السلام عليكم ورحمة الله وبركاته

ألف مبروك لكم أولا وأخيراً

وعقبال ما تفرحون بالقبول النهائي يارب

فيه نـاس كثير تسأل عن المقابلة و الموعيد ؟ وش راح يصير ؟ وأسألة كثيرة ؟

بما أني دخلت التقديم مرتين والحمد لله أنقبلت بالاخير حاب أطمنكم

كل إلي عدى جميع المراحل بالاختبارات راح ينقبل نهائي خاصة الدبلوم + الجامعة ( بإذن الله )



بالنسبة للتقديم راح يكون متعب أشوي
بس راح أسهله عليكم


طبعا أول ما توصولون راح يقسمونكم فرقتين فرقة للي ملفه جاهز وفرقة أوراقها ناقصه طبعا راح يطبعون لكم الاستمارات ويعدلون لكم البيانات ( لا تخافون )

بعدها راح يكون فيه فرز طول و وزن ( نصيحة إلي وزنه زائد ولا طوله ناقص لو ربع سم لا يتعب نفسه )لا تتعجب راح يطلع تقريبا الربع أو أكثر


اليوم الثاني راح يكون فحص طبي أول يشمل ( النظر - الأسنان - ضغغط الدم - الدم - البول )
وبعدها تعبي أستمارة وتنتظر عشان تدخل تسوي مقابلة شخصية أول مثـل أساله عامة ويركزون على النفسية وشخصية الرجل ( حاول انك تدخل عليهم بثقه كامله مع مراعة رفع الصوت )

اليوم الثالث راح يكون فيه فحص طبي ثاني ويشمل ( الحالة النفسية - الباطنية - الجراحه - الأشعه )
بعدها تروح تسوي مقابلة شخصية ثاني مثل قراءة سورة الأخلاص أو آية الكرسي ( يدققون على النطق السليم للحروف و درجة الصوت ) ويسألونك على تخصصك وأسأله عامه عن التخصص .

بعد ما تخلص كل هذا تسوي بصمات في نفس المركز
وتتوجه إلى الملعب

الملعب راح يسون تمارين بسيطه وقياس للإنحناء ومرونه الجسم
والقيام بالهروله على الملعب لفتين طبعا

علماً بأن اللفه الواحدة 800 م

ملاحظة ( حاول انك ما تتوقف أبدا بالهرولة - وتاخذ الفلتين بوقت ما يزيد عن 4 دقائق )

وبعدها تروح بيتك وتنتظر بعد شهر ونصف النتيجة

تحياتي لكمـ مع تمنياتي لكم بالتوفيق

جزاااك الله الف خير اخوي حرف الواو ما قصرت

بس حبيت استفسر منك

انت قلت يدققون على الوزن الزائد والطول

طيب الي ناقص وزنه

يعني مثلي وزني 53 وطولي 174 تقريبا

مشكور أخوي حرف الواو.
بس وين موقعهم لاني ماعرف مكان التقديم.

طيب فيه واحد من عيال عمي لابس نظاااره وش راح يسوون تتوقع يالغلا

وبعدها تروح بيتك وتنتظر بعد شهر ونصف النتيجة

ماقصرت اخوي

حياكم الله اخواني

إن شاء الله ما راح اقصر معاكم

بالنسبة للأخ الرويلي وجميع الأخوان

يمكنكم حساب الوزن و الطول عن طريق المعادلة هذي

( الحد الادنى للوزن = الطول-100-15 ) . ( والحد الاعلى للوزن = الطول – 100+20 )

بالنسبة لك يا أخ الرويلي

الحد الأدنى للوزن هو

174 - 100 - 15 = 59 كيلو

والحد الأعلى للوزن هو

174 - 100 + 20 = 94 كيلو

نصيحة إذا عندك إمكانية تروح حاول أنك تزيد وزنك 3 أو 4 كيلو بالقليل بلأكل وخاصة الكبسات و الوجبات السريعة وخاصة لا تروح الكلية الا وبطنك مليان

وبالتوفيق لك



بالنسبة للأخوان للي يستفسرون عن موقع الكلية

أول ما توصل المطار أطلب ملعب الملك فهد راح يكون الملعب على يسارك والكلية على يمينك

وفيه حي جمبه أسمه إشبيليا فيه شقق مفروشه كثييييير على سعر 120 ريال الى 150 ريال لليلة

وكل الخدمات متوفرة

حياك الله مطلوب من العطاله

بالنسبة لولد عمك طبعا أول ما تدخل على دكتور النظر راح يطلب منك فك النظارة

ويعمل كشف على العيون للأتأكد من عدم وجود عدسات لاصقة

طبعا راح يختبرونه بأشياء بسيطة كل المعتاد فوق تحت يمين يسار ( يتساهلون فيها )

يعني لا يشيل همها


وبالتوفيق للجميع

الله يوفق الجميع
واللي عنده عمى اللوان يااخوي وش يسووي يااخووك
والله انا عندي عمى اللوان
والنظر ان شاء الله حلو
وش يسوون لي ........؟ اروح او لا تكفون ابي رد سريع يااخواني