[align=center]السلام عليكم

اخواني ابي مشورتكم انا باذن الله نويت افتح محل صيانه وبيع اكبيوتر ات
طبعا انا في مدينه صغيره نسبيا صح فيه اكثر من محل
وغالب العاملين فيها مصريين وهنود
واشوف شغلهم ماشي
وبعضهم شغلهم اخر حلااااااوه

الموهم
ابي رايكم بالنسبه للفني ...
انا نويت اجيب فلبيني لانهم معروفين انهم اصحاب هالشغله وممكن يسوي سمعه اسرع من المصري او الهندي << هاذي نضرتي مادري اذا صحيحه او لاا

سلبيات هالامر : انه ماراح يتواصل تمام مع الزباين خاصه خلال الفتره الاولى لانه راح يكون اول عمل له بالسعوديه
ولا يعرف عربي .
انا راح اكون متواجد معاه بالنسبه للغه وممكن استلم الاجهزه وهو يسوي الصيانه ونا بساعده لانو عندي معلومات حلوه واعرف اسوي فورمات وتنزيل البرامج

في امرين خايف منها
الاول : عدم تواصله مع الزباين هل يقلل من ميزته انه الفلبيني الوحيد صيانه بالبلده !!
الثاني : تواجدي بالمحل هل ممكن يقلل من الزباين اللي يحبون التعامل مع الاجنبي لزياده الخصوصيه ؟


وابي كل شخص يمر من هنااا يعطيني رايه بصرااااااحه
لو مريت من عند 3 محلات وعندك لابتوب تبي تصلحه
هندي , مصري , فلبيني
اي محل تختار [/align]



تذكرووو ان كل كلمة ولو كانت بسيطه تعني لي الكثيررررر

بالنسبه لي اشوف الفلبيني احسن بس المشكله اللغه يبي لك عنده شوي كلمات بالتوفيق ‏

شوف دائما السمعه الطيبه تغني عن جنسيه الموظف

واا بصراحه افضل بما انها بلده صغيره انه تشتغل فيها انت

لان الكل بيعرفك بسرعه وكل المجالس بتقول شفت فلان ماشاء الله فتح محل ويشتغل فيه بنفسه
وبتشتغل اللقافه ولازم احد يمرك ولو من باب الفضول وانت هذي فرصتك

الشي الثاني جوابا على سؤالك
بصراحه انا بروح للهندي
لانه بالعكس اشوف الهندي اذكاهم وهو المتخصص

ملاحضه :

لاحد يجي يقول الهندي والهندي
ترى فيه فرق بين الهندي والبنقالي

اسف ما رتبت الموضوع بس اعتقد وصل

اسال الله العظيم الكريم
ان يكرمك ورزقك والمسلمين من حيث لا تحتسب

قول امين

بالعكس ليه ما تختصر مشوار السمعه بانك تشتغل انت فيه

وبكذا اختصرنا مشوار طووووويل

وصدقني انا اتمنى اتعامل مع شاب سعودي عن الاجنبي

اقعد سنه اكسر في كلامي عشان اوصل له مشكلتي وفي الاخير ما يفهمها برضو ههههههه

[align=center]
اخوي فيجاروا انا انصحك في الفلبيني ياليت تقولي
طريقة التقديم للفلبيني ومن وين تقدم عليه
[/align]