29-03-2011, 01:43 PM
|
عضو مهم
|
|
تاريخ التسجيل: Sep 2010
المشاركات: 228
معدل تقييم المستوى: 842
|
|
|
اليوم رحت للخدمة المدنية //خبر هام// ومشكلتي مع الموظف+رأي خاص!
السلام عليكم ورحمة الله وبركاته
باختصار
ياشباب انا اليوم رحت للخدمة المدنية فرع القصيم
رحت لموظف قلت له بسأل عن برنامج جدارة قال اطلع الدور الثاني تحصل موظف اسمه عبدالرحمن
رحت للموظف
قلت اخوي انا خريج معهد صحي بغيت اسألك ببرنامج جدارة مكتوب تاريخ التخرج اكتب تاريخ التخرج اللي بالوثيقة والا اللي بالتطبيق الامتياز؟؟؟
لان فيه بموقعكم يقول لخريجين الكليات الصحية تسجيل تاريخ الانتهاء من الامتياز!!
قال شيء طبيعي سجل الامتياز! قلت بس انا دبلوم ومعهد صحي؟ قال ايه سجل الامتياز!
قلت يااخي واحد من الشباب يقول ... قاطعني الموظف وقال اجل خلاص لاتاخذ بكلامي!!
قلت وش فيك عصبت !
وانا والله اني هادي معه!
قلت خلني افهمك واحد من الاخوان راح للخدمة المدنية اللي بجدة قالوا له سجل تاريخ التخرج اللي بالوثيقة !
قال اجل ليش تسألني اسمع كلامه وبس!
قلت بس انت موظف مثلك مثله كيف تعطوني رايين! وش اسوي انا!
المهم راح سفهني قال هذاك مدير الفرع بنفس الغرفة مكتبه رحت له وانا معصب من الموظف قلت يااخي السالفة كذا وكذا .. وش اسجل قال يااخي شيء طبيعي تسجل تاريخ التخرج وليس الامتياز!!
قلت اكيد قال ايه !
وانا اغز على الموظف اللي قدامه وارفع صوتي قلت اجل علم هالموظف المتخلف اللي يتطنز علي يوم قلت يقولون سجل تاريخ التخرج للوثيقة! قال يااخي اصلا شيء طبيعي انها بتكون شهادة التخرج!
وش رايكم ياشباب بهالموظف لو اني مشيت على رايه وسجلت وش بيكون مصيري!
والله العظيم خلونا نتكلم بصراحة نطالب بالسعودة وللاسف بعض السعوديين لو يمسكون وظايف مايستاهلونها ولايكلمونك الا بطرف الخشم!
المهم يااخوان بغيت انبهكم انكم تكتبون تاريخ التخرج اللي بالوثيقة وليس الامتياز
والله يوفقكم
|
العرض الشجري
