السلام عليكم ورحمته الله وبركاتة


تكفون يامشرفين تجاوبوني



انا سالت الي في المنتدى من اسبوع عن المقطوعه
لان زوجي يستلم من الضمان لوجود اعاقه بصريه وعمره 45 سنه ومن اصحاب العجز المؤقت ( مع ان الاعاقه دائمه ليه عجز موقت مادري ) قالولي الي في المنتدى ان اي حد مسجل في الضمان يحق له المساعده المقطوعه
الصراحه فرحنا كثير وقررنا نقدم .

راح زوجي في يوم21- 4 واخذ معاه الاوراق المطلوبه صورة بطاقه الضمان + صوره دفتر العائله والاصل

لكن يافرحه ماتمت

لما وصل هناك قالو له مايحق لك في المقطوعه الا اذا وصل عمرك 60 سنه ( وربي قهر ليه حسبي الله ونعم الوكيل فيهم )

معقوله مافي يعني خلاص انسى الموضوع او هناك امل في المقطوعه تكفون قولو لنا علماً اننا خمسة افراد .

تشخيص اعاقة زوجي بالتفصيل هي :
1- العين اليمنى : كسل بالعصب البصري.
-ضعف بالقدرة البصريه بسبب الكسل بالهصب البصري
2- العين اليسرى : عمى بالعين.
- لا توجد استجابه للضو وذلك بسبب إصابة بالعين.
- سحابه بالقرنيه.
- غوور مقلة العين منذو مده طويلة

مشرفنا العزيز هل يحق لنا بالمقطوعه ؟؟ياريت الاجابه


الله يرزقنا ويرزقكم من اوسع ابوابه

آلله يرزقكم يآإرب يجي من يفيدك

يحق للي مسجل بالضمان

بس مدام أن الموظف قال ، لايحق لك الا لما يوصل عمرك 60 الموظف أدرى

الله يرزقكم ويتعدل القرار

دمتِ بحفظ الرحمن

موفق بإذن الله ... لك مني أجمل تحية .

المقطوعه الوالد مقدم عليها وعمر لم يصل الـ 60 ،، ممكن كل مكتب له نظام خــآص فيـه .

مشكورين بس وين المشرفين ابي جواب كافي ؟؟؟؟؟؟؟؟؟؟؟؟؟

خالتي قدمت وعمرها في 30 وتم الموافقه واستلمت 10340 ريال يوم امس

الله يرزقنا من واسع فضله
سبحان الله وبحمده سبحان الله العظيم

ياربي توفقكم ويرزقنا ويرزقكم من اوسع ابوابه شكرا لكم اخوتي في الله


ولكن مازلت ابحث عن اجابه اكيده وشافيه من المشرفين

لان بصراحه زوجي فقد الامل ولكن مازال الامل لدي لعل الله يرزقنا ونستطيع اخذ مقطوعه والله اننا في امس

الحاجه لها .


وجزاكم الله عنا كل خير