سجلت بالمعهد ورحت وسويت المقابلة والمهم خلصت اوراقي عندهم وعطوني ورقة اول يوم في المباشرة19/5/1432 يعني بعد شهر تقريبا
سؤالي
1_انا من اهل الجنوب وطلبت سكن عندهم ما ادري من متى بستلم السكن هو من اول يوم مباشرة عندهم ولا كيف الطريقة وهل كل واحد لة غرفة لوحدة او معة احد؟؟

2_ المكافأت هي كل شهر تنزل وقتة او تتأخر مثل الجامعات؟؟

3_الاجازات هي اسبوع بعد كل 3شهور بس او كيف نظامها بالنسبة لوقت دوامي من 1 /5/1432

هل السكن قريب من المعهد للي ماعندة سيارة

يفيدونك الاخوان ان شاء الله

السلام عليكم ورحمه الله وبركاته

انحشششششش من المعهد نظامه سيء والاداره سيئه وفتره الدوام زفت والله تكره نفسك انا كنت ادرس فيه

درست 9 شهور رسبت في الحاسب فصلوني يعني ترسب في ماده برى الدوام من الساعه 8 الى 4 العصر

السكن بعيد شوي يحتاج سياره مميزات السكن
1 انقطاع الماء فجئه
2 مسؤل السكن كل شوي داخل عليك
3 بعيده البقايل لازم سياره

بالنسبه للاجازات بعد كل ترم اسبوع واحد

نصيحه لاتروح المعهد اسال مجرب

الله يعطيك العآفيه ويبارك فيك


موفقين

السلام عليكم اسمع شور الخبل
انت تقول(اذا أنت تقول الدوام من الساعة8 الى الساعة 4 وش تقول نظام ارامكوا من الساعة 7 الى5تقريبا
)
خطا ياحبيبي اخوي في ارامكو دوامه من 7 الى 3 العصر. مو مهم

بالنسبه للباصات من اول مارحت السكن وهم يقولوا الشهر الجاي يعني تسحيب في تسحيب

والدراسه على حسب المدرس اذا كان المدرس (بيت او زكري) اعرف انك ناجح والباقين لازم تشد حيلك

الحاسب سهل بس كله انجليزي من اول يوم وماده (SSK) ماتعرف وش الهدف منها

الرياضيات يبيلك تنتبه صح لكن زي ماقلتلك روح اي معهد ثاني لان المعهد هذا لو ماوفقك ربي فيه ماتقدر تروح

معهد ثاني لان المكافئات من الموارد البشريه واذا فصلت من المعهد ما يعطونك الموارد دعم مره ثانيه فانت الحين

وضعك كويس دور معهد ثاني له اسمه مثل ارامكو سابك روح ابتعاث داخلي احسن استفيد من الدعم في شي ثاني

انا ماابي انحشك من المعهد بس انا اعلمك الي صار فيني
(بالتوفيق للجميع)

ماعليك من احد ادرس
ولد جارتنا يدرس في التقنيه
والحين بيتوظف في ارامكو مدري سابك
شد حيلك بالتوفيق لك
التقنيه معروووفه
اخو صديقتي فيه التقنيه وبيتوظف ع طوول
والتوفيق بيد الله