تعالى وخذ لك دعوه ماراح تخسر

ليه انا مجروح · #1 (**permalink**) 29-03-2011, 02:28 AM

السلام عليكم ورحمة الله وبركاته
الاخوووان في منتدى البطاله ابي استشيركم في مشرووعي لكن بشرط وشرطي راح يكون امانه على كل شخص يدخل على مشروعي ولا يعطيني مشورته التي افتخر فيها وابيها بكل امانه تكون صريحه
اسف على الاطاله
مشروووعي اني ابي اسوي مطعم صغيرون برجر وسندوتشات شبه سندوتشات كودو على شكل وجبات
تكفون لاتخيبون ظني فيكم ل
ان والله متردد بس عاااد قلت مالي بعد الله الا اخواني في منتدى البطاله

وشاكر لكم حسن تعاونكم

فيجاروا · #2 (**permalink**) 29-03-2011, 03:02 AM

والله ياخووي ماني عارف بهالشغله شي ابدااا
لاكن اشووف انها ربحانه بشرط تختار الموقع ثم الموقع ثم الموقع
لاكن لازم تتابعهم بالبدايه عشان تعرف كم الدخل شهريااا
وبعدين تقدر تاجرهم المحل بدخل ثابت <<< انا من نضرتي اكثر الللي بالمطاعم يكونو هم مستاجرين المحل ويشتغلون لحسابهم
وممكن تستمر ع انك تعطيهم رواتب حسب اللي تشوفه.

انصحك تروح لك عصريه على المطاعم تاخذ لك لفه تسئل اسئلهم عن كل شي
اكيد بعضهم بيسترزق عشان تعطيه فيز يجيب قرايبه او شي
راح يعطونك معلومات كامله

وان شاءالله الاخوان يجون يفيدونك بالتكاليف وكيفية تجهيز المطعم والبضاعه والامور الثانيه
اعتذرر منك اخوي لاكن والله ماعندي معلومات عن الاشياء هاذي

عالية المقام · #3 (**permalink**) 29-03-2011, 03:03 AM

موفق والله سووووقها ماشي وبقوة

لانها فطور وغداء وعشاء

بس خلك قريب من مدرسة اولاد

متوازن · #4 (**permalink**) 29-03-2011, 10:56 AM

وعليكم السلام ورحمة الله وبركاته

يبي لها مقومات .. ياموقع جيد .. او سر بطريقة الاعداد تخلي طعمه لذيذ ومرغوب .. الديكور النظافة شكل العامل
المواد الغذائية المستخدمة
فرفر على المحلات اللي تحس انها قريبه من فكرتك وناجحه وادرس اسباب نجاحها

بوفيه الشباب بحي الملك فهد بالرياض ماشاء الله زحمة غير طبيعية والظاهر ارخص ساندويتش فطور عندهم ب3 ريال
انت تخيل ان البيض بالجبن ب 4 ريال ومع ذلك زحمة الله يزيدهم بركة
تتوقع ليش ؟؟
ابجاوبك اذا شفت تجاوبك

مضيعه برقعها · #5 (**permalink**) 29-03-2011, 11:14 AM

مشروووووع مربح جدا بشرط يكون الموقع في منطقه مزدحمه بالناس او زي ما قال الاخ قريب من مدرسه اولاد بالذات

وطبعا لازم تتابع شغلك بنفسك عشان لايسرقونك العمال
واي مشروووووع فيه اكل مشروع ناجح باذن الله

لكن انت حاول يكون محلك مميز شوي

يعني ديكورات جذابه وموقع راقي حط فيه اكلات مميزه

غير المتعارف عليه ودارج

مثلا بدل مايكون سندوتشات شورما وهبرجر وبس خلي فيه تنويع

سندوتشات سمك وربيان و تونه وسندوتشات بالنقانق والخضار او بالفطر يعني سندوتشات اوربيه

اوربيه

وعصاير ليمون ورمان وموكا وحركات

واكيد راح تدخل براس مال ممتاز عشان تحقق التميز

وبالتوفيق

عضو متفائل · #6 (**permalink**) 29-03-2011, 01:23 PM

فكره ممتازه اذا لقيت لك معلم ممتاز وخلطه مميزه

الله يوفقك ويسدد رأيك

كودي مارتن · #7 (**permalink**) 29-03-2011, 01:35 PM

[align=center]الموقع الجيد
المعلم الجيد
نظافة العمال
نظافة المحل
عدم رفع الاسعار
الصبر على المحل (يعني ما تقول باول ثلاث اشهر خسرت خلاص اصبر عليه لانه جديد)
تنوع الوجبات
توصيل الطلبات مجاني

^^^

تطبيق هذي باذن الله المطعم ناااجح
الله يوفقك اخوي بمشروعك [/align]

مواطن عشوائي · #8 (**permalink**) 29-03-2011, 01:45 PM

[align=center]
فكره حلوه بس مثل ما قالوا الشباب اهم شيء الموقع والنظااافه النظاافه فوق كل شيء وخلي اكثر وقتك في المحل علشان تراقب العمال كيف نظافتهم كيف تعاملهم والى يقوم المحل صح وبعدين ريح
[/align]

المتواضعة لله · #9 (**permalink**) 29-03-2011, 02:20 PM

والله من ناحيتي احسها شئ طيب
اهم شئ النظافه والموقع وربي يوفقك ان شاءالله

ليه انا مجروح · #10 (**permalink**) 29-03-2011, 03:37 PM

[align=center] شكرا للجميع ويعطيكم العافيه مو غريبه عليك واااافين وكاااافين وبصراحه اعطيتوني دفعه معنويه قوووووووويه وارائكم واقتراااحتكم على العين والراس
والحمدلله العماله تقريبا جاهزه والمحل تقريبا بنسبة 60% موجووود
بس ابي افكار للديكور وافكار للوجبااااات
واسف لو اخذت من وقتكم
وشاااااااااكر للجميع من اعماق قلبي [/align]