16-11-2007, 01:26 AM
|
|
Guest
|
|
تاريخ التسجيل: Jan 2007
المشاركات: 18,846
معدل تقييم المستوى: 0
|
|
|
قصيده في وصف جيب الشاص
راكب اللي كـن زولـه زول ذيـــــب*ان نطحتـه .. وان قفيتـه مـن ورا
وان عرض لك قلت مابالوصف ريب*جنب ذيب ٍ لاحقـه جـوع وعـــــرا
شاصي التصميم لاند كـروز جيـب*مايبيعـه مــن شــراه ليـاشـــــرا
مــايـبـيـعـه غيـر مـردي النصـيـب*او مـن يحـده علـى قروشــه زرا
مــايهـمـــه لانـــفــود ولاجــذيــب*ولا الطلوع اللي مثل طلعـة كـرا
لاهمزو قير أدبله .. جــالـه نحيـب*مثل مـن ميتـه علـى بالـه طـرا
ناحل الاطـراف تصمـيمـه عجيـب*مع سمـاح الـدرب مشيـه بختـرا
كــن جـرات الـربـــابـه بالسبـيـب*صــوت مـاطـوره ليامنــه ســــرا
نحروه الليـل مـع وقـت المغيــب*الثنين اللـي علـى العـز أقصـــرا
ماعليه الا صحيـب ٍ مـع صحيــب*الملح .. والزاد .. والطيب .. خشرا
ماعليهم من بسيط ومن صعيـب*بالـــدروب .. وبـالـمـحــلات خــبـرا
ودهـــم مايمـرحـــون الا قـريــب*مـن مكـان ٍ تقـل لاجـــوه ومــــرا
من شعيب يحدرونـه مـع شعيب*والفضى مشمـوس والديـره ثـرا
ديـرة ٍ ربـي لهلــــهـا مستجـيـب*كل وادي مـن فضـل ربـي جـــرا
جوها من صادق الوسمـي عشيـب*للحبـاري والقطـا فيـهـا حـــرا
نبتهـا يفـوح كـــنـه فـــوح طـيـب*ماتصـدق باللـي عيـونـك تـــــــرا
والله ان عمـاس راسـي مايطيـب*ولا يطـيـب الــزاد ويـلـذ الـكـــرا
غير لا رقبت النبـاء مثـل الرقيـب*ونـمـت فيها ايـام لـو شـح الـــذرا
بالخصوص لياصدف جـو ٍ رهيـب*وقمت ادوج من الفياض الى القـرا
فوق جيبٍ كـن زولـه زول ذيـب*ان نـطـحتـه .. وان قفيتـه مـن ورا
الشاعر لافي حمود الغيداني
|
العرض العادي
