السلام عليكم اخواني الاعزاء انا بصراحه ذبحني التفكير والله قهر
ابغا اعرف وش اسوي انا مخلص الثانويه العامه تخصص علمي بنسبه 73 والقدرات 78 ومعي شهادة الحاسب الالي ادخال البيانات ومعالجت النصوص اللي هي icdl وممعي دوره في الانجليزي لمدة 3 اشهر بنسبة 97 ومعي شهادة صيانة الحاسب الالي 3 اشهر
هل راح الاقي وظيفه او لا واذا لقيت كم تتوقعون الراتب ودي اقدم على الامن العام لاكن اخاف ماستفيد من شهائدي ارجوا منكم افادتي اخوكم في الله محتاج اقتراحاتكم والسلام عليكم

وين الردود يابشر

راح تلقى وظيفة ان شااء الله بس انت اجتهد وقدم بكل مكان .. بالتوفيق ان شااء الله

يابن الحلال قدم على كل شي

والله يرزقك

ياخوي ان شاء الله الله بيوفقك

بس لو تبي نصيحتي لا تفكر بالشركات شف شهاداتي الي بالتوقيع ومع هذا كله موظف براتب 4000 ريال

ولله ما يوكلك عيش

لدرجه اني الحين مقدم على عريف في امن المنشات

ولله وانا اخوك اي واحد معاه ثانويه ومو مكمل جامعه انا انصحه عسكري

والدورات الي معاك من قال انها بتروح عليك امن المنشات قبل اسبوعين فاتح للي معاه اي سي دي ال رتبه جندي اول ليه ما قدمت

العسكريه اي دوره حاسب يعطونك فيها جندي اول

وانت تعرف ان امن المنشات تابعه للداخليه واي شي تابع للداخليه الجندي الاول ما راح يستلم اقل من 6000 ريال

لحق نفسك وقدم في موقع الوزاره الداخليه ترى التقديم فاتح حسب ما قال لي واحد من اصحابي

روح سافر برا وادرس ترى تندم على ضياع كل لحظة وثانية من عمرك.

واصل دراستكـ نصيحة

بالثانوووي ماراح تحصل وظيفة مناسسبة

انصحك قدم عسسكرية

او كمل دراستك الجامعية

بالتوووووووفيق

آخوي انت لية قلت الامن العام بالذات
يعني انت تشوف أنك بتنقبل لو قدمت بالأمن اقصد الطول وشروطهم وكذا أو لك معرفة فيه ..
هذا خيار بالنسبة لك يعتبر أفضل ماتقدمة لنفسك ..

وبالنسبة لشهاداتك أنا اقولك انت بمسابقات الوظائف يعتبر مؤهلك ثانوية عامة مو دبلوم حتى
والشهادات اللي معك دورات وعلى فكرة icdl الغي اعتمادها من الخدمة المدنية يعني ماتفيدك بمفاضلة للوظائف الحكومية ..

وأسالني خبره بالتقاديم .. الوظايف الحكومية يبي لك مؤهل قوي تنافس فيه او واسطة جامدة تمشي أمورك
غير كذا أملك فيها بيكون ضعيف ..

الشركات ممكن تلاقي بس .. راتب ضعيف + دوام كرف ..ومافي أي استقرار وظيفي ومستقبل تبني عليه صح ..


نصيحتي لك من قلب : عندك خيارين هي الافضل لك
1- الأمن العام والله مستقبل وراتب ممتاز مع شح الوظائف هالايام ..وامان وظيفي .. يعني لو حصل لك فيها فرصة قبول لاتفوتها ..
2- الخيار الثاني لو ماحصل لك الخيار الأول كمل جامعه .. انت الان مثل منت شايف كم عدد الجامعات الان عندنا وقريبا بيتم فتح 6 جامعات .. الهدف تأهيل كل الشباب لسوق العمل يكون المؤهل جامعي ولاتنسى 80 الف مبتعث ومبتعثة بالخارج .. يعني الثانوية بتكون خارج السرب ..


وعسى الله يوفقك واسف ع الاطاله

مشكورين لاكن اتمنى ان ارى اجابات اكثر