السلام عليكم ورحمة الله

كيف حالكم ان شالله بخير

انا سالفتي ياجماعه اني استعجلت واستاجرت محل بعشر الاف جمعتها بعد تعب

طبعا عطيتهم خمس الاف حق ست شهور ووقعنا العقد وكل حاجه يعني ويبدون من 1 من شهر 5

بس ماعاد اقدر اتراجع لي الحين موقع العقد تقريبا خمس ايام

المهم ياخوان قسمت المحل لان بنيتي بالبدايه اني اسويه محل كمبيوتر وصيانه
وبعدين قلت محل خضار بس طلع المكان مايناسب

وبعدين قلت مكتب عقار بس فيه منافسين كثير ونا جاهل فيها

وبعدين قلت محل بلاي ستيشن

وافضل فكرتين محل البلاي ستيشن والحاسب لانه بحي اشبيليا وبمنطقة مافيه حولها ابدا هالنوعين ومحتاجينها ولاني خبره بهالمجالين الي هو صيانة الحاسب والبلاي ستيشن

لاكن مابقا من فلوسي الا بالضبط 5000 بعد مادفعت الايجار ماقدر ازيدها

قالولي ماتكفي حتا حق الديكور كيف غاد البضايع


وارجو مساعدتي ياخوان وش الي اقدر اسويه بالقيمه ذي

لاني خلاص المحل اخذته

الله يوفقك حاول تزيد فلوووسك صراحه ماتسوي شي 5000 بوقتنا هذا

بس وجهة نظري عندي حل ترجع فلوووسك حقت الايجار حاول انك تجره انت على اي واحد بنفس السعر

ويدفع لك حق لي اجرته من صاحب العماره وبعد6 شهور يكمل مع راعي العماره

وترجعلك فلوسك وفكر بعدين مشروع وراجع وصمم المشروع ولاتستعجل وانا اخوك

الله ييسر للي فيه خير
بس انا اقول اخوي زي ماقال اخوي الي قبلي اجره على اي واحد حتى لو تخسر شوي
مو مشكله بس اذا تبي تسوي مشروع ثاني مره حاول ان يكون راس المال اكثر من كذا
ولا وش رايك عندي فكره اذا الموقع قريب من السوق ولا حوله زحمه ليه ماتفتح ابو ريلين وربي اتكلم جد
ورح لجده ولا اي محل جمله و5000 اتوقع تجيب لك بضاعه حلوهه من ام ريالين
اتمنى اني ماعورت راسك بهذرتي بس هذا اقتراح لا اكثر ومشكور؟؟

كم مساحه المحل؟

موفق بإذن الله ... لك مني أجمل تحية .

المحل فتحه وحده مايمشي ابو ريالين ابدا


طيب لوادبر الفين فوقها ماينفع؟

مالك غير محل حيوانات هذآ الوحيد الي يكفي بال5000ريال

الله يهديك ياخوي استعجلت المفروض تخطط زين وتحسبها قبل تبداء باي خطوه ويمكن ان الاجار رخيص شوي استعجلت
لاكن خل ثقتك بالله كبيره وباذن الله راح تتيسر الامور
صحيح المبلغ قليل ويمكن مايغطي
لاكن الان المهم عندنا مانضيع المبلغ اللي دفعته (الان عندنا مبلغ 10 الاف عند راعي المحل + 7 معاك)
الشي اللي بنحاول فيه مانخسر هالمبلغ الين نقدر نجمع مبلغ اكبر نقدر ندخل فيه
اول شي : تروح لراعي المحل وتشرح له الضروف وان المبلغ مايكفي وكذا وامورك ماضبطت ممكن يكون طيب ويرجع لك اللي دفعته خاصه لانو ماخسر شي الى الان وحتى لو خصم اجار شهر مثلا تخسر الف ولا تخسر 10
ولزم عليه وازعجه بهالموضوع وباذن الله يرضى
الخطوه الثانيه : اذا راعي المحل رفض دور على مستاجر يستاجر المحل بدالك نفس ماقالو الاخوان (وحط ببالك انو هالخطوه ممكن تطول وممكن ماتحصل احد يستاجره)
الخطوه الثالثه : رح للعماله المتواجدين بالسوق واعرض عليهم المحل (في كثير عماله ترضى لانهم يعرفون بعض وياخذون بضايع ع التصريف )
الخطوه الرابعه : وهالخطوه تسويها من بداية الخطوه الاولى يعني تطبقهاا وبنفس الوقت تجرب الخطوات الثانيه
وهي انك تفكر بمشروع وتسال عن البضاعه وتحاول تشوف لك احد يعطيك بضاعه ع التصريف (حسب المجال اللي تختاره ونويت تسوي المحل فيه ) لاكن لاتحط امل كبير لان اكثر الموزعين عماله ويتعاملون مع ابناء جلدتهم ع التصريف فقط انا عجزت احصل لي موزع يعطيني ع التصريف
الخطوه الخامسه : تفكرررر زين بمشروع واسئل عنه زين وتكون تكاليفه معقوله (وروح العماله اللي يشتغلون بنفس هالمجال واسئلهم اذا في واحد ممكن يشاركك فيه تدفع انت ال 7 الاف + الاجار يكون اللي دفعت = 17 ويدفع هو نفس المبلغ ولو ع شكل بضاعه )

لاكن نصيحتي نصيحتي نصيحتي حاول حاول ترجع المبلغ باي طريقه
لانوو صعبه شوي تبداء بمثل هالمبلغ خاصه انك الله يهديك استعجلت بالاجار حتى قبل تقرر وشو مشروعك


وطمنا عنك باذن الله نسمع اخبار حلوه منك

ان شاء الله انها بتكفيك

اذا مالقيت احد يستأجر منك المحل

اشتري قطع كمبيوتر (وماتكون من القطع الي سعرها يطيح بسرعة ) يعني حبتين مذربورد .. كم ماوس .. حبتين رام ... شاشة وحدة (لان الشاشات كل يوم شي جديد) وصندوقين ... واشياء بسيطة ابو 20 و 15 ريال (يو اس بيهات .. بور سبلاي ..الخ) .. وان شاء الله كل هالشغلة ماتكلفك 2000 ريال (ترا معلوماتي على ايام زمان ايام الديسك توب ) ... كثر من الكراتين الفاضية الي تعطي شكل وديكور

وبالنسبة لديكور المحل ... خليك على قدك ... يعني بويه تكفي فقط ... وتلاقي عمال البوية يصبغ لك المتر المربع بين 5 - 7 ريال ، وبرميل البوية في حدود 180 ريال ... يعني الشغلى كلها على كم لمبة من اللمبات الي تاخذ شكل ونور (عليك بإيكيا مثلا) وان شاء الله ماتكلف 1500 ريال

وحاول انك تسوي شي بنفسك وتوفر القيمة .... يعني لو تقدر تصبغ البوية بنفسك سويها انت ووفر قيمتها

المهم اتبع خطة تقشف مثل الخطط المتبعة في الدول الاوربيه هالايام

والله يرزقك ويوفقك

سولك ديكور رخيص لوستيكرات جدران من ايكيا اتوقع الحبه بعشره ويقولون من ابوريالين تلقاها كنها بويه مرره روعه وجب لك نجار يحطلك كم تعليقه ومش حالك لي ماتبدا وتوقف على رجليك والله يوفقك