مشروع اعلان

المليونيرة · #11 (**permalink**) 30-03-2011, 07:55 PM

شكرا والله يوفقك عازف الشبكة ، بس مين عنده معلومات تقريبيه عن راس المال المفروض توفره في البداية ؟

راسي يابس · #12 (**permalink**) 30-03-2011, 08:29 PM

سلام عليكم
اخوي عازف الشبكة ممكن سؤال , ...
انت بنفسك يااخي قلت 95% من وكالات الدعاية والإعلان ماعندهم مكاين وإنت صادق وانا قلت للإخت المليونيرة لو تبي تفتح وكالة دعاية واعلان من غير مكاين يعني تتعامل مع وكالات اعلان فيها مطابع الشغله ماتكلف لإنها اول واخر ماراح تشتري مكاين بس الشغل يعني يصير مهو بالشكل المطلوب لكن لو انها اشترت مكاين الربح يصير اكبر وذلك ناتج عن تعامل وكالات الدعاية والإعلان الإخرى التي لا تمتلك مكاين معها . اما بالنسبه لوكالة الدعاية والإعلان تكلف مليون انا مااقصد مليون على شي معين انا اقصد مليون ككل من رخصة إلى مكاين إن وجد ولكن لو بدون مكاين كأي وكالة دعاية وإعلان من الي نسبتهم 95% بدون مكاين طبعاً التكلفه تصبح اقل بكثير من مليون ريال ولكن
الدخل مايكون بالشكل المطلوب وانت بنفسك قلت اخوي مكاين عن مكاين تفرق وفيه المستعمل بعد لكن انا بتكلم عن الشيء الممتاز الي مايخرب ويتعب الراس ولا تنسى إنك يوم تفتح وكالة دعاية واعلان ومعها مكاين راح يجيك شغل لليل والشغله مربحة صدق راح تجيك بروشورات كروت شخصية طباعة مجلات إلخ .. وكل شي يبيله شي طبعاً ومستحيل انك تمشي حالك بأي شي وانت وراك كل هذا الشغل لإنه اكيد راح يعطل عليك لذلك المطلوب هو الشيء الممتاز اما بالنسبة اخوي تقول المشروع يكلف مية وستين الف انا اقلك يااخي لو كانت تكلف مية وستين الف لو وكالات الدعايه والإعلان ماأحتاجت إنها تتعامل مع وكالات اكبر ولديهم مكاين من الإساس ولو بنفسهم اشتروا المكاين الحين مية وستين الف ماتكفي انها تأسس مكتب من 4 غرف
اما بالنسبة لطريقة نجاح مشروع وكالة الدعاية والإعلان لابد من الإسعار المنافسة لكسب وكالات الدعاية والإعلان الي بدون الات والي يتعاملوا معى وكالات اخرى لديهم مكاين , وطبعا الإسعار تكون معقوله وفي حدود العقل والمنطق والله يوفق الجميع سلام عليكم .

مآعاد بدري · #13 (**permalink**) 30-03-2011, 08:41 PM

متابع لحديثكم المميز وياليت اضافات اكثر

والتركيز على نقطه صعوبه التصريح وسبب الصعوبه

وشروطها

لكم كل الشكر

عازف الشبكة · #14 (**permalink**) 31-03-2011, 05:58 PM

اقتباس:

اما بالنسبة اخوي تقول المشروع يكلف مية وستين الف انا اقلك يااخي لو كانت تكلف مية وستين الف لو وكالات الدعايه والإعلان ماأحتاجت إنها تتعامل مع وكالات

اخوي لا تغالط نفسك

انا ماقلت ان المشروع يكلف 160 الف

قلت ان مكينة من المكائن تكلف 160 الف
وهذي اهم المكائن بأي وكالة

وبعدين مستحيل توصل تكلفة المشروع مليون
> انا ما اتكلم من راسي

> جلست مع احصاب وكالات وناس متخصصه
صدقني المليون مبالغ فيها كثيييير
يمكن انت ماعندك خلفية او وصلتك معلومة خطأ

واتمنى لو يجي عضو ويعطينا دراسة وافيه ..

k7ilan · #15 (**permalink**) 31-03-2011, 08:26 PM

على حسب ما أسمع خطوات منح الترخيص : -

1 - شهادة جامعية ( بكالوريوس )
2 - العمر لايقل عن 25 سنة

وبالنسبة لـ طول الإجرائات وقصرها اتوقع يعتمد ع.المعقب ( أشطر معقب ربما شهر ونص )
وأعرف معقبين يطلعون لك وكالة بدون مايكون عندك شهادة جامعية ( استثناء )

بالتوفيق لك يارب

تحياتي

صمايل صمايل · #16 (**permalink**) 31-03-2011, 09:10 PM

اقتباس:

وأعرف معقبين يطلعون لك وكالة بدون مايكون عندك شهادة جامعية ( استثناء )

يالله على إيدك دلنا عليهم يا خوك

بعثرت فيني غلاك · #17 (**permalink**) 31-03-2011, 10:09 PM

كلام اخوي راسي يابس صحيح ميه بالميه اذا كانت الوكاله تطبع برشورات وكروت شخصيه وكروت افراح ولوحات اند دور واوت دور على مكاين خاصه بها تكلفتها من مليون وانت طالع اما اذا لوكاله شغلها على لوحات الان دور والاوت دور والباقي من المطابع الخارجيه فتكلفتها حدود 150 الى 200 الف

راسي يابس · #18 (**permalink**) 01-04-2011, 12:47 AM

على فكرة اخوي عازف الشبكة ترى اخوي وولد عمي عندهم وكالة دعاية واعلان للمعلومية فقط
اما بالنسبة لتكملة كلامي فهو نفس كلام اخوي بعثرت فيني غلاك وشهادتك اخوي بعثرت فيني غلاك وسام على صدري شكرا لكم والسلام عليكم