السلام عليكم ورحمة الله وبركاته

شخباركم عساكم بخير
[bor=FF0000]

حبيت اخذ رايكم جانا ولد عمي طبعا عمي موظف ولده في الحرس الوطني له تقريبا 3 شهور

اهو الى الان يقولي يداوم ويفكونه كل ربوع وخميس ويرجع الجمعه العشاء لهم وقالي طبعا

اكيد بتجيني احراجات شوي سئلني توظفت ولا قلتلهم قدمت على شركات مؤسسات وبنوك

لكن يطلبون خبره كالعاده مسكوني الباب صار الباب يوم اجيبه يعرفني من كثره مسكاتي له

والعسكرية يبون طول سمعت والله اعلم مدري صحيح ولا انو بيحطون الطول اقل شئ 150

وانا طولي 150 طبعا قالي ويحلف لي يقول انو واحد اصغر منك بشوي انو يداوم عندهم يتدرب

يقولي واقسم بالله الظباط يقولو له انت كيف دخلت العسكرية يقولي انه ينزل راسه ويمشي اكيد

بالواسطه قالي انت اخذ شهاداتك وصورك ورح قدم على مكتب التجنيد في الحرس الوطني

ويعطونك رقم اهم شئ الرقم واذا اخذت الرقم كلم ابوي وهو يمشيك والله ابوي دخلني انا قلتله مو

مشكله يوم يدخلك المشكله في طولي والله ماتنفعني الواسطه قالي لا تنفع بس انت اخذ الرقم وكلم

ابوي ولا عليك ان شاء الله يقدر طبعا رتبه عمي عاليه بس مدري وش رتبته نسيت
[/bor]

[bor=333333]
والله يا اخوان اني مادخلت هالمنتدى وطرحت هالمواضيع الا اني متعقد في كل شئ كرهت حياتي

كلها وين ما اروح كل شئ خبره وتعقيد في تعقيد واخرتها المطعم اللي بالحزم قالو لي جيب ورقه

مصدقه من العمده مكتوب فيها انا فلان بن فلان رقم بطاقه الاحوال اكفل فلان بن فلان رقم بطاقه

الاحوال واني اكفله حضورية وغراميه لدى مطاعم بيت الشوايه وقالي السعودي بنفسه قد توظفت

قبل قلتلوه لا كل شئ خبره وتعقيد قالي لا حبيبي مانبي لا خبره ولا شئ بس الورقه اكتب فيها هاذي

وصدقها من العمده ورحت للعمده اليوم عمده حي الشفا وكالعاده نفخ علي قالي ياخي رح للدوسري

عمدتكم قلتله اخوي انا اكثر من مره جايك اهني وصدقتها ليش ذالحين اتقول رح هناك قالي ياحول

قلتلك روح لهم عاد كالعاده طلعت زعلان ورحت للعمده اللي في المعارض ودخلني الشرطي على

العمده لقيت واحد وكلمته قالي العمده غايب اليوم تعال بكره الساعه من 8 الى 11 تحصله فيه

وبعدين هالورقه وش هي قلتله هاذي ورقه من المطاعم بيت الشوايه قالو لي كذا ويبون تصديق

وضحك وقالي انت غبي جايني ذالحين واخر شئ مطعم قلتله الشغل مو عيب وحطى اكس كبير

على الورقه قلتله ليش انا تعبان عليها واقطع مشاوير واخر شئ تحط اكس قالي تعال بسئلك

وين شعار المطعم وارقامهم وين التفاصيل عنك وعن كفيلك يعني مسوي ذكي انت تلعب علينا

قلتله اخوي وش هالكلام اهم قالو كذا اكتب انا فلان بن فلان اكفل فلان بن فلان ثم صدقها من

العمده وجيبها لنا ونوظفك وبعد اخذ وعطى معه احاول اني يسهل الامور ولا يعقدها كافي اني

معقد في كل شئ وقالي ايش قالي مطعم وطشى الورقه علي وقال سنع حالك ثم تعال وتهاوشنا انا

وياه بالكلام ثم نادى الشرطي وحذفوني برى طبعا كالعاده ارجع وانا ابكي قهر محتكرين الوظائف

حتى على شئ بسيط ندور رزقنا فيها معقدينا فيها قطعوا ارزاقنا - تم تحرير بعض الكلآآم -


[/bor]

لاحول ولا قوة الا بالله هو وش دخل اهله ويحط اكس على الورقه رفع ضغطي

الله يعينْ أخؤي محتآجك .. والدنيآ يبغى لهآ صبرً .. وإحتسآب ،،

مآأملك ِ لك إلآ دعوة في ظهر ٍ الغيب ُ لكَ ولجميع ً العآطلين ٍ ....

×ينقل للقسسم المخصص ×.

الله يوفقك اخوي ويوفق كل عاطل ولاتيئس
القوي ياكل الضعيف

الله يعينك ويرزقك يارب

الله يعينك يارب ويرزقك من واسع فضله ولاتيأس اخوي تأكد الله مع الصابرين وماتضيق الا تنفرج

ياخوي انا منقهر في كل شئ تعقيد حتى المطعم الشغله بسيطه معقدينها ولا بعد اقطع مشاوير واخر شئ يحط اكس

والله قهر مو صاحي كرهت حياتي كلها صبرت وكل يوم اقول تنفرج لكن وش نقول قطعو ارزاقنا والله ياناس

الله ييسر امورك
بعدين قدم على الحرس وعط عمك الرقم صدقني الواسطه اهم من الطول
واحد في الحرس في رجله اسياخ كيف اقبلوه ؟؟؟؟ طبعن الواسطه معه
وشف رجال الامن مو كلهم اطوال اكثرهم قصار ودخلو بالواسطه
موفق بإذن الله ..

والله بقدم ان ردوني وربي مايردني الا ابو متعب لاكتب كل شئ عني واللي واجهتها والله لاسحبهم بالارض

محتاجك . . انت ليش ماتكمل دراستك انا والله متابع موضوعك من العام إلى ذلحين
انا انصحك انك ماتفكر في العسكريه فكر في داستك ادرس جامعه ولا ادخل كلية التقنيه
بعدها تقدر تقدم على وظائف مدنيه ع المرتبة الرابعه او الخامس اي شي يتعلق في الوظائف
كمل عليه اخذ شهادات في الحاسب وحاول انك تبني نفسك بنفسك وصدقني يا صديقي راح تحصل ناس
طيبي بس انت لاتيأس لاتضيع وقتك على الفاضي . . . آتمنى لك التوفيق من كل قلبي ولا تنسى الصلاة والاستغفار وطاعة الله والوالدين ؟