع أحد أقاربي.

جزاك الله خير منصور على الدعوة الطيبة
شكرآ عطر جازان على المعلومة
يعني ان شاءالله اذا استلمنا البطاقة بنلاقي بالرصيد حق شهرين اعانة وشهرين مكرمة من الملك عبدالله حفظه الله وجعله ذخرآ للشعب السعودي بجميع فئاته
بس والله تعقيد اجراءات استلام البطاقة تطير الفرحة حسبي الله عليهم

الشروط هي صورتين شخصية للطفل وصورة من بطاقة العائلة وحضور الطفل مع والده والمكان هو التاهيل الشامل بحي النخيل وليس تأهيل الملز

الله يششفيــه ياااارب -( رووحي نفس المكـتب الي قدمتي عليــه احضـآر معاك كرت العائلـه ورقم المستفيد وطفــل )- وسالفـه الرصيـد لا ان شاءالله الرصيــد بيكون موجود بس متجمد يعني اذا اختي الصراف تنشطي الرقم السري وكم ساعه تسحبي المبلغ

والله يكتب الي فيـه الخييــر !