السلام عليكم ورحمة الله وبركاته
ياخوان انا خايف اول سنه بالجامعه من غيرالتحضيري ومعدلي حول2 هل ينفع شهادة بكالوريس ادراة اعمال مقبول تنفع فيه امل وظيفه وكم نسبته
تكفون ولله مليت من الدراسه ولااحول كليه تقنيه لاانه الي به مبسوطين لااختبارات ولاكرف مثلنا
وانا لو عارف قبل ان التقنيه كذا ماضيعت سنتين
تكفون رايكم
مليت من الدراسه يجي اجنبي مايسوى شي مريض نفسي يخسف المعدل حسبي الله ونعم الوكيل

الله يعطيك العافيه وتخصصي مثل ماقلت ادراة اعمال
جامعة القصيم

ادارة اعمال وبجامعة وتبي تروح للتقنية وش هالكلام

ياخي ترا احنا متحطمين بالدبلوم كل ما رحنا مكان يقولون انت دبلوم نبي بكالريوس

بعدين لعلمك وش التخصصات الزينه الي بالتقنيه الجامعة افضل منها بمليون مره

اذا تخصصك ماهو عاجبك شد حيلك وحول لتخصص ثاني

وترا مافيه شي اسمه مافيه كرف بالتقنيه اذا فرضاً دخلت التقنيه

وماشديت حيلك والله ان تروح فيها وتخسر

والجامعه انا اقول افضل لك بكثير بكثير واذا على التخصص

شد حيلك وحول تخصص ثاني

لكن تخصصك والله ما اعرف عنه شيء لكن فيه عضو معنا راح اسئله وارد

لك خبر بأذن الله واكيد الاعضاء راح يشاركون معنا بأذن الله

ونساعدك بالشيء الي فيه خير

انا مستغرب منك ياخي الي معانا في المنتدئ ترا معدلاتهم 4.50 وانت طالع وماحصلو شئ

ياخي نصيحه اخويه ابعد عن التقنيه والله لو في الجامعه بكالريوس مربي كلاب تتوظف فيها والتقنيه ماتتوظف بها

اتعب الان وارتاح بعد التخرج

سلام

شوف وانا اختك ..خلك في جاامعتك ورربي معك

( لن تبلغ المجد حتى تلعق الصبر)

كلنا عااانينا وتعبنا ( وجت فتره قسم بالله اني ابكي فيها
ونهارت اعصبنا ودخلنا المشفى ( كله في سبيل الحصول على العلم ومن ثم الوظيفه

وربي يساعدك ويسهل لك امرك

تعرف لا قالو لك النحشه كيف يعني الهجه زي مايقولن من التقنية
لامستقبل وضيفي ولاهم يحزنون
اذا انت رجالن تبي تدخل التقنية وتجيب معدل فوووق4 ونص وتدخل ارامكو او تكمل بكالريوس مدة3 سنوات
هنا كلام ثاني وتعب وراح عمرك

لذا خلك بالجامعه افضل وانا لاحقك ان شاء اللهـ

اخوي فهف نصيحه مني لك خلك بالجامعه وتخصصك ادارة اعمال مطلوب جدا