15-11-2007, 01:50 AM
|
|
Guest
|
|
تاريخ التسجيل: Apr 2007
المشاركات: 3,374
معدل تقييم المستوى: 0
|
|
|
تفاااااهااات الامور
للشاعر/تركي الديحاني
يابو سعد ماعادت الدعـوه علـى البيـر وغطـاه
تقـدر تميّـز بالزمـان وقوفـنـا وجلوسـنـا !!
فـلان ياكـل لقمتـه وفـلان ماكـمّـل عـشـاه
ولا عاد باقي مصطلح يمشـي مـع قاموسنـا !!
اللي تخبره مايهاب اليـوم مـن ضمـن الرعـاه
امـا تدوسـه ميـلـة الايــام او تدوسـنـا !!
وحنّـا ولا هـذي ولا ذيّـه وكـلٍ فـي عـمـاه
وش فايدة قولة عـرب لـو معتلـى ناموسنـا !!
صـار التنافـس بيننـا كـلٍ يجاكـر فــي رداه
ورحنا نماري فـي جمـال ابكارنـا وتيوسنـا !!
ايـران تصنـع قنبلـه والشـر مـن كـل اتجـاه
وحنا على التصويت والشاعر تـروح فلوسنـا !!
ونطلع على الشاشـه نهايـط كلنـا هيبـه وجـاه
ولا عندنا غير ابـك حنّـا ماتضيـق انفوسنـا !!
ولا كبـرة القالـه ماتسمـع عندنـا ياكـود هـاه
امّـا نلـد عيونـنـا والا نـدربـي روسـنـا !!
مـن شافنـا يقـول وش ذولا المناعيـر الدهـاه
وابسـط تفاهـات الامـور تشوتنـا وتحوسنـا !!
وابشـر بنـا عنـد الاكـل وعنـد لبـاس العبـاه
واليـا تواجهنـا تواجهنـا سـنـه بعروسـنـا !!
نتـرك جزيـلات الامـور وهمّنـا بـس الحيـاه
ونتعب على الغتـره هـدد ونهايـط ابملبوسنـا !!
ياليـت نظبـط امرنـا والا الغنـا مامـن غـنـاه
وبعقعـا علـى ماتشتهـي تسبّنـا وتبوسـنـا !!
واكبـر خطـا انّـا نجاهـل مـن يذريـنـا ذراه
وضرس العقل اليا انشلع طاّحت جميع ضروسنا !!
ولـو كـل رجـالٍ ليـا وقّـف يوصّـل منتهـاه
كان الشعوب الثانيـه تنهـج جميـع دروسنـا !!
يابـو سعـد جـاك الكـلام اللـي يشـد الانتبـاه
امـا عجبـك وقوفنـا والا خذلْـك جلوسـنـا !!
وتقبلوا تحياتي
ابو سيف
التعديل الأخير تم بواسطة abu seif ; 15-11-2007 الساعة 04:19 AM
|
العرض المتطور
