أي سؤال عن مدينة تدريب الامن العام بالرياض

محمد الدريعي · #1 (**permalink**) 28-03-2011, 08:28 PM

[align=center]
[align=center]
بسم الله الرحمن الرحيم

السلام عليكم ورحمة الله وبركاته

الحمد لله تخرجنا من الدوره

و أي سؤال عن مدينة تدريب الامن العام بمنطقة الرياض ..

أنا جاهز

وترى السرايا كلها تغيرت

سرية علي (اللون ازرق) .. أصبحت الكتيبة الاولى

سرية خالد بن الوليد(رصاصي) اصبحت الكتيبه الثانيه

سرية عثمان بن عفان(اصفر) اصبحت الكتيبه الثالثه

سرية عمر بن الخطاب(اخضر) اصبحت الكتيبه الرابعه

سرية ابو بكر الصديق(احمر) اصبحت الكتيبه الخامسه

اصبح لكل كتيبه قائد برتبه عاليه وليس كما السابق ملازم اول فقط

وأي سؤال انا تحت امركم عن الدوره وطلباتها واصعب مافيها واحلا مافيها ...
[/align]
[/align]

الطامس · #2 (**permalink**) 28-03-2011, 08:42 PM

اخوي محمد مبروووك التخرج والله يوفقك
بالنسبة لتغيير السرايا ولكل سرية قائد برتية عالية هل هذا التغيير ايجابي
انطباعك عن الدورة بعد ما تخرجت هل الدورة صعبة
وبالنسبة لمدة الدورة لهذا العام سمعت انها 6 شهور هل هذا الكلام صحيح
وفي الاخير جزااااك الله خيررر

منصورالحارثي · #3 (**permalink**) 28-03-2011, 08:48 PM

اي بالله ياخوي
الدوره الجايه كم مدتها
وتعرف عبد الرحمن بن دهيبش الحارثي كان معاكم
هو ولد عمي تشوفه ملحووس
والله يوفقك يابعدي

احمد المهيمزي · #4 (**permalink**) 28-03-2011, 09:00 PM

الف الف الف مبرررررررروووووووووووك
وياليت تقولنا كم مدة الدوره الجاية

يہاهہمٌہلالہيّ · #5 (**permalink**) 28-03-2011, 09:06 PM

موفق بإذن الله ... لك مني أجمل تحية .

محمد الدريعي · #6 (**permalink**) 03-04-2011, 11:34 PM

[align=center]
قائد الكتيبه مقدم ولا رائد

وفيه قائد سريه لكل سريه قائد رتبته ماتتعدى ملازم اول

شوف الدوره ماراح تقل عن 9 شهور حنا طقطقنا 9 شهور بالضبط

بس العام اخذو سنه

بس قائد المدينه الجديد اللي هو محمد عبدالله السبيعي

رجل يخاف الله ويحب الطلاب

وحط قوانين وانظمه مريحه للطلاب بس للاسف فيه تجاوزات من المدربين

وانتم السنه هاذي نظامكم غير لان بيخلي المدينه نفس نظام الكليه الامنيه

يعني انضباظ لأبعد درجه
مايمديك تبزوط

وخذها نصيحه ترى البزوطه ماتنفعك لأن المدربين فاهمين الكفت وماهو اول مره تمر عليه دوره

يعني خلك عاقل والله مااحد يصيد عليك شي والمدرب لايعرفك

مااقول الا الله يعينكم على الـ45 يوم فيها نفسيه وارهاق بدني

بس اللي يبي العز يصبر

وترى الوطن له حق علينا

والمجال العسكري خدمه كبيره للوطن

ويابخت اللي يحمي وطنه
[/align]

وطني نبع إبداعي · #7 (**permalink**) 04-04-2011, 12:22 AM

يعطيك العافية

حضي نحس · #8 (**permalink**) 04-04-2011, 12:27 AM

1- كم يبلغ طول الميدان تقريبا

2- هل الشخص بعد مايتعب في الجري يسمحون له بالراحه لو كان تعبان من جد مو استهبال .؟

3- كم مدة النوم المعطاة للطلاب

4- هل فيه اماكن شراء احتياجات او ماكولات او مشروبات ولا كل شي ممنوع لا زم بالميز وبس

5- كيف يكون الشخص تابع لجماعة المسجد سمعت ان جماعه المسجد الي عندكم فلاوي

6- كيف شؤون التدريب عندكم هل هم شادين عليهم ولا فله تخصص شؤون التدريب اقصد

7- هل المدربين اصحاب ظلم وجور يعني مافي قلوبهم رحمه كما في بعض المدن

8- متى تصرف الرواتب بالبدايه

9- كيف اجيب القبوع اخضر ورصاصي وغيره هل يسمحون لي الخروج بالـ 45 ولا مافي امل الا بمرض

10 - وين مكان المدينه بالضبط للشخص القادم من القصيم لاني مادل مكان ابد

اسف طولت عليك لكن العذر والسموحه اخوي والف مبروك التخرج