طلبوا مني تدريب سنة بسبب الانقطاع لما قتلهم ماعندي وقت عشان الخدمة قالوا تدربي شهر و بعدين تعالي نرفع لك خطاب ..المهم تدريب لازم اقلها شهر ...اختي عاطلة ايش صار معاك ؟

ياربي متى يطلع الترشيح

يعني اذا بدؤ بمفاضلة جدارة ،ن تنلغي مطابقتنا


هذا ظلم

يافرحة ماتمت
طيب روحي تدربي لا تضيعين وقتك
وان شاء الله الديوان يتعاونون معك

يارب هونها علينا يارب

يارب رحمتك

السلام عليكم والرحمه

اهنئ الجميع بقبولهم مبدئيا وانا من ضمنكم ولكن فعلا من سماها الخدعه المدنيه

الكلام موجه لجميع ارقام 66 والله يعوضكم ان شاءالله


انا اتصلت على الهئية السعوديه للتخصصات الصحيه وسألته وشرحلي بالتفصيل الممل وابخبركم ايش قالي
معه س

قال انتم متخرجين من زمان واحنا نحسب عن كل سنه تدريب شهر طبعا انا تخصصي تغذيه اقصتاد منزلي من جامعة سعود

قلت الخدعه المدنيه وقعوني انهم طالبينها خلال شهر وانا حسبت نختبر cpr ونمتحن عندكم قال لازم تكملون المده المشروطه بالتدريب بعدين الخطوه اللي بعدها تسووون ذا الاشياء

المهم رحت للخدعه المدنيه وقابلت الموظفه المسؤوله عن القطاع الصحي وقلتلها عن هذه المشكله

تدرون وش ردت طبعا جالسه عالمكتب ومنزله النظاره على طرف خشمها

وقالت اعرف هالشيء ومو بس انتي اللي صارتلك ذا المشكله الكثير جوني وقالولي عن مشكلتهم واكيد اذا رشحتوا بتستبعدون عن الترشيح لان مامعكم الشهاده التصنيف

مع ان موظف الهيئة قال في حالة موافقة الخدعه انك توظفين ومدة التوظيف اللي قضيتيها مثلا عليكي 6 شهور من خلال التوظيف لمدة 6 شهور تجين عندنا وتمتحنين

لكن الاخت تقول من شروطنا انك تجيبينها قبل التوظيف والمده المطلوبه شهر واحنا مدة تدريبنا اكثر من شهر يعني كذا كذا رايحه علينا

قلت اجل ليش تنادونا ثمن تطلبون الشهاده وتقولين راح نستبعدكم

قالت عاد جاء دوركم وهذا من حقكم نرشحكم بس مو من حقكم انك تطلبون الوظيفه بدون الشهاده تبوووون ننتظركم لين تخلصون التدريب وتمسكين المكان عن غيرك لمدة مثلا 6 شهور

صرنا ماشاءالله نمسك المكان عن غيرنا لا والله قمة العدل يوم قالتلي كذا يامال الوجع بس

قلت هذا ظلم كيف تطلبونا شيء مانقدر عليه واتوقع ماقالوا عن هذه الشهاده من اول ماقدمنا علشان يمدينا نتدرب بدال مااحنا جالسين ننتظر الوظيفه على غير سنع

المهم قالت هذا اللي عندنا وكل اللي مثلك ماراح يتوظفون الا بالشهاده ولاعليها من اعذارنا يعني بيتم استبعادكم لاتحمسون عالترشيح كثير

يعني بالعربي الله يعوضكم بالصبر ويؤجركم في هالمصيبه

ولو علي ماني متحمسه كثير لفكرة مستشفيات لو ابيها كان من زمان رحت لمستشفى خاص ولاجلست انتظرهم هم ووظائفهم اللي شروطها تعجيزيه

بالتوفيق للجميع حبيت ابلغكم يمكن احد يرفع شكوى لديوان المظالم اذا محتاجها مره قبل لايتم استبعاده

ذبحتينا يالعطاله طيب انا مثلك مابي مستشفيات بس اخاف اقعد مااطلع تصنيف والنهايه يكون في مركز ايتام او دار عجزه وش رايك وش نسوي؟؟؟
اختي اكسلنت انا ع حطة يدك والله ماسويت شي لان وحده قالت لي عن التدريب قلت اكيد بتتعسر معنا