السلام عليكم ورحمه الله ،،

طبعا الحمد لله انقبلت قبول مبدئي ، في امن المنشات
وطولي قسته في الامن العام ، طلع 167 ونص وانطرت خخخخ

رحت قست في المستوصف قبل ما يفتح التسجيل وطلع طولي 168 ونزلت 5 كيلو

المهم ، سجلت وكتبت

وزني = 85
ووزني الحقيقي = 90
والطول الحقيقي حاليا = 168

بس توترت ناس يقولن لو تزيد واحد كيلو بس يطردونك ابي افهم وش السالفه هل فيه امل ولا
ناخذهـآ بـ راسنـآ من الحين ونعرف النتيجه ولا اروح انزل خمسه كيلو ولآ ولا وش اسوي :P

^
ادري كلامي مرخبط بس والله اني ابي انقبل فيهـآ . هع شغال بـ شركه كرفتنـآ كرف وتوي متخرج بـ علمي السنه إللي راحت ..


وقت حظوري في يوم الاثنين الجاي
دعواتكم

والله يا اخوك هم متشددين بالوزن اكثر من الطول
لكن حاول انك تنزل ال5 كيلو وربك يسرها انشاء الله
بالتوووووووووووووووووووووفيق

نزل من وزنك ورح
وان شاءلله ماتشوف الى كل خير

مشكورين لبـآ قلبكم ، والله مدري شلون ب انزل خمسه كيلو في اسبوع !

< يكتب وهو ميت جوع هع ،

تسلمونَ ودعواتكم لي

يارجال كان تعرف فيها احد يمشيك ونت تضحك

انا السنه اللي راحت ضبط علومي واحد روقي من بني عمي اسمه مطلق بن سعيد الذيابي

رائد

بس والله انه ذيب

ولخبطووني سلق طوق بمستشىفى الطائف عساه ينهد فوق روسهم كلهم

وخلصت اموري بالامن العام انتظر الفرز النهائي

لاكنها تحت رحمه الله وانتظار المقادير ++ ونلقى الحقيقه في صحيح البخاري

الحل الوحيد انك ما تاكل شي غير سلطه لحد ما يجي موعدك

موفق بإذن الله ... لك مني أجمل تحية .

السلام عليكم اخوي شد حيلك وعليك بالمشي والهرولة انا زيك مسجل 90 ووزني 96 ومافي الا هرولة يومي لمدة
ساعة ومافي الا تمر ولبن اكتيفيا قليل الدسم والله عيوني بتطلع وانا ماسك نفسي لاكن تعبنا من وظايف الشركات
وتني قست وزني طلع 92.3 والغدا حبتين بيض مسلوق على عيش لبناني وسلطة مع اللبن والباقي على الله
وموعدي زيك يوم الاثنين الصباح الساعة 7 . وفاااااااااالك التوفيق والجميع ان شاءالله اخوك : محمد القحطاني .

حاول تنزل 2 إلي 3 كيلو كمان وفاللك القبول

الله يوفقك يارب بلادي السعوديه ، والله انك كفو يا بعدي :$

<~ يروح يشتري لبن اكتيفيـآ ويهرول من اليوم :$ ههه

يلا فالنـآ القبول محمد القحطاني ،،

ياذيبان اول شيئ مبرووك القبول

ثاني انا بششطح بسؤال الله لايهينك

اذا كنت من مكه انت بالله وين المستوصف الي قست فيه ابغى اروح اقيس فيه عشان انا كل ماروح اقيس طول فالمستوصفات يطلعوني مراه 160 ومره 165 خلها على الله لين وسوست بس انت علمني ان كنت بمكه اي مستوصف قست فيه وتحياتي لك أخوك / الهذلي