28-03-2011, 02:18 PM
|
 |
عضو ماسي
|
|
تاريخ التسجيل: Nov 2007
المشاركات: 1,584
معدل تقييم المستوى: 31626
|
|
و اخيرا لقيت الموضوع  من بدري و انا ادور على موضوعي و في الاخر طلع مدموج مع الموضوع هنا ..
المهم اخواني انا اليوم رحت للهيئة السعودية للتخصصات الصحية عشان اسأل عن طريقة واجراءات الحصول على شهادة التصنيف ..الموظف قالي اطباء ؟ قلته لا ..قالي وش تخصصك قلتله تغذية اعطاني استمارة قال اعبيها و اجيبها مع باقي الاوراق و هي صورة من مؤهلي الجامعي مع الاصل و صورة من الاثبات و امتحان سي بي أر و رسوم 860 او 865 ريال >> في الحدود هذي ..و سألته وين امتحن السي بي ار قالي في اي مستشفى حكومي او خاص .
بصراحة كنت مرتبكة شوي و حسيت انه لازم اسأل و استفسر اكثر ..يعني مثلا انا ما عندي خبرة و شهادتي قديمة 2001 فهل هذا راح يؤثر في حصولي على التصنيف ؟ هذي نقطة نسيت اسأله عنها و حتى نسيت اسأل كم الدرجة المطلوبة ل سي بي أر .. ما ادري احس انه كان لازم استفسر اكثر ..و في نفس الوقت الاوراق اللي طلبها بسيطة يعني حسيت حكاية الخبرة او قدم الشهادة ما يؤثر في الحصول على التصنيف ممكن يؤثر في نوع التصنيف او الوظيفة او مسماها لكن في الاخير احصل عليها ..هل صحيح تحليلي للموضوع او قاعدة احلم ؟
اقتباس:
المشاركة الأصلية كتبت بواسطة عااااااااطله
انتي وين انا في الرياض طاابقت
|
ايه اختي انا في الرياض طابقت
اقتباس:
المشاركة الأصلية كتبت بواسطة الى متى وإلا متى
اختي مبروك المفاضله وعقبال الترشيح .. واحب اهنيك ان اختاروا تخصصك صحي لا ان التصحي يفرق عن التخصصات الاداريه الثانيه يفرق بالعمل ويفرق بالراتب ’’ يعني يفرق اكثر من الفين ريال زياده !!
وان شاءالله ماتروح عليك الوظيفه ,, معك شهر امديك تجيبين شهادة التصنيف وانا بشرح لك الطريقه
اولاً فيه معاهد بالرياض اذا كنتي من الرياض .. فيه معاهد تعطي شهادة السي بي ار اللي هي شرط اساسي لشهادة التصنيف ’’ روحي لهم وهم بيفرجونك على مقطع فيديو لا انعاش قلبي رئوي المقطع يمكن ساعه او اكثر بشوي ’’ وبعدين يختبرونك ( يعني المسأله سهله وان شاءالله بتعدين ) ** وطبعاُ بمبلغ 300 ريال ’’ والمعاهد هذي متخصصه للسي بي ار ×× افضل من المستشفيات اللي تطول شغلتها ولازم يكون العدد كثير عشان يسوون اختبار سي بي ار ’’
بعد ماتاخذين الشهاده ,, اطبعي الصفحه اللي نزل فيها رقمك للمفاضله يعني صفحة ديوان الخدمه المدينه اللي فيها رقمك ’’ وخذي معك الورقه الصفراء ,, واتجهي لحي السفارات ’’ واذا دخلتي على هيئة التخصصات قولــي لهم .. انا مرشحه وهذي الصوره توضح ترشيحي وعطوني مهله شهر عشان اجيب شهادة التصنيف وهذي شهادة السي بي ار وهذا السجل الاكاديمي .. وخذي معك صور وقولي
هم على طول اما يسوون لك اختبار ولا يعطونك بطاقه لمدة سنه وهي تصنيف ويمشوون وضعك عشان ترشيحك ,, وهذا الكلام مجرب من واحد اعرفه معرفه شخصيه
واذا اصروا على الاختبار قــولي لهم اوك اسوي اختبار بس يعطونك كتاب للمراجعه ويكون الاختبار باقرب فرصه يعني يووم يومين ,, والحين هيئة التخصصات صار اختبارهم على طول يعني من يومك
وبيقولون لك فيه مبلغ 300 ريال يتم تحويلها لحساب الهيئه ويعطونك رقم حساب الهيئه
الله يووووووووووفقك وان شاءالله ربي ييسر امورك وتاخذين الشهاده ويطلع اسمك بالترشيح
|
الله يبارك فيكي يارب
و ان شاءلله خيرة انهم حطوني صحي ..بس اللحين اخاف الحصول على شهادة التصنيف يقف عائق بيني و بين الوظيفة خاصة انه ما صدقت على الله يطلع رقمي بعد السنين هذي كلها
بالنسبة للمعاهد ..الموظف ما قالي روحي معاهد قالي مستشفيات خاصة او حكومية ...اخاف اجيب الامتحان من معهد يرفضون يقبلونه .. ثاني شئ هل الامتحان بالعربي او بالانجليش ؟ لو عربي ما يحتاج استعد ان شاءلله بيكون سهل ..بس لو انجليش افضل استعد له فلو فيه اي طريقة استعد فيها للامتحان لانه بصراحة حابة اجيب درجة ممتازة ..
شئ ثاني انتي كاتبة انه بيختبروني ...هل فيه اختبار غير السي بي ار ؟ و هذا كيف استعد له ؟ ايش طبيعة الاسئلة عشان اكون جاهزة مليون بالمية ..بصراحة حلمي كله معلق بالموضوع هذا و ما ابغى الفرصة تضيع مني ..و بالنسبة للمبلغ الموظف قالي 860 تقريبا او 865 ريال تدفع عن طريق الشبكة ... بس بصراحة كلامك شوي طمني و حسيت انه المسألة ان شاءلله مو معقدة هي مجرد يصنفون شهادتي صح ؟ او الدرجة المهنية اللي اصلح لها ..
بالرغم انه حسيت شوية بخوف لما شفت الاستمارة ، في صفحة كاملة عن الخبرات ..و انا موضوع الخبرة حساس عندي و معقدني في حياتي و بحثي عن الوظيفة و يؤلمني دائما في اي تقديم لما اترك الخانات هذي فاضية ..بس ايش اسوي مو بكيفي ...
الله يوفقك << الى متى و إلا متى >> على التوضيح و الله يسمع منك يارب و يوفقك انتي كمان و بكل خير يرزقك يااااااااااااااااارب آآآآمين
|
من جد يستهبلون ، انا قتلها لا انا على اساس اداري ، قال لا انتي صحي 
العرض العادي
